1#/ Ong Nguyễn Thiện Nhân, Ủy viên mintri Chính trị, akaok Ủy ban Trung ương Mặt trận negar Việt Nam song dom urang tabiak ứng cử Quốc hội mbang 14, tuk vak 2016-2021  đơn vị bầu cử ka 2 tỉnh Trà Vinh, hu var taom gaok  cử tri di ban sit  Duyên Hải. Cử tri ban sit Duyên Hải tong yaom glong tanut song danak dak bruk ngak di dom urang tabiak ứng cử ;  tapa nan hu panuac payua tal dom urang tabiak ứng cử quốc hội mbang 14 dom asal kadha yau: samar hu sarak kiểm định thương tật ka urang jaoh jo dalam saman mesruh metak oh ka hu công nhận kayua oh ginup cơ sở pháp lý chứng minh; giám định thương tật ka dom thương binh dok ruak piah hu jalan dong siam lagaih.

2/ Mesup kabroi 9/5, di Tiểu đoàn DK1, tổ bầu cử 12, phường 11, ban sit Vũng Tàu, tỉnh Bà Rịa Vũng Tàu hu peih bruk bầu cử avar. Ini lac labik buh phiếu brei ka cử tri lac urang jakar, sĩ quan, urang lin Lữ đoàn 171 hải quân, Tiểu đoàn DK1, Chi đội Kiểm ngư  2. Bruk bầu cử avar di tổ bầu cử 12, ban sit Vũng Tàu rah tabiak dalam praong prang saong njauk hukum. Hadei di sa mong peih tabiak, bầu cử hu salah bloh. 

3# Beir harei 9/5 Akaok mintri ngak nong song patagok palei pala Cao đức Phát song kapul ngak bruk nao pasang iek bruk palei salih kaya ikan, khat lihik kayua ikan metai, dong ka bhap bini pasiam veik sản xuất di tỉnh Quảng Trị. Akaok mintri Cao Đức Phát brei thau, Thủ tướng rajaei bahrau hu sarak dong ka dom puk palei njauk khat lihik hadei di tuk ikan metai, saong hu panuac ieu puk palei samar hu sarak dong pabak ka bhap bini

4/ TƯ Giáo hội Phật giáo Việt Nam barau brei kapul nao rivang, alin hadiah pandap ka urang taong cap ikan tapen tasik 2 huyện Quảng Ninh saong Lệ Thủy, tỉnh Quảng Bình daok gaok kan kandah kayua kaya ikan metai dalam tukvak tapa. Di labik ini, kapul hu alin 1000 paok pandap ka urang taong cap ikan dom xã Ngư Thủy Bắc, Ngư Thủy Trung saong Ngư Thủy Nam, huyện Lệ Thủy saong urang taong cap ikan daok di xã Hải Ninh, huyện Quảng Ninh. Yaok paok pandap yaom meng 300.000 đồng tal 600.000 đồng, hu brah, mì tôm saong menyek mbang.

5#/ Di Gia Lai, lingiu di pandiak bhang dok rah tabiak kan kandah ye tuk vak jiak di ni hu dom mbang hajan akaok bilan gam tui hangin ribuk, jakala ngak khat lihik prong ka menuac urang song drap ar. Kurhia tal urak ni, pandiak bhang palai pajoa 22.300 ha phun pala dom janih di tỉnh Gia Lai; dalam nan rilo meng lac padai ia, cà phê, jamriak kalu. Tong abih khat lihik labaih 375 tỷ đồng.

6/ Sở ngak nông saong patagok palei pala tỉnh Kiên Giang barau caik 15 jamriah njuk ia điện di đập pacang mbak angaok ribaong Rạch Giá – Long Xuyên saong đập Sư Thiện angaok ribaong ông Hiển. Yaok jamriah njuk hu công suất 1.500m3 sa tuk duh ka bruk njuk tathuak ia mbak, mek ia taba meng thượng lưu mai pabak ia pandar saong ia pala drak ka bhap bini daok kurang ia pandar.

          7/ Meng akaok thun tal ni, kayua pandiak bhang, njom mbak dui atah ngak ka năng suất song sản lượng phun mbang boh di dom tỉnh bhum taneran krong CL patrun. Kayua yau nan ye, yaom boh kayau di bhum taneran krong CL bhian daok di tanut glong. Ông Nguyễn Văn Thực, Phó Chủ nhiệm Hợp tác xã paaok òa Lộc, xã Hòa Hưng, huyện Cái Bè, tỉnh Tiền Giang brei thau: “Paaok thun ni, yaom kaom glong lo, drei pablei 65 ribau đồng sa kg, dut song thun bloh tagok 10 ribau đồng sa kg. Yaom ni siam ye, meng harei tết meng kan mai nyu oh trun.Yaom dak harei dak glong dut song thun bloh glong jang rilo”.

Patui di ini dom khau tin dunya:

8/ Rilo labik gah selatan TQ daok hu hajan ia sua praong abih meng akaok thun tal ini, ba tal metai lihik saong palai pajoa drap ar. Kuhria tal biar harei kabroi 9/5, hu 25 urang lahik dalam mbang jaleih ceik di tỉnh Phúc Kiến hadei di tuk gah cứu hộ duah mboh 14 urang metai.  

9#/ Hãng thông tấn di dom tiểu vương quốc A-rập thống nhất (WAM) brei thau, rajaei negar ni bahrau peih mbang par camereip ba pandap panda dong ngak pahla tal ban An Mu-can-la, tỉnh Ha-đra-ma-út di  Y-ê-men, labik bahrau hu peih paha tabiak truh kol khủng bố An Kê-đa. Mbang par kayua Kapul Trăng lưỡi liềm đỏ dom tiểu vương quốc A-rập thống nhất peih ngak, ba tui labaih 20 tấn jru tavoa song vật tư y tế piah dong ka bhap bini ban ni.

10/ Kuhria tal harei ini hu takik di abih 45 urang njauk rambuah hadei di mbang khuah rah tabiak di sa labik pablei salih praong di ban ine Cairo, Ai Cập. Hãng Thông tấn karja MENA di Ai Cập ba panuac cảnh sát brei thau, dom urang njauk rambuah jeng kayua ngạt sauk. Hu thau, pui khuah tabiak meng sa khách sạn 6 tal saong pambak samar tal dom tòa nhà jaik taphia, dalam nan hu pasar Át-ta-ba. Labaih pluh radaih daong padam pui hu ba nao tal labik nan piah padam khuah. Makna di mbang khuah daok hu duah thau./.