1# Pagiay ini (10/8), Ủy ban Thường vụ Quốc hội peih pakak mbang nyaom ka 40. Mbang nyaom hu rah tabiak meng harei ini tal harei 18 bilan 8. Rilo tukvak di mbang nyaom ini hu caik ka bruk padang ngak adat hukum. Ủy ban Thường vụ Quốc hội brei panuac ka dom bruk praong daok hu panuac karei di gauk di dom dự án: hukum pasiam veik dom paka ka hukum kế toán; hukum phí, lệ phí; hukum thống kê (pasiam veik); hukum bruk pasang iek di Quốc hội saong Hội đồng bhapbini; Hukum trưng cầu ý dân; Hukum khí tượng thủy văn; Hukum an toàn thông tin; Bộ luật tố tụng hình sự (pasiam veik ); hukum tố tụng hành chính (pasiam veik); hukum peih ngak dom jabat dut iek hình sự; hukum khik kareik , tạm giam; Bộ luật tố tụng dân sự (pasiam veik); Bộ luật hàng hải Việt Nam (pasiam veik ); Bộ luật dân sự (pasiam veik ).  

2/ Harei kabroi 9/8, thủ tướng Nguyễn Tấn Dũng saong diuk di ong gam saong kapul pakat glaong rajaei taneh ia drei mai veik HN, tamat siam mekre mbang nao rivang Malaysia saong hu mbaok pahadar 50 thun harei độc lập Singapore. Hu mbaok pahadar 50 thun harei negar Singapore hu urang dang akaok 18 taneh ia thành viên nyaom meyai pakat glaong Đông Á (EAS) saong Hoàng tử Anh Andrew gam saong dom kapul nyom dunya. Bruk hu mbaok thủ tướng Nguyễn tấn Dũng saong diuk di ong dalam bruk hu ba tui dom hatung hatai saong dom panuac tadhau yuh siam mekre abih di bhap bini VN tal bhap bini Singapore ka tukvak meteh abhap độc lập saong patagok jeng sa  taneh ia hajao, hacih, siam saong hanem phon saong lac sa nền kinh tế khang dalam khu vực. 

3# Tỉnh Nghệ An daok pataom tame jak ba dom gah buh jien tame  ka gah du lịch, ba du lịch patagok khang kajap, nao tame dalam, ba tabiak dom pandap saong dịch vụ chất lượng glaong, hu pren meriak gauk dalam taneh ia saong dunya. Tỉnh kham merat hadei thun 2020 jeng pasak dịch vụ du lịch bhum Bắc Trung bộ, hu cơ sở vật chất, kỹ thuật barau , pandap du lịch gheih mekre , pachreih uramng; môi trường du lịch hadah hadei, siam, thân thiện.

4/ meng melam 8/8 tal mesup harei 9/8, ia ndik glaong, riyak paoh gam tui cuah tuh tame saong lum ralo kapal gilai daok pataok, daok pasiam veik di phường Phú Đông, ban sit Tuy Hòa, tỉnh Phú yên. Dom mbang riyak praong gam gam tuh tame takai gam tui cuah hu lum ralo kapal gilai daok pataok di labik pasiam veik kapal gaiy gilai palei Đông Tác, phường Phú Đông, ban sit Tuy Hòa. Ini lac mbang ka dua gam gam dalam sa bilan ini mai, riyak praong tuh tame uy hiếp labik ini. Urak ini daok puac bilan nao tasik, bruk caong pasiam veik kapal piah kuhria taong cap ikan Nam biak praonng, min urang taong cap ikan puk palei duh hatai kayua oh hu mblang an toàn piah dui kapul tame binek pasiam veik. Urang taong cap ikan Võ Thiện Tâm, phường Phú Lâm, ban sit Tuy Hòa brei thau: Urak ini oh thau ngak yau habar piah hu sa mblang kapal tra. Barau sơ so8 bo jeng cái mương, cái cửa ngak yau habar daokmblang piah dui kapal tagok ini hu. Mikva urak ini oh thau duah jalan piah pasiam veik dom khut khat meng bala, tok di panduan nao labik karei, biak kan kandah.

 5# Meng akaok thun tal ini, sang iek ruak Bà Rịa hu labaih 3.400 ca menek thường pandar quy trình pasang iek thiết yếu urang amaik saong anek kamal sớm (EENC). Duk saong 7 bilan ini thun 2014, bruk trun darah hadei tuk ndih tapui trun hu jaik 10 mbang, anek kumal njauk ba tapa khoa nhi iek ruak trun jaik 20 mbang, tathak anek kamal thu samal dalam 24 tuk. Urang kumei Hộ sinh Trưởng Lê Thị Khánh Quy di sang iek ruak Bà Rịa ndom lac “Tuk pandar quy trình ini kayua rilo dom urang amaik njauk hatai peih ngak kalik taphia talik saong dom urang nan biak haniem phuan tuk kon anek tame hatai. Di dom urang y te tok sa urang jeng meda menek hu saong tukvak pasang iek kol dahlak mboh trun meteh duk saong quy trình dahlau thiah ” 

 6/ Mesup harei 9/8, kapul daong urang ruak kan kathaot Tây Nam Bộ hu peih bruk padang ngak jabat ngak bruk. Tapa nan, kapul daong urang ruak Tây Nam Bộ hu alin hadaih 50 baoh sang anit ranam ka dom urang gaok kan kandah di dom puk palei saong 50 paok jien bac ka baoh sang kan kathaot. Ong Nguyễn Thanh Hải, phaok akaok thường trực kapul bảo trợ urang ruak kan kathaot Tây Nam bộ brei thau: Bhum taneran kraong Cửu Long bhap bini daok kan kandah ralo. Yaom lac ngak tabiak ralo lương thực min rai diuk daok kan kandah. Mai meng bruk yau nan, kapul tabiak rai, caong khin hu rik daong hasit dalam bruk daong urang kan kathaot, uranaih gaok kan kandah dalam bhum.

7# Anak bruk rithun tím Vĩnh Châu kan pablei hu dalam dom nien vu jaik ini, abih di nyu nan lac yaom darak pasal tuk halei jeng laik trun di tanut bair yaok tuk yam tame bilan buac rilo, tỉnh Sóc Trăng hu ba tabiak rilo bruk anak niên vụ rithun jaik tal. Tui nan, tỉnh Sóc Trăng hu pataom tame quy hoạch pagam saong ngak veik labik laba rithun tím Vĩnh Châu tui jalan pala pandap greh saong gauk, khik caga pablei tani tanat ka urang phan phoi saong urang blei; khik ramik chat luong pandap tui caong khin di darak pablei; dak padang quy trình pala drak piah pamaong tal ngak tabiak panap tui tanut chuan siam, hacih, oh jit ruak…. 

8/ Patui di ini dom khau tin dunya

Dom urang khảo cổ Italy hu duah mboh sa sang daoh la Mã klak daok di langiu ban Vôn-tê-ra, palei Tu-xca-ni, bhum kreih negar Italy. Sang daoh atah jaik 80 m saong praong 60 m daok dalam  dalam haluk ralo met daok di sa cổng thành ba tame pasak Volterra klak, sa địa danh hu angan je ngan saong ralo inem krung hu meng samar La Mã saong hu yaom glaong ka gah ilamu saong sajarah dak rai.

9# Yaom lac hu dom kan kandah pambak tal meng bruk khủng hoảng kinh tế dunya, dalam 6 bilan akoak thun 2015, tuai damuai dunya mai ban Mexico City di  Mexico hu labaih 1,3 triệu lượt urang, tagok 10% duk saong dom bilan ini thun dahlau. Akaok Sở Du lịch Mexico City, Miguel Torruco Marques (Mi-ghen Tô-ru-cô Mác-két), ndom lac ban ngak hu dom bruk ini rilo jang kayua thau roh duah rilo dom pandap du lich, pasiam chat luong alam moi truong, sangka dau tu, ramik pasiam cơ sở hạ tầng...

10/Sa ruah duah barau brei thau nyu ngak tayah jalan sahneng meng dahlau mai lac dom taneh ia kaya meda, ngan saong ralo pren khang piah ngak dom cơ sở hạ tầng, takik njauk pasang mbaok saong bruk mbuan najuk ia sua jang. Tui ruah duah hu ba tabiak  angaok tạp chí khoa học di Mỹ, yaom lac dom taney ia patagok hu pren khang praong jang piah eng drei khik ramik anak bruk ia sua, min biến đổi khí hậu meda ngak patagok jang saong  catang di ia sua saong ribuk tal labik bo dom taneh ia ini kan pacang cakak hu./.