1/ Liên đoàn Lao động tỉnh Phú Yên bahrau peih bruk padang ngak sang pakacah đa năng – Sang ilamu lao động tỉnh. Danak dak hu taneh prong jiak 2.000m2, hu jiak 1.500 labik dok, abih tih phun jien buh tame ngak nan lac 14 tỷ meteh; dalam nan Tổng Liên đoàn Lao động Việt Nam dong 10 tỷ đồng. Tui kuhria danak dak hu ngak salah bloh di akaok bilan 10 thun ni.

2/ Tui quy hoạch patagok bruk chế biến kaya nông tỉnh Lâm Đồng meng ini tal thun 2020, tỉnh hu pataom tame patagok bruk chế biến kaya nông njauk tui ilamu bahrau,  meblah praong dalam cơ cấu gah ngak công saong rik daong ka bruk jhul pakhang patagok bruk ngak nông, bruk palei pala di tỉnh. Tui UB bhap bini tỉnh, abih tih phun jien piah patagok bruk chế biến di tỉnh tal thun 2020 labaih 7.500 tỷ đồng.

 3/ Di huyện Xuân Lộc, tỉnh Đồng Nai hu rah tabiak bruk taom mbaok pahadar 40 thun harei peih paha Xuân Lộc (9/4/1975 - 9/4/2015). Tapa nan, dom urang jakar, urang dahlau deih ngak bol lin song bhap bini hu hadar veik bruk mesruh metak dong ka taneh ia song dom jak jeng di huyện Xuân Lộc tapa 40 thun dak padang song patagok.

4/ Urak ini dom tỉnh, ban gah meraong barau tame bilan pandiak, min bruk blei pandap điện lạnh di tỉnh Bình Dương dalam dom harei tapa biak ralo. Tapa pasang iek dom labik pablei salih điện gia dụng di tỉnh, brei mboh bruk blei dom pandap điện lạnh dom harei ini ralo jang 20% tal 30%. 

5/ Tui urang ngak bein di Hậu Giang, meng hadei di tết Tết Nguyên đán tal ni, yaom quýt đường tagok khang kayua oh ginup pablei. Quýt đường janih 1 pablei di pasa yaom neng 50.000 – 60.000 đồng/kg; quýt pablei di bein yaom 40.000-45.000 đồng/kg,  tagok 3 mbang dut song chính vụ. Urang pablei salih brei thau, yaom boh kayau ni tagok glong kayua oh ginup pablei, suan bilan, dalam tuk nan menuac blei rilo, abih di nyu nan lac dalam dom harei pandiak, urang takre mbang janih boh kayau ni. 

6/ Tỉnh Vĩnh Long barau peih tabiak bruk patagok pasang iek khik ramik yaom kaom, jhul pakhang bruk peih ngak danak dak tani tanat darak pasar thun 2015 pambuak saong bruk jak ba “urang VN pandar pandap VN”. Bruk ngak nan piah daong khik pasamu bruk cung cầu pandap, pachreih urang blei pandar, jhul patagok bruk sản xuất pablei salih, thun 2015 tỉnh Vĩnh Long pachreih hu 6 donah nghiệp hu mbaok tame danak dak tani tanat darak pasar.

7/ Dom urang dang aokaok Liên đoàn adat blong Việt Nam (VFF) hu var ngak bruk song urang dang akaok Tổng cục Thể dục Thể thao ka bruk kuhria caga di đội tuyển U23 pakat negar hu mbaok di SEA Games 28, peih tabiak di  Singapore meng  29/05 tal 15/06 anak tal. Piah caga ka harei pataom thể thao prong abih di khu vực,  đội tuyển U23 pakat negar hu pataom gauk di harei 5/5 di HN, hu dom urang ranaih umo naih gheih di abih di đội tuyển bhian hu mbaok pakacah di AFF Suzuki Cup 2014, đội tuyển Olympic pakat negar hu mbaok tame pakacah di  ASIAD 17 song Vòng loại U23 châu Á.

Patui di ini dom khau tin dunya:

8/ Kapul urang kamei Châu Á – TBD barau peih nyaom darak pasar ngak pahala mbang ka 39 di ban ine Tô-ky-ô, Nhật Bản, piah rik pataom jien brei ka dom bruk ngak pahala saong cứu trợ, daong ka urang kamei, uranaih di dom taneh ia dalam kapul urang kamei châu Á – TBD. Yaom jien pataom hu meng dom bruk ngak ini hu parabha samu gauk ka urang kamei, uranaih gaok kan kandah di dom taneh ia thành viên.

         9/ Tổng thống Dim-ba-bu-ê Rô-bớt Mu-ga-bê (Robert Mugabe) hu nao rivang Nam Phi song hu var taom gaok Tổng thống Gia-cốp Du-ma (Jacob Zuma).Dalam mbang nao rivang, Tổng thống Dim-ba-bu-ê  cong khin pachreih hu bruk  đầu tư di dom negar langiu piah padang veik KT hadei di rilo thun srau kadau. Tui kuhria 2 gah hu mbaoh tame tame rilo harak pambuak bruk pablei salih./.

10/ Gah y tế dunya WHO barau brei thau, dalam sa adit tapa hu 30 urang njom Ebola barau di Tây Phi saong lac takik di abih dalam sa adit kuhria dalam jaik sa thun tapa. Bruk njauk biai nan lac di Li-bê-ri-a oh hu urang ruak barau, dalam tuk di Xi-ê-ra Lê-ôn hu 9 urang, patrun dalam adit ka 3 gam gam saong Ghi-nê hu 21 urang. Ini lac 3 taneh ia hu rilo urang njauk ruak Ebola di abih./.