1#/ Mesup Harei 11/5, Phó Thủ tướng Trịnh Đình Dũng pan akaok mbang ginum biai song dom mintri dom gah ka bruk padang sarak pachreih patagok dom dự án điện ia harei. Hadei di tuk pang panuac ndom di dom mintri, dom gah, Phó Thủ tướng Trịnh Đình Dũng tong yaom Mnitri Công thương hu tuk vak kuhria caga biak siam dalam bruk padang ngak Dự thảo sarak di Thủ tướng rajaei.

2/ Di HN, hội nhà báo VN pambuak bruk saong mintri công thương barau peih bruk jao giải báo chí 65 thun gah công thương VN. Yaom lac mbang akaok meti peih tabiak min giải báo chí 65 thun gah công thương taduan hu bruk sangka saong pachreih tui abih hatai jai di urang vak dom jabat báo chí dalam taneh ia. Ini lac giải hu makna biak praong di gah công thương kayua tapa dom urang vak chuyên saong oh chuyên piah duah mboh dom kreih camin urang siam, bruk siam, dom kreih camin hadah krah kayua bruk patagok gah công thương.

3#/ Di đơn vị bầu cử ka 2, labik taom gaok tri phường An Phú, ban sit  An Khê, tỉnh Gia Lai, hadei di tuk pang dom urang tabiak ứng cử Quốc hội brei thau ka danak dak bruk ngak di drei, cử tri pak nan hu brei rilo panuac pambuak tal bruk pato pakai, y tế, giao thông, môi trường. Abih di nyu nan lac dom bruk ka môi trường rah dua gah krong Ba kayua padang ngak thủy điện An Khê – Kanak lac bruk daok ngak ka cử tri mboh suh sah di abih.

4/ Labaih sa adit ini mai, ong Danh Thơ, daok di palei Thạnh Hoà 3, xã Thuỷ Liễu, huyện Gò Quao, tỉnh Kiên Giang jeng medeih meng 5tuk mesup piah pang bruk pathau khan ka bầu cử QH saong HĐ bhap bini dom pakat angaok loa papar sap di blai papar sap xã saong danak dak tiếp âm di rayo papar sap huyện saong rayo papar sap papar binguk tỉnh Kiên Giang ka asal di bruk ngak ini. Ong Danh Thơ brei thau, oh lac ong bo ralo mikva dalam palei jeng biak sangka tal tiểu sử saong danak dak bruk ngak di dom ứng cử viên, piah palih ruah urang hu đức, hu tài.

5#/ Tui chi cục kaya ikan tỉnh Bình Thuận, bruk ikan metai rah tabiak di dom labik rong ikan lồng bè bahrau ni di huyện palao Phú Quý lac kayua rong tảo tamuh tabiak  dalam bilan pandiak bhang. Di palao Phú Quý, tame bilan pandiak bhang rong rêu bhian tamuh biak ril. Abih di nyu nan lac dalam thun ni,  rong rêu tamuh biak rilo. Tuk rong rêu metai, nyu jeng sa thảm thực vật ralai nao, ngak jeng sa bhum ia njom nerak. Dom thun dahlau, bruk ni rah tabiak takik. Meyah hu ngin song ia nduac, nyu oh ngak khut khat hagait.

6/ Biar harei kabroi 11/5, di ban Cần Thơ, hajan dui atah jaik sa tuk ngak ka langik la-ar veik, patrun apndiak bhang ka hamu saong bein phun mbang baoh. Saai Nguyễn Hoàng Vinh, daok di phường An Khánh, Quận Ninh Kiều – ban Cần Thơ brei thau: “Tukvak jaik di ini pandiak dak harei dak khang, nao ngak mai oh hu labik  li-ar mboh kan daok. Hu hajan ini nyu patrun pandiakt, mboh akaok tỉnh táo saong ngak bruk hu kein lagaih jang”.

7#/ Meng akaok bilan 5 tal ni, tỉnh Tiền Giang hu 3 mbang hajan.Abih di nyu nan lac di palao Tân Phú Đông hu hajan prong di abih lac 29.8 mm. Anak bruk ni, rilo urang nong  caga trun pajaih padai, njam patam. Min tui Đài khí tượng thủy văn Tiền Giang mbang hijan ni oh ka ginup ngak patrun pandiak song trun mbak yau nan ye bruk kurang ia taba jeng dok catang.

Patui di ini dom khau tin dunya:

8/ Biar harei kabroi 11/5, di jabat ngak bruk rajaei, thủ tướng Nguyễn Xuân Phúc hu taduan dom đại sứ ASEAN. Di var taduan, thủ tướng Nguyễn Xuân Phúc bui sambai hu taom gaok đại sứ di 9 taneh ia ASEAN saong brei thau hatai jia dom đại sứ ba abih drei tame bruk patagok talei pambuak bruk ralo gah saong VN.

          9# Lễ hội VN mbang ka 9 bahrau hu peih ngak di Tokyo, Nhật Bản. Lễ hội VN hu labaih 110 gian hàng dalam nan hu pandap mbang huak, parang iek pandap thủ công mỹ nghệ. Tuai damuai mai rivang iek, hu mbang dom janih pandap di VN, dom danak dak ilamu, daoh tamia ndung mbak ilamu bangsa.

10/ Harei kabroi 11/5, nyaom meyai urang ngak praong pakat glaong lao động ASEAN mbang ka 12 hu peih tabiak di ban ine Viêng Chăn, Lào. Brei panuac di nyaom meyai, tiến sỹ Khăm Pheng Xay Xổm Pheng,  akaok mintri lao động saong phúc lợi XH Lào brei thau: Nyaom meyai ngan saong kadha “Ba lao động oh chính thức jeng lao động chính thức, pamaong tal jhul pakhang bruk ngak hu chất lượng dalam ASEAN”./.