1# Ngak bruk saong dom urang dang akaok tỉnh Ninh Thuận, bair harei 10/8, Ủy viên mintri Chính trị, Phó Thủ tướng rajaei Nguyễn Xuân Phúc pandar tỉnh njauk sangka tal bruk an sinh xã hội dalam tuk tua riya jeng lac bruk duh hatai di bhapbini. Phó Thủ tướng Nguyễn Xuân Phúc pok meyaom jalan ngak di tinh dalam bruk pacang tua, oh caik bhapbini eik lipa, oh hu jit ruak saong kham merat salih phun pala, kaya raong.

2/ Thun bac barau 2015 – 2016, tỉnh Bình Dương hu rilo jang 32 ribau anek saih dom pakat bac, dalam nan ralo di abih  lac pakat mầm non rilo jang 12.000 kamuan, tiểu học rilo jang labaih 12.900 anek saih. Thun 2015, tỉnh hu ngak salah bloh 18 tal bac ba tame pandar. Piah langyah labik bac ka anek saih bahrau, dom sang bac di puk palei hu rilo anek saih bahrau, hu peih ralo jalan ngak yau: patrun tal bac bán trú, tagok sỉ số anek saih, pandar duk chức năng ngak duk bac; brei anek saih di sang bac hu ralo anek saih tapa sang bac takik anek saih.

3# Harei 10/8, di ban raya Hồ Chí Minh, Hội đồng Anh Việt Nam barau alin giải thưởng IELTS ka urang lambaok akaok mereip di Việt Nam mek hu giải pakat khu vực Đông Á saong giải thưởng quán quân dalam taneh ia ka 4 thí sinh naih gheih di abih mai meng dom tỉnh, ban dalam taneh ia. Meng bruk pakacah IELTS 8.5 di Hội đồng Anh, Vũ Đình Hùng (ban raya Hồ Chí Minh) lac thí sinh Việt Nam akaok mereip yam tapa labaih 900 thí sinh meng 11 taneh ia piah hu tame angan 5 quán quân mek hu giải thưởng pakat khu vực Đông Á saong pok jien bac lac 12.000 bảng Anh.

4/ tỉnh Quảng Nam patagok bruk brei thau, pato megru hukum ka urang jakar, bhap bini bhum taphia negar, pulao kaoh di puk palei piah paglaong siam lagaih bruk khik caga bhum taphia negar saong pambuak bruk jum pataom quân dân bhum taphia negar. Quảng Nam hu 2 jalan taphia negar atah 267km, nao tapa 8 huyện, ban praong, ban sit. Dalam nan, jalan taphia negar đất liền jaik saong taneh ia Lào atah 142 km. Labik taphia negar hu 4.540 baoh sang dalam 20.502 menuac, ralo meng lac urang bangsa Giẻ Triêng saong Cơ Tu.

5#  Tỉnh Quảng Ngãi barau duah mboh veik 3 labik sahaneng lac hu kapal klak karam. Tỉnh ini daok ba tabiak rilo jalan khik caga, min bruk roh duah cổ vật ala ia suan hukum di labik tasik Vũng Tàu, xã Bình Châu, huyện Bình Sơn, tỉnh Quảng Ngãi jeng oh ka patrun. Tui bruk ba tabiak, tal puac bilan 8 ini, dom urang khảo cổ meda padheih pasang iek di labik tasik Vũng Tàu, xã Bình Châu, huyện Bình Sơn, tỉnh Quảng Ngãi saong khan brei thau bruk pasang iek. Ông Nguyễn Tuấn Lâm, urang khảo cổ học ala ia, pasak inem krung ilimo tasik, Công ty Cổ phần Đoàn Ánh Dương brei thau : Yaom lac kol dahlak kham merat khik padauk thong tin, min kayua dalam tuk pasang iek hu luac, hút, urang di nan duah mboh tabiak saong urang njuk duah. Kol dahlak oh pacang hu, oh thau ngak habal piah khik ramik.

6/ Biar harei 10/8, Lê Thị Nguyệt Hằng, anek saih tal bac 12B2 sang bac THPT chuyên Lê Quý Đôn hu UB bhap bini ban Đà Nẵng alin bằng khen gam tui jien 25 triệu đồng, kayua mek hu huy chương pariak mbang pakacah Olympic anek saih dunya mbang ka 26. Ayut Lê Thị Nguyệt Hằng khan lac: Mbang ka dua taduan hu giải thưởng, adei mboh biak hadah mbaok tuk hu pok menyaom di UB bhap bini ban Đà Nẵng. Dalam tukvak anak tal adei saneng lac biak takre ngành công nghệ sinh học saong adei caong tui bac ngành nan. Adei saneng hu bac sap Anh kham merat duah paok jien bac.

7# Kapul Nghệ sĩ sân khấu Việt Nam meda peih ngak danbakdak “ hatai nghe sy” piah rik pataom jien daong nghe sy praong thun, urang gaok kan kandah urak ini. Danakdak  nghệ thuật tổng hợp “ Hatai nghệ sỹ” dui atah 130 minit hu rilo kadha gheh mekre ye  “Ông taha cõng diuk nao maong hội” di tài năng nhí Nguyễn Đức Vĩnh; hài kịch “Chuyến radaih puac abih”… Danadak “ hatai nghệ sỹ” meda rah tabiak di harei 22/8 di sang hát Âu Cơ - Hà Nội.

Patui di ini dom khau tin dunya:

8. Mintri y tế Ai Cập harei kabroi brei thau, mbang pandiak dui atah dom harei tapa di taneh ia ini ngak takik di abih 21 urang metai, labaih 60 urang njauk tame sang iek ruak. Dalam nan, eng labik ban ine Cairo hu 15 urang metai saong labaih 40 urang njauk tame sang iek ruak kayua pandiak. Dalam nan rilo meng lac urang taha saong uranaih. Mintri y tế Ai Cập kakei dom urang njauk dom janih ruak yau me-ik saradang, ruak baoh hatai, urang praong thun saong uranaih sit, brei hu dom jalan iek glang khik caga pacang kakak pandiak, taphia di nan nyaik pandiak, abih di nyu nan lac tuk biar harei. Dom urang ini hu kakei oh tabiak truh sang meyah oh hu bruk hagait praong.

9# Di Nhật Bản, bhapbini Nhật Bản phản đối bruk peih veik điện hạt nhân dom harei tapa dak tagok glaong, abih di nyu nan tuk Công ty điện lực Kiu-siu Electric di Nhật Bản brei thau meda peih veik lò phản ứng hạt nhân ka 1 di labik công nghiệp Sendai di công ty ini dalam harei ini 11/8. Tui duah thau di hãng tin Mainichi Shimbun (Nhật Bản) peih ngak dalam dua harei 8-9/8, hu tal 57%  dalam abih tih urang hu tangi sua phản đối bruk peih ngak veik sang mac điện hạt nhân Sendai di tỉnh Kagoshima, dalam tuk  urang pachreih tui  tok meblah 30%.

10/ Harei 10/8, phaok Tổng thống Indonesia Giu-xúp Ca-la pachreih dom taneh ia dalam hiệp hội dom taneh ia Đông Nam Á patagok bruk an ninh piah pacang cakak kol meblah tasik di eo tasik Ma-lắc-ca,  sa dalam dom jalan tasik hu rilo kapal nao mai di abih dalam dunya. Panuac ieu ini hu ba tabiak hadei di bruk sa kapal tuan dok Singapore njauk kol meblah tasik nyu meblah di bhum tasik ini adit dahlau./.