1# Di Hà Nội, Ủy ban Thường vụ Quốc hội barau peih mbang nyaom yaka 38. Dalam mbang nyaom ini, Ủy ban Thường vụ Quốc hội brei panuac ka harak pathau khan pabak tame di rajei ka bruk patagok kinh te – xa hoi saong sarak karja thun 2014 saong dom bilan akaok thun  2015; jalan parabha jien mek tame kadung jien karja rilo jang dalam thun 2014, brei panuac tame dom harak pathau khan ka bộ máy ngak bruk, cơ cấu peih ngak, menuac urang di Viện Kiểm sát bhabinh tối cao saong Tòa án bhapbini tối cao; harak pathau khan  di rajaei ka đề án padang dom thị xã, ban dalam tỉnh.

2/ Caga pacang cakak khuah glai bilan pandiak, chi cục kiểm lâm ban sit Đà Nẵng pandar dom puk palei hu glai pasang iek catang urang tame glai, oh brei am cuh glai ngak puh. Dom ban khik iek labik du lịch sinh thái brei patagok bruk pasang iek, kakei tuai du lịch tuk pandar pui dalam glai. Dom hạt kiểm lâm bhian brei thau, pakhang pasiam dom kapul phản ứng samar saong kuhria caga menuac, pandap padam khuah glai, samar padam tuk hu khuah.

3# Anak bruk tua riya rah tabiak khang dalam tinh, uy mban bhapbini tinh Bình Thuận  hu harak payua mintri ngak nong saong patagok palei pala, mintyri jien padai brei thau ka bruk khat lahik kayua pandiak bhang, saong likau hu daong jien duh ka bruk caga tua riya, tani tanat raidiuk bhapbini.

4/ Di khu công nghiệp Hòa Phú, tỉnh Đắc Lắc, Liên đoàn lao động tỉnh Đắc Lắc pambuak bruk saong ban khik iek dom khu công nghiệp tỉnh saong tỉnh đoàn barau peih harei pataom urang ngak. Tapa nan, labaih 300 urang ngak hu tame me-in thể thao, tư vấn pren yava saong iek ruak brei saoh. Ong Nguyễn Tuấn Anh, akaok Liên đoàn Lao động tỉnh Đắc Lắc brei thau: ngan saong urang ngak, langiu bruk sangka tal điều kiện sản xuất urang daok sangka tal thiết chế ilamu. Nyu pambuak saong ilamu sản xuất saong ilamu doanh nghiệp jeng yau bruk pasram megru di urang ngak.

5# Kapul ngak bruk liên ngành tỉnh Bến Tre  saong huyện Chợ Lách barau duah mboh saong xử lý 4 xáng cạp mek cuah suan hukum dalam kraong labik huyen Chợ Lách. Dom pandap ini njauk gah chuc nang pandar  tuh cuah trun kraong saong kak phat meng 35-40 triệu đồng.

6/ Tập đoàn Điện lực Việt Nam brei thau, 4 bilan akaok thun ini, abih tih sản lượng điện thương phẩm dalam taneh ia nan lac 49,25 tỷ ki lô oát giờ, ralo jang 11% duk saong thun dahlau. Dalam tukvak ini, hệ thống điện pakat negar vận hành, pabak điện tani tanat, pabak bruk sản xuất pablei salih saong bruk pandar điện di bhap bini.

7# Sở Y tế ban raya Hồ Chí Minh barau peih nyaom biai patabiak danakdak khik kajap darak pasal dom janih jru tavao thiey yeu dalam dua thun  2015 saong 2016.  Ini lac dom janih jru thiet yeu piah iek dom ruak bair gaok rilo di anek menuac, dom ruak mãn tính ye : trun pandik  trun pandiak, di ứng, aih troh, pandik dạ dày, ho-hen phế quản, jru  tim mạch, me ik saradang, khang sinh, khang viêm, …yaom pablei dom janih jru dalam danakdak khik kajap yaom meda trun bair jang duk saong yaom di darak pasal takik abih  5 tal  10%.

Patui di ini dom khau tin dunya:

8/ Thủ tướng Đức Angiêla Mécken harei kabroi hu taom Tổng thống Nga Vlađimia Putin di điện Kremlin piah ginum meyai ka bruk khủng hoảng di Ucraina, jeng yau talei pambuak bruk di dua gah. Dua gah biak caong khin pasiam veik talei pambuak bruk Nga - Đức dalam mbang taom gaok pakat glaong ini.

 9# Gilang pariak trung ương Trung Quốc brei thau meda trun lãi suất mbang yaka 3 dalam 6 bilan tapa piah jhul patagok kinh te daok mbuan si dang veik. Tui harak quyết định hu ba tabiak ngak tui meng harei 11/5, lãi suất brei mesrei dalam sa thun di gilang pariak thương mại trun 0,25%  daok 5,1%; dalam tuk nan lãi suất jien payua dalam kỳ jeng trun sumu tanut 2,25%.

 10/Ôxtrâylia pabak gilac 10 triệu đô la Ôxtrâylia (jaik 8 triệu đôla Mỹ) piah daong bhap bini Nê Pan pasiam veik dom khut khat di mbang megei baoh taneh harei 25/4 meng bloh. Brei panuac dalam mbang họp báo harei kabroi, ngoại trưởng Ôxtrâylia Giu-li Bít-sóp brei thau, yaom jien ini piah daong dom urang kamei Nê pan saong dom bhap bini mbuan khat lihik padang veik dom doanh nghiệp sit, tani tanat jien mek tame saong pasiam veik rai diuk hadei di mbang megei baoh taneh./.