1 # Di tuk pahadar 55 thun padang gah Du lịch Việt Nam (9/7/1950-9/7/2015), di ban sit Hội An, tỉnh Quảng Nam hu peih rilo bruk daoh tamia, padhih chreih chrai duh ka bhapbini saong tuai damuai. Di ini, tuai damuai saong bhapbini hu maong dom bruk ngak ilimo, doah tamia, padhih ye “ daoh ka gauk pang: parang iek tạo hình cano di tasik Cù Lao Chàm; tame mein kadha pakacah the thao 3 janih pambuak gauk ye : plong bao bo, pakacah ridaih juak, nduac takai…di mblang bein An Hội saong dom canah jalan dalam ban klak.

2/ Hội đồng bhap bini tỉnh Đắc Lắc khóa 8 barau peih mbang nyaom ka 10. Dalam mbang nyaom ini, dom urang dalam hội đồng bhap bini tỉnh Đắc Lắc hu ginum meyai, ba tabiak dom jalan ngak piah langyah kan kandah dom chỉ tiêu kinh tế - xã hội oh ka ngak hu tui bruk ba tabiak. Ong Nguyễn Ngọc Những, akaok ban Kinh tế - kadung jien, Hội đồng bhap bini tỉnh Đắc Lắc lac: Bruk ngak 6 bilan daok veik biak trak, UB bhap bini tỉnh brei hu jalan ngak kham merat jang piah khai thác nguồn thu, abih di nyu nan lac jhul pakhang bruk kak je daok tavak. Urak ini, kol drei rilo meng pataom tame phun jien sarak karja, phun jien ieu pataom meng bhap bini, abih di nyu nan lac meng dom doanh nghiệp daok takik, kayua yau nan ye, brei hu jalan pataom dom nguồn lực meng kadung jien karja jeng yau  dom doanh nghiệp saong ieu pataom bhap bini piah mek hu chỉ tiêu ka palei pala barau.

3# Piah daong bhapbini pasaim dom khut khat di mbang angin ribuk, dom urang dang akaok huyện Ngọc Hiển, tỉnh Cà Mau hu brei kapul urang jakar gam saong ban sit Rạch Gốc saong xã Tân Ân trun tapak labik njauk ngin ribuk nan piah duah thau saong daong ka mikvapasiam dom khut khat; taphia nan daong ka yaok sang tapaok tabung yhun 500.000 đồng, sang khut trak 1 triệu đồng, pachreih ba mikva yam tapa kan kandah, samal tani tanat raidiuk.

4/ Tập đoàn Tân Hiệp Phát – bhian ngak dom janih ia menyum hu nao alin hadaih pandap ka dom anek saih kan kathaot yam tapa kan kandah di xã Đông Phú, huyện Châu Thành, tỉnh Hậu Giang. Di labik ini, Tập đoàn Tân Hiệp Phát hu alin hadiah 20 paok pandap ka dom adei anek saih kan kathaot, yaok ppok yaom 700 ribau đồng. Dahlau nan, tập đoàn ini jeng hu alin hadiah ka huyện Châu Thành, tỉnh Hậu Giang 10 baoh sang tình nghĩa yaom jaik 350 triệu đồng.

5#  Uỷ ban bhapbini tỉnh Đồng Tháp brei tabiak bruk khẩn cấp glut jaleih ar kraong Tiền labik Tổng kho xăng menyek saong labik công nghiệp Trần Quốc Toản (khóm 4, phường 11, ban sit Cao Lãnh). Dalam nan  bruk rah tabiak pagaiy harei 5/7 ngak glut jaleih haluk atah labaih 50m, mbang dalam tame mbaok haluk jaik 5m di labik tatua cảng praong di Tổng kho xăng menyek Trần Quốc Toản. tapa nan ngak jaleih abih tatua ba praong, akoak trụ bê tong dalam gah hanuk nyu taraic, glut ba theik bồn lường, sang pabak xăng menyek, paga saong bờ kè. Kuhria khat lahik  jaik 12 tỷ đồng.

6/Meng hatai caong khin pabak hu menuac khik iek chuyên nghiệp ka gah DL, hadei di rilo thun kuria caga, sang bac ĐH kinh tế ban raya HCM barau brei tabiak mbaok viện DL. Hadei di tuk tabiak mbaok, viện DL di sang bac ĐH KT ban raya hu mbaoh tangin pambuak bruk haong sang bac ĐH khoa học ứng dụng Steden Hà Lan piah ginum biai bruk pato megru. Tukvak anak tal, meng bruk daong di hiệp hội DL ban raya HCM, viện ini meda brei thau danak dak “thực tập sinh dunya” piah ka dom sinh viên gah DL dalam taneh ia hu  bac megru di dom taneh ia patagok di dunya.

Khaw tin dunya

           #7. Đại tá Pra-mốt, urang brei panuac di gah chỉ huy an ninh dalam taneh ia Thái Lan brei thau : di dom tỉnh cực Nam Thái Lan rah tabiak 23 mbang bạo lực,  pambuak tal an ninh saong hinh su, ngak 11 urang metai saong 15 urang bị thương.

8/ Sa bala kram kapal tra barau rah tabiak di địa trung hải. Tui kapul khik caga takai tasik Italia, sa kapal mac pajeng urang nhập cư kram di langiu tasik Libi tuk daok nao tal liên minh châu âu, ngak 10 urang metai. Mayit dom urang nan hu duah mboh atah takaik tasik Libi jaik 60km.

9# Hàn Quốc saong Cộng hòa dân chủ bhapbini Triều Tiên njauk gauk ginum biai pambuak tal bruk ngak di labik công nghiệp Liên Triều Kaesong di harei 16/7 tal. Mintri Thống nhất Hàn Quốc brei thau, dua gah meda ginum biai taong abih gah ka bruk patagok jien bilan di sa gah ba tal tranh cãi di Kaesong dalam tukvak tapa./.