langyah Hanipha - Phi Giah
1/ Patui danak dak ngak bruk mbang ka 7 nyaom biai TƯ ka 10, khóa 11, harei kabroi 11/1, Ban Chấp hành Trung ương Đảng ngak bruk di hội trường. Ban Chấp hành Trung ương Đảng pan patahu khan bruk mek phiếu tín nhiệm dom Ủy viên mintri Chính trị, Ủy viên Ban Bí thư mbang XI. Ban Chấp hành Trung ương Đảng hu pilih ruah pabak 8 Ủy viên Ủy ban Kiểm tra Trung ương mbang XI; brei khik tamo bruk kỷ luật đảng yau panuac caong di Bộ Chính trị. Beir harei, Ban Chấp hành Trung ương Đảng ngak bruk di tổ, ginum biai ka đề án Quy hoạch patagok song khik ramik mbao chí dalam negar tal thun 2025.
2/ Tỉnh đoàn saong Mặt trận negar tỉnh Lạng Sơn hu nao rivang, alin hadiah pandap ka urang dom bangsa daok di huyện taphia negar kan kathaot Đình Lập, tỉnh Lạng Sơn. Danak dak “halan hatian bilan brak 2014 saong xuân biên cương thun 2015” kayua tỉnh đoàn Lạng Sơn pambuak bruk saong Mặt trận negar tỉnh rik pataom hu 160 blah phui, khan ao, mot saong rum le rum tangin, jaik 100 triệu đồng piah daong padang ngak sang daok, sang bán trú dân nuôi saong alin hadiah paok jien bac ka anek saih kan kathaot labik ini.
3/ Piah pabak ka bruk blei pandar dalam tuk Tết Nguyên đán, urak ni, dom đơn vị, Doanh Nghiệp ngak pandap, dom darak pasa, siêu thị dalam ban sit Đà Nẵng hu caga pandap yaom abih tih labaih 310 tỷ đồng. Uỷ Ban bhap bini ban sit Đà Nẵng hu buh jien tabiak dong ka dom đơn vị khik piah 1000 tấn brah song 35 tấn rilo pabui piah pablei tani tanat yaom kaom
4/ Uỷ Ban bhap bini ban sit Quảng Ngãi, tỉnh Quảng Ngãi barau đbuh tabiak 25 tỷ đồng piah caik 20 jalan talei điện atah labaih 44 km ka dom bhum barau hu peih praong, sáp nhập di ban sit. Tui kuhria dahlau, dom jalan điện ini hu ngak salah bloh saong ba điện dahlau tết anek sak pabe.
5/ Hadei di 4 thun peih ngak, tỉnh Bình Định hu 7 xã dalam abih tih 122 xã ngak hu bloh danak dak negar padang ngak palei pala bahrau, 20 xã mek hu meng 15 tal 18 tanut song 55 xã mek hu meng 10 tal 14 tanut. Tỉnh Bình Định hu ngak tui jalan “Karja song bhap bini ba gauk ngak” dalam bruk
6/ Piah patakik tal tanut biar di abih bruk mbuan khuah glai, UB bhap bini tỉnh Lâm Đồng hu tacei dom gah chức năng dalam tỉnh jhul pakhang bruk pacang cakak, taphia di nan buh tabiak sa yaom jien praong meng kadung jien brei ka bruk ngak ini. Lâm Đồng urak ini hu labaih 600 ribau ha galai, ralo meng lac glai thông saong dom janih glai mbuan khuah. Tỉnh pandar karja dom huyện, ban sit saong dom đơn vị chức năng patagok kapul khik iek luac harei melam tui jalan 4 di labik, samar mboh saong pacang padam chip meyah hu khuah glai.
7/ Gilang pariak sarak karja pambuak bruk song Viện Y tế ban raya Hồ Chí Minh bahrau peih bruk iek ruak, langyah song brei jru ka urang kan kathaot dok di xã Thuận Hưng, huyện Mỹ Tú, tỉnh Sóc Trăng. Ni lac bruk ngak piah pachreih tui bruk iek ruak ngak pahla song iek glang pren yava ka bhap bini kayua Trung ương Hội Chữ Thập đỏ Việt Nam pambuak bruk song mintri y tế, Tổng cục Chính trị bol lin bhap bini Việt Nam peih ngak.
Patui di ini dom khau tin dunya:
8/ Hãng tin Yonhap brei thau, harei 11/1, takik di abih 4 urang njauk rambuac dalam mbang patuh kapal pajeng hóa chất di takai tasik gah selatan di HQ. Kapal ini pataok di ban sit pabah lam nge Un-san saong mbang patuh rah tabiak meng 15 tuk mong puk palei. Urak ini oh ka thau cambaih makna bruk patuh. Gah urang ngak praong daok samar peih bruk pasang iek ngak cambaih laih. Dom kapal saong kapal haok hu brei mai tal labik nan piah daong duah sruh kapal njauk bala.
9/ Urang ngak praong di Ôxtrâylia hu panuac ieu bhap bini daok di dom ban gah pai negar ni paduan nao labik karei piah khik hu selamat dalam tuk tuk dom mbang khuak glai dok pambak prong,
10/ Rilo labik di A-rập Xê-út jeng daok hu ribuk tuyết, hadei di sa mbang li-ar mai tal labik ini dalam dom harei tapa. Ribuk tuyết ngak ka nhiệt độ di A-rập Xê-út trun khang. Di dom labik sa mạc jaik ban sit Ta-búc, nhiệt độ dom harei ini trun daok ala 0 độ C. Ini lac thun ka 3 gam gam, A-rập Xê-út hu ribuk tuyết, ngak kan kandah oh sit tal rai diuk di bhap bini labik nan./.
Viết bình luận