1# Patui danakdak mbang nyaom ka 9, Quốc hội mbang 13, pagaiy harei ini  (10/9), Quốc hội ginum biai di tổ ka danakdak Bộ luật dân sự (pasiam veik). Bair harei ini, Quốc hội biểu quyết brei tapa sarak ka quyết toán kadung jien karja thun 2013; Dom urang Quốc hội pang harak pathau khan, pasang iek, taong yaom dự án Luật khí tượng thủy văn saong ginum biai di hội trường ka danakdak Luật pasiam veik, pabak veik dom paka di Luật kế toán.

2/ Mintri ngak nông saong patagok palei pala kuhria mboh, 5 bilan akaok thun 2015, taneh ia drei hu blei tame 2,87 triệu tấn tangei piah ngak pandap mbang ka athur raong, ngan saong yaom 622 triệu USD. Duk saong thun 2014, tangei blei tame ralo jang 30% ka lượng saong 17% ka yaom. Manka kayua bruk caong ngak tabiak pandap mbang ka athur raong dalam taneh ia tagok glaong, dalam tuk yaom tangei daok biar, ngak ka bruk blei tame tangei gam gam tagok dalam dom thun tapa, tangei blei tame ralo meng lac meng Brazil, Argentina, Ấn Độ, Mỹ.

3# Di tiểu khu 354B, daok di xã Thuận Đức, ban sit Đồng Hới, tỉnh Quảng Bình barau rah tabiak mbang khuah glai thực bì. Taduan hu panuac khan brei thau, jaik 400 urang jakar, urang lin công an, bol bala, kiểm lâm gam saong bhapbini puk palei drah samal hu mbaok di labik khuah piah pataom tame padam apui. Kayua lingik pandiak gam saong angin phơn Tây Nam yuk khang yau nan ye bruk padam khuah gaok rilo kan kandah.

4/ harei kabroi, di ban Đà Nẵng jaik 12.000 anek saih pakacah tame tal 10 THPT. Dalam harei pakacah camreip ngan saong 2 môn nan lac Ngữ văn saong Anh văn, ralo anek saih ndom lac, đề pakacah môn văn thun ini gheih. Taphia di nan câu hỏi mở pambuak tal uranaih, daok hu câu 3 ngan saong phần đề: “cảm nhận ka dom bruk tác giả khin payua dalam 2 đoạn trích dalam ariya “bilan xuân nho nhỏ” di tác giả Thanh Hải saong kadha “ndom saong anek” di tác giả Y Phương jeng biak gheih, nan lac anek saih brei hu khả năng cảm nhận văn học jeng yau kỹ năng langyah, tổng hợp siam. Daok ngan saong đề pakacah Anh văn, anek saih Quỳnh Giao brei thau: Đề pakacah Anh văn thun ini kan kandah jang thun bloh, từ karei jang, cấu trúc câu jeng karei jang. Đề pakacah môn văn gheih, dạng đề tổng hợp, langyah piah ba tabiak bruk chung saong karei di 2 khổ thơ. Duah tabiak labik chung nan lac bruk anit ranam palei pala.

5# Dalam 5 thun  (2010 - 2014), meng sarak tuyển 280 trí thức ranaih umo meng dom  sinh viên tốt nghiệp đại học ba nao ngak bruk di cơ sở, tỉnh Bạc Liêu hu pabak brei ka dom xã, phường, thị trấn 249 urang jakar chuyên trách, oh chuyên trách saong công chức cơ sở hu trình độ. Piah pachreih hu tri thức ranaih umo, Bạc Liêu hu dom sarak ye daong brei mbang camereip, daong brei gam gam, brei mbang 100% lương di bậc khởi điểm, daong jien mbang, padheih padhaiy…ngan saong dom bruk, danakdak hu dak padang, dom bruk pilih ruah, pasram, parabha bruk hu peih ngak biak khang, njauk saong dom bruk hu pato pakai di trí thức ranaih umo.

6/ Di labik Thới Hòa 2, phường Thới Thuận, quận Thốt Nốt, ban Cần Thơ barau jaleih taneh khang ngak ka 3 baoh sang di bhap bini njauk laik trun kraong Cái Sắn. Biak patuah oh hu thei metai.

7# Harei 8/6, Viện Pasteur ban raya  Ho Chí Minh taduan mek hu mẫu ruak  phẩm  pandar xét nghiệm brei thau MERS-CoV. Ini lac mẫu ruak phẩm di urang ruak likei, 7 thun quốc tịch Hàn Quốc nhập cảnh tame  Việt Nam tapa bambang negar mblang kapal ahaok Cam Ranh, nao du lịch di tỉnh Khánh Hòa gam amaik mae saong adei likei. Tuk nhập cảnh di mblang par, pasak Kiểm dịch y tế pakat negar Khánh Hòa duah mboh urang ruak hu triệu chứng sốt 38⁰C. Piah paglaong pasang iek , pacang caga MERS-CoV, urang ruak hub a nao tal sang iek ruak tỉnh Khánh Hòa piah  cách ly, mek mẫu xét nghiệm payua Viện Pasteur ban raya Hồ Chí Minh brei thau. Hadei tuk taduan mek hu bệnh phẩm di urang ruak, Viện Pasteur ban raya Hồ Chí Minh brei thau xét nghiệm âm tính saong vi rút ngak tabiak MERS-CoV.

Patui di ini dom khau tin dunya:

8/ Di ban ine Viêng-chăn (Lào), ala bruk dang akaok di Tiến sĩ Xay-sổm-phon Phôm-vi-hản, Phaok akaok Quốc hội Lào, Ủy ban Thường vụ Quốc hội Lào hu peih mbang nyaom QH bilan 6, pang dom dự thảo hukum praong hu ba tame ginum meyai, rik daong panuac di mbang nyaom QH ka 9 mbang 7 jaik tal. 

9# Dom urang pablei salih Mỹ brei thau, Cuba barau brei padheih bruk blei tame menuk di Mỹ kayua sahaneg lac kum menuk ada .  Dalam blah harak payua tal dom urang pablei salih Mỹ, Cuba hu ndom cambaih taneh ia ini oh taduan mek dom harak jao brei menuk di bilan 8 saong bilan 9 kayua huac lac jit ruak menuk ada. Tui Cuba, juit kum menuk ada daok jhak  jang, mbuan ba tal ruak kik ka urang blei mbnag. Yau nan ye, gam Mỹ saong Cuba njauk glang iek jit ruak.

10/ Anak bruk đe dọa di janih ruak laka jalan suak yava cấp bhum Trung Đông (ieu lac MERS), urang ngak praong Đặc khu hành chính Hồng Công TQ hu patabiak cảnh báo meraih ka bruk nao DL HQ, labik ruak daok rah tabiak kan kandah. Ini lac tanut báo động glaong ka dua ka jit ruak di TQ./.