1# Patui danakdak mbang nyaom ka 9, Quốc hội mbang 13, harei ini  (12/6), ala bruk dang akaok di akaok  Quốc hội Nguyễn Sinh Hùng, Quốc hội patui mbang tangi sua akaok mintri Công Thương Vũ Huy Hoàng, akaok mintri Khoa học saong Công nghệ Nguyễn Quân, akaok mintri pato megru Phạm Vũ Luận. Tui danakdak, peih akaok var nyaom, akaok mintri Công thương Vũ Huy Hoàng patui calei  tangi sua di dom urang Quốc hội. Puac var bair harei ini, quốc hội peih var yangi sua akaok mintri pato megru Phạm Vũ Luận ka dom bruk pambuak tal salih barau danakdak, tapuk giáo khoa phổ thông, salih barau bruk peih mbang pakacah di negar, taong yaom anek saih tiểu học thun 2015… 

2/ Harei kabroi, panuac calei tangi sua di akaok mintri ngak nông saong patagok palei pala Cao Đức Phát saong akaok mintri công thương Vũ Huy Hoàng hu pataom tame dom bruk cambaih laih, ba tabiak dom jalan ngak, min tui panuac dom urang QH, dom jalan ngak hu ba tabiak, abih di nyu nan lac jalan ngak pablei kaya nông, barau lac jalan ngak hu meneng. Urang QH Trương Văn Vờ, kapul Đồng Nai ndom lac bruk praong nan lac akaok mintri brei hu trách nhiệm piah langyah khuyết điểm ini: Dahlak biak njauk hatai, jeng klah rabha saong akaok mintri công thương lac taduan trách nhiệm, khuyết điểm. dahlak biak caong meng ini tal puac thun saong mbang nyaom ka 10, akaok mintri công thương brei pathau khan veik QH pasiam khuyết điểm nan yau habar piah khik kajap bruk peih ngak sarak di đảng dalam rai diuk, abih di nyu nan lac gah ngak công hỗ trợ dalam tukvak mbeik drei tame kinh tế dunya.        

3# Bair harei 11/6, di Hà Nội, mintri Lao động Thương binh saong Xã hội patabiak bruk “ halan hatian daong urang nghiện ma túy cai nghiện ba drei tame bhapbini “ . Tapa nan piah patagok labik dang, trach nhiem di tình nguyện viên dalam bruk jak ba, daong urang nghiện ma túy tame dom danakdak cai nghiện. Ini jeng lac bruk ngak piah pachreih tui bilan ngak bruk caga ma túy ngan saong kadha “ bhapbini rik tame daong urang nghiện ma túy saong harei dunya caga ma túy 26/6.

4/ Anak bruk jit ruak laka jalan suak yava cấp bhum Trung Đông (Mers) daok tamuh tabiak di 9 taneh ia bhum Trung Đông saong mbuan njom mbak ralo taneh ia di khu vực châu Á, dom cty lữ hành saong tuai damuai di HN hu quyết định padeih dom mbang du lịch tal dom taneh ia hu jit MERS.

5# Hadei tukvak nduac thử saong brei ngư lưới cụ, kapal ikan akaok meti ngak barau tui Nghị định 67/CP di tỉnh Nghệ An daok caga tabiak tasik. Ini lac kapal ikan taong cap atah hu ngak meng kayau kayua Vien roh duah saong che tao tàu thủy (di sang bac Đại học Nha Trang) thiết kế saong  Công ty ngak kapal gilai Hải Châu ngak ka urang ngak ikan Nguyễn Xuân Tri (daok di xã Nghi Quang, huyện Nghi Lộc, Nghệ An). Abih tih jien buh tame ngak kapal lac jaik 8 tỷ đồng. 

6/ Biar harei 11/6, UB bhap bini tỉnh NT peih họp báo ka bruk pandiak bhang di puk palei. Tui kuhria mboh barau di abih di UB bhap bini tỉnh NT, tal urak ini hu jaik 5.500 baoh sang ngan saong labaih 23.100 menuac di puk palei kurang ia pandar. 1.300 drei athur raong hu take metai pambuak tal pandiak bhang. Taneh phun pala vụ Đông Xuân khat lahik abih 501ha, taneh patrun năng suất labaih 1.000 ha. Abih tih taneh oh ngak vụ ĐX nan lac 6.100 héc-ta. Vụ Hè Thu  ini labaih 10.200 ha oh ngak hu kayua kurang ia. Tui kuhria, tal kreih bilan 9 tal meng hu hajan ralo, mbuan kurang ia menyum ka bhap bini, ia menyum saong pandap mbang athur raong saong ia pala drak di tỉnh biak khang. Kayua yau nan, NT hu pataom tame ka bruk pacang  pandiak bhang. Ong Lê Văn Bình, phaok akaok UB bhap bini tỉnh NT brei thau: Hadei di tuk brei thau pandiak bhang, tỉnh ủy, UB bhap bini tỉnh hu tacei pato khang jang. Nan lac oh lui bhap bini eik lipa, kurang ia, oh lui athur raong metai ralo saong oh brei ô nhiễm, oh hu ruak kik rah tabiak dalam bhum pandiak bhang.

7# Urak ini, sang beir pala dâu di huyện Phong Điền, ban sit  Cần Thơ biak uan tabuan kayua dom janih dâu hijao, dâu xiêm, dâu bòn bon daok tame bilan paik praong brei nang suat glaong saong pablei hu yaom. Thun ini dom janih dau daok paik brei nang suat biak glaong meng 25-30 tấn/sa ha. Jien buh tame ye : khak drak, jru palai halak haling takik tok jaik 20 triệu đồng/sa ha yau nan ye phal halei trun yaom pala drak, daong urang nong hu laba rilo. Urak ini, dau hu sang beir pablei ka urang blei meng yaom 6 rabau tal 11 rabau dong sa kg. Tapa nan, urang ngak bein laba hu labaih 100 triệu đồng/ sa ha.  

Patui di ini dom khau tin dunya:

8/ Tui harak pathau khan barau ini di tập đoàn dầu khí BP (Anh) brei mboh Mỹ hu tapa labik dang ka 1 di Nga nan lac ngak tabiak menyek saong khí đốt di dunya. Thun bloh, sản lượng menyek tamo dalam taneh ia Mỹ mek hu 1,6 triệu thùng yaok harei dalam thun bloh.

9# Harei kabroi (11/6), Nhật Bản saong Hàn Quốc hu pambuak veik mbang ginum biai pakat Cục trưởng Ngoại giao. Dua gah jeng brei thau ka bruk caong khin pasiam talei pambuak bruk dua taneh ia piah pamaong tal pahadar  50 thun bình thường talei pambuak bruk ngoại giao di dua taneh ia.

10/ Urang ngak praong HQ harei kabroi hu peih bruk pruh jru pametai anek ruak di yaok rituh sang bac di taneh ia ini. Dalam tuk hội chứng laka jalan suak yava bhum Trung Đông (MERS) daok tamuh tabiak khang, bruk pametai anek ruak di dom sang bac hu iek lac sa dalam dom jalan ngak piah padam jit. Kayua huac jit ruak, dahlau di nan, yaok rituh sang bac di HQ njauk kreik pabah mbang. Tui harak pathau khan, dom sang bac hu peih pabah mbang tal harei 15/6./.