1# Jaik 34.000 urang ngak di bhum ceik Lai Châu hu pato pakai bruk ngak kuhria meng thun 2010 tal ini, rik daong paglaong parilo urang ngak hu pato bruk ngak tagok tal jaik 40%. Dom bruk hu pilih ruah piah pato nan lac : raong glang, pala drak, gò hàn, pasiam radaih patuh… hadei di tuk pato pakai, tỉnh Lai Châu hu ba bruk ngak barau ka labaih 25.000 urang ngak, dalam nan yaok thun ba bruk ngak ka jaik 6.000 urang, daong patrun bruk urang oh hu bruk ngak dalam tinh daok 2,8% thun 2015.Ông Nùng Văn Nim, Phó akaok Sở Lao động, thương binh saong Xã hội tỉnh Lai Châu brei thau :

        “ Ndom ka bruk pato bruk ngak ka urang ngak palei pala, tỉnh Lai Châu hu peih ngak saong kuhria tal thun 2015 hu 102% bruk ba tabiak. Piah ba bruk ngak hu siam lagaih, gah lao động thương binh saong xã hội pok panuac tagok Trung ương brei pabak jien ka danakdak ngak bruk di negar ka bruk ngak”.

2/ Barau ini, tổng liên đoàn lao động VN hu pambuak bruk saong UB bhap bini tỉnh Quảng Ngãi, UB bhap bini huyện pulao Lý Sơn peih padang ngak sang bac mầm non huyện Lý Sơn piah pasiam cơ sở vật chất, khik kajap chất lượng pato saong bac, dak harei dak ba sang bac mầm non Lý Sơn jeng sang bac chuẩn pakat negar, rik daong jhul pakhang bruk pato megru di huyện pulao tiền tiêu. Sang bac nan glaong 2 tal, hu 4 duk bac, ngan saong yaom jien buh tame ngak abih tih 5,3 tỷ đồng.

3# Dalam dua mbang pasang iek di 98 trại raong pabui dalam tỉnh meng blaoh, Chi cục Thú y tỉnh Đồng Nai hu mek di dom trai saong duah mboh 17 mẫu dương tính saong chất pakauk beta-agonist lac chất ngak brei tagok kilo.  Chi cục hu taong phạt yaok trang trại 15 triệu đồng saong khik pabui oh blei pablei meng 3 harei tal 10 harei. Meng ini tal puac thun, Chi cục Thú y Đồng Nai daok pataom tame dut iek veik 100 trang trại saong langyah catang dom trang trai ngak suan .

4/ Dalam adit tapa, pasak y tế dự phòng ban raya HCM duah mboh dalam ban raya hu labaih 300 urang tame sang iek ruak iek ruak pandiak tabiak drah. Ruak pandiak tabiak drah daok pambak praong 32 phường xã, dalam nan 17 phường xã hu urang ruak ralo jang 50% duk saong thun dahlau saong hu ralo sruh jit dui atah labaih 5 adit. Bác sĩ Nguyễn Minh Tuấn, akaok khoa pandiak tabiak drah, sang iek ruak Nhi đồng 1 kakei:

“Pandiak tabiak drah nan lac kayua thất thoát huyết tương biak ralo atau kayua thau suai, atau dalam tukvak iek ruak, uranaih njauk dom janih ruak mãn tính ka baoh hatai, phổi, thận. Tukvak nguy hiểm di pandiak tabiak drah bhian mboh harei ka 3 tal harei ka 6, ngan saong dom triệu chứng yau pandik tian, taluak ta-oak, suh sah, tangin takai li-ar, tagok bông”. 

5# Bruk ủ hareik hữu cơ  hu Sở Tài nguyên saong Môi trường tỉnh Trà Vinh ba tabiak ngak iek meng thun 2013 di 170 sang di xã An Phú Tân, huyện Cầu Kè saong hu bhapbini taong yaom biak glaong. Hareik huu co dom janih hadei di tuk ba tame thùng meng 60 tal 90 harei meda ralai eng jeng khak compost mịn, tơi xốp,  oh mbau bruk biak siam ka phun pala saong njam patam. Daok hareik vô cơ ye kadung nylon, chai lọ… mikva khik veik pablei  phế liệu ka vựa piah ba nao tái chế. Amuk Nguyễn Thị Lan, sa dalam dom sang pataom tame mô hình ndom lac :

“Dahlau thiah dahlak jeng buh tame srau blaoh lavik lavik mek tabiak pandar min nyu oh siam yau ini. Daok xu ly meng thùng ye khak nyu mịn, jhuk saong khik dưỡng chất. Drak khak hóa học ye phun hijao samal, daok khak hareik  thùng ba tabiak srau saong bộp la – u sa tukvak nyu jeng hijao. Dahlak mboh nyu biak siam”.

6/ Jhul pakhang bruk peih ngak đề án roh duah saong phổ cập dom ragu xòe bak ilamu dom bangsa tỉnh Sơn La, sở ilamu, Thể thao saong DL Sơn La barau peih nyaom ginum meyai palih ruah dom ragu xòe saong động tác xòe hadah krah. Tui dom urang, ngan saong ragu xòe ye pandar tiết tấu xòe meng kan (nan lac ginang, hai chiêng, chũm chọe, ma8k hính) di ban Sơn La saong dom huyện Yên Châu, Thuận Châu; ragu hu brei mboh meng dom alat ragam hadah krah: khèn bè, tính tẩu, nhị… ngak gheih ghang saong chreih chrai ka nhạc xòe. Eng động tác xòe, biên tập tui thứ tự xòe daa, xòe sa drei, xòe vòng không pal tangin, xòe vòng pal tangin. Langiu động tác meng kan meda hu chỉnh lý, patagok, cách tân ka lagaih pabak hatai di rai rah ranaih umo, tuai damuai dalam saong langiu taneh ia. 

Patui di ini dom khau tin dunya:

          7# Uỷ ban Y tế  saong Kế hoạch hoá Gia đình pakat negar saong mintri pato megru Trung Quốc pambuak bruk bahrau tabiak thông tư pandar jhul pakhang bruk pacang caga HIV di dom sang bac di taneh ia ini. Thông tư pandar dom jabat, ban, nganh, hữu quan di trung ương, puk palei saong dom sang bac đại học dalam taneh ia njauk padang bruk khan brei thau ka bruk pambak HIV dalam sang bac, peih praong bruk pathau khan saong khik caga jalan di bruk pato caga pambak HIV, paglaong siam lagaih di bruk caga HIV di dom sang bac .

8/ Meng akaok thun tal ini, Hungary taduan hu 110.000 harak likau tị nạn, ralo jang 2,5 mbang duk saong abih tih harak dalam thun bloh. Hungary daok jeng taneh ia trung chuyển dang akaok ngan saong urang tị nạn, kayua tame hu taneh ia ini, urang mbuan nao tal 26 dalam 28 taneh ia thành viên liên kinh châu âu bo oh cang thị thực nhập cảnh. Bruk ngak patui di urang nan lac nao tal dom tanh ia kaya meda jang yau Đức, Áo atau Thụy Điển ngan saong hatai caong salih barau rai diuk.

9# Ủy ban châu Âu, barau brei tapa 2,4 tỷ ơrô daong dom taneh ia thành viên, dalam nan hu Hy Lạp saong Italia, daong cakak saong bruk khủng hoảng nhập cư di 6 thun tal. Ini lac động thái barau abih di châu Âu dalam tuyk yaok rabau urang nhập cư jeng daok tuh mai labik ini. Meng akaok thun tal ini, hu labaih 2.000 urang metai tuk duah jalan nao tapa Châu Âu meng jalan tasik, dalam tuk ty le ini di thun dahlau lac 3.279 urang di abih thun dahlau. Bruk Liên minh châu Âu paglaong pariak karja ka dom mbang duah daong bala hu trun takik urang metai di tasik Địa Trung Hải di dom bilan jaik tal./.