1/ Harei kabroi, akaok negar Trương Tấn Sang song dom urang QH đơn vị ka sa, Kapul urang QH ban raya HCM hu var taom gaok cử tri quận 1 song quận 4. Ndom nyai song cử tri ka bruk padang adat hukum, akaok negar khan lac dom mbang nyom meng bloh hu pasang iek brei tapa rilo hukum nan lac bruk ngak njauk tui jalan Hukum negar 2013, bruk prong di abih nan lac padang ngak hukum khang kajap, hu panuac rik dong di  bhap bini piah dom hukum hu siam lagaih tuk ba tabiak.

2/ Thủ tướng rajaei pandar mintri jien padai peih brei saoh (oh mek jien) 836,34 tấn brah khik mepiah pakat negar ka tỉnh Ninh Thuận piah daong pacang eik lipa ka bhap bini dalam tukvak cang yuak kuak. Thủ tướng rajaei pandar UB bhap bini tỉnh Ninh Thuận taduan saong ba brah hu peih brei nan daong chip, njauk menuac, njauk urang.

3/ Pachreih tui harei padai brah dunya ( 16/10) mintri Y tế bahrau peih bruk pathau khan adit “ Dinh dưỡng song patagok” meng harei 16 tal harei 23/10 hu angan “ Jhul patagok sarak dong XH song patagok ngak nong khang kajap, dong patruh kan kathaot, paglong ginup dinh dưỡng ka urang VN” Jeng dalam mbang ni, mintri Y tế hu panuac khan bahrau di abih, tỷ lệ kurang vitamin A di uranaih umo ala 5 thun di dom negar urak ni lac 13% song oh pasalih luac dalam 20 thun tapa, yaom lac yaok thun dom puk palei dok peih ngak 2 mbang pabak vitamin A ka uranaih. 

4/ Dalam jalan patagok pato bruk ngak di mintri lao động, thương binh saong XH ka bhum taneran kraong Cửu Long tukvak 2016 – 2020, kham merat yaok thun hu pato bruk ngak ka jiak 300.000 urang ngak dalam bhum. Taphia di nan tal thun 2020, hu takik di abih 2 sang pato bruk ngak mek hu tanut chuẩn sang pato bruk ngak chất lượng glaong, 3 sang pato bruk ngak gam bac gam daok hu chất lượng pato ka anek saih bangsa takik gam bac gam daok, 100 mbang bruk ngak praong di dom pakat mek hu tanut chuẩn.

5/ Salam uan harei doanh nhân VN, di ban raya HCM, Kalup kapul DNVN, Hiệp hội doanh nghiệp sit song mbiah VN bahrau peih danak dak “ Harei patom DNhân, Doanh nghiệp pakat negar thun 2015. Brei panuac di labik ni ong Nguyễn Thiện Nhân, Ủy viên mintri Chính trị, Akaok Ủy ban Trung ương Mặt trận negar Việt Nam  hu payua panuac taduan yhut song dar phol dom rai rah Doanh nhân VN, dom urang hu rik dong ngak jak jeng di 30 thun salih bahrau. Ong Nguyễn Thiện Nhân ndom lac hadei di 30 thun salih bahrau, tapen dom kan kandah tavak tavaiy negar drei hu dom jak jeng patagok biak siam gheih.

6/ Mesup kabroi, di bimaong Pô Sah Inư, sở ilamu – TT saong DL tỉnh Bình Thuận pambuak bruk saong bhap bini dom palei Chăm dalam tỉnh peih harei kate thun 2015. Dalam mbang peih harei kate ini, adat rok khan ao Pô Sah Inư tagok bimaong lac adat praong hu peih ngak praong prang. Sap Saranai, sap  Ghinăng, Paranưng yava tagok chreih chrai, dom kamei dara Chăm cuh ao tah meng kan saong tamia kadik ba akaok kapul rok meng ala tagok bimaong. Dom urang pan bruk agama Bà-la-môn hu ngak adat peih pabah mbang bimaong, paling pandap thau dhar phon yang mebang, caong khin dom bruk siam mai tal puk paga, palei negar. 

7/ Sang iek ruak Chợ Rẫy brei thau, dalam 2 harei puac adit tapa ngak hu siam 2 ca ghép gan meng menuac urang brei. Lac sa urang kamei umo 66 thun dok di ban raya HCM song sa urang ruak likei, umo 60 thun dok di Bến Tre, 2 urang ni ruak ung thư gan. Ni lac 2 dalam 6 urang ghép gan hu blai di sang iek ruak Chợ Rẫy meng thun 2012 mbiah tal ni. Hadei di mbang blai draih ghép gan, 2 urang ruak nan hu salah salai, song dok hu tui iek catang.   

Patui di ini dom khau tin dunya:

8/ VN saong Cộng hòa Séc brei jhul pakhang talei pambuak bruk pacang cakak tội phạm, abih di nyu nan lac tội phạm ma túy, tapa klah rabha thông tin, brei kapul tapa rivang gauk, peih pasram megru saong daong pandap pabak ka bruk ini”. Panuac sanya nan hu ba atabiak dalam dom mbang ngak bruk di kapul Tổng cục cảnh sát – mintri công an VN saong dom jabat pambuak bruk di mintri nội vụ cộng hòa séc dalam mbang nao ngak bruk di kapul tổng cục cảnh sát di Séc meng harei 12/9 tal harei 12/10.

9/ Urang vak di rayo sap ndom VN dok di Trung Quốc brei thau : Puac thun ni TQ hu peih ngak jalan pasei tốc độ glong di Thái Lan, peih tabiak bruk salih bahrau  jalan pasei hu lac sa labik patagok suai di abih dalam khu vực./.

10/ Kapul ruah duah di giáo sư Fu-mi-hi-to A-rai di sang bac đại học Na-gôi-a, Nhật Bản barau ini brei thau lac ngak hu jeng pandap lọc tế bào ung thư, tapa nan meda samar duah mboh saong pasiam dom janih ruak ung thư urak ini./.