1# Harei ini 12/5, Ủy ban thường vụ Quốc hội mbang nyaom yaka 38  brei veik panuac ka danakdak Bộ Luật dân sự (pasiam veik) saong danakdak Luật trưng cầu ý bhapbini. Dahlau nan, bair harei 11/5, Ủy ban Thường vụ Quốc hội brei panuac ka harak pathau khan peih bruk patak pataom, caga palai pajoa thun 2014. Tui brei thau, dalam thun 2014, dom jabat, labik hu peih ngak patak pataom hu 15.263 tỷ đồng jien meng kadung jien sarak karja ...  Ông Nguyễn Hạnh Phúc, Chủ nhiệm văn phòng Quốc hội brei panuac : “Patak pataom dalam dau tu padak padang biak praong. Dalam harak brei thau, barau ndom tal bruk quy hoach, quyet toan, nghiem thu cong trinh min. Min, bruk mboh lac njauk parabha jeng 3 tukvak. Tukvak kuhria caga dau tu, peih ngak dau tu saong tukvak quyết toán ba cong trinh tame pandar. Meng jalan ngak, quy hoach, thiet ke tal bruk kuhria caga. Tu thiet ke, meyah brei tanut kol drei bo oh dut iek siam bruk ini lac thiet ke palai pajoa biak tốn kém.  

2/ Harei 11/5, di HN, mintri khoa học saong công nghệ pambuak bruk saong báo đại biểu nhân dân peih var taom gaok ndom meyai nao mai tapak ka tapuk khoa học saong công nghệ VN thun 2014. Tiến sĩ Lê Xuân Định, akaok cục thông tin khoa học saong nghệ pakat negar brei thau, tapuk khoa học saong công nghệ VN 2014 hu biên soạn piah brei thau cambaih ka dom bruk ngak khoa học saong công nghệ ngan saong XH, piah bhap bini mboh cambaih laih jang ka dom bruk ngak khoa học công nghệ daok rah tabiak dalam taneh ia.

3# Bair harei kabroi 11/5, di labik pulao Cô lin- Len Đao- Gạc Ma dalam  quần đảo Trường Sa  di  Việt Nam kapul ngak bruk di mintri Thông tin saong  Truyền thông, Bộ Tư lệnh hải Quân saong dom mintri, nganh puk palei dalam taneh ia hu peih ngak harei pahadar urang jakar bolin di quần Đảo Trường Sa. Ini lac labik atah di ini 27 thun di harei 14/3/1988 rah tabiak mbang mesruh metak anh dung di urang jakar bolin hải quân bhapbini Việt Nam.

4/ Biar harei 11/5, di ban sit Nha Trang, akaok mintri ngak nông saong patagok palei pala Cao Đức Phát gam saong urang dang akaok tỉnh Khánh Hòa hu var ngak bruk saong ong Fukada Hiroshi, Đại sứ Nhật Bản di Việt Nam ka bruk NB daong tỉnh Khánh Hòa patagok bruk ngak ikan. Tui kuhria pasak bruk ngak ikan praong di tỉnh Khánh Hòa hu padang ngak di pabah lam nge ikan Đá Bạc ngan saong taneh jaik 46 ha, abih tih yaom đầu tư labaih 1.500 tỷ đồng.

5# Tỉnh Quảng Nam daok samal padang barau saong ramik pasiam 14 mbaik tatua tuan dân sinh di bhum ceik, pataom tame rilo abih di huyện Tiên Phước 9 sruh; dom huyen Đông Giang, Nam Trà My saong Hiệp Đức yaok huyện 1 sruh. Pataom abih tih jien dak padang barau saong ramik pasiam tatua tuan lac 73 tỷ đồng. Dalam nan Trung ương buh tame 63 tỷ đồng dak padang tatua barau; kadung jien kerja tỉnh Quảng Nam buh tame 10 tỷ đồng piah ramik pasiam tatua tuan daok khut tayah.

6/ Tal urak ini, urang nông tỉnh Phú Yên hu yuak bloh padai đông xuân năng suất meng 72 tạ tal 76 tạ sa ha. Meyah lac năng suất padai glaong, min yaom padai urak ini pablei tabiak biar. Tui kuhria di ralo urang nông, ngan saong yaom padai 4.500 đồng sa kg, sản lượng mek hu 400 kg sa sào ye yaok sào hamu tok di mek hu 1,8 triệu đồng. Ong Nguyễn Phước, Giám đốc Hợp tác xã ngak nông pablei salih dịch vụ Hòa Thành Tây, huyện Đông Hòa, tỉnh Phú Yên brei thau: năng suất glaong min yaom padai biak biar nan ye mikva biak duh hatai, pablei nan lac piah bayar vật tư khak drak min biar lo nan ye caong khin karja hu sarak daong atau hu đơn vị halei nan blei padai piah mikva hu yaom tani tanat.

7# Di tỉnh Thừa Thiên Huế, pandiak bhang dui atah ngak ka urang ruak mai iek ruak patagok. Tui kakei di dom bac sy, di akaok bilan hè lac tukvak dom baok ruak pandiak tabiak darak, tangin takai cambuai, ruak sởi…rah tabiak kan kandah, yau nan ye, amaik ame njauk ba anek nao njauk ruak samal tuk hu bieu hien pandiak, sốt…

Patui di ini dom khau tin dunya:

8/ Mbaik tatua hữu nghị Lào – Myanmar hu peih pakak hadei di 3 thun padang ngak. Ini lac mbaik tatua akaok meti pambuak lào saong Myanmar saong lac mbaik tatua ka 5 nao tapa kraong Mekong di taneh ia Lào. Ngan saong bhap bini huyện Long, tỉnh Luang Namtha, mbaik tatua hữu nghị lào – Myanma hu caong lac, meda daong ka bruk pablei salih di huyện hu patagok.

 9# Trung Quốc hu yam tapa Mỹ jeng taneh ia blei tame menyek tamo di taneh ia langiu praong abih di dunya dalam bilan 4 barau blaoh, dom so luong blei tame menyek di taneh ia langiu kỷ lục jaik 7,4 triệu thùng menyek yaok harei duk saong số 7,2 triệu di Mỹ. Lượng menyek blei tame di taneh ia langiu di TQ paglaong bất chấp bruk kinh te suai tagok di taneh ia ini.

10/ Tui harak pathau khan di rajaei NB, điện hạt nhân jeng lac điện năng lap di abih, yaom lac jien ka bruk khik kajap an toàn nyu rilo jang hadei di mbang pandiak sraiy nhiên liệu biak khang di sang mac điện Fukushima 1 di thun 2011. Rajaei taneh ia ini kuhria meda peih ngak veik dom lò phản ứng pabak hu dom tanut chuẩn an toàn hadei di mbang rah tabiak bruk di Fukushima 1./.