1/ Kapul ngak bruk di UB bangsa kayua Akaok mintri, Chủ nhiệm Ủy ban bangsa Giàng Seo Phử pan akaok hu var ngak bruk song urang dang akaok tỉnh Phú Yên ka bruk peih ngak dom sarak bangsa dalam tỉnh. Di var ngak bruk, akaok mintri Chủ nhiệm Ủy ban bangsa Giàng Seo Phử tong yaom glaong bruk peih ngak hu siam lagaih dom sarak ka mik va bangsa takik dok dalam tỉnh,  hu panuac pandar tỉnh Phú Yên, abih di nyu nan lac dom xã huyện bhum ceik brei hu sarak ka bruk patrun kan kathaot khang kajap ka mik va bangsa takik kham merat tal thun 2020 oh daok hu boh kan kathaot.

2/ Barau ini, ong Nguyễn Thiện Nhân, Ủy viên mintri Chính trị, akaok Ủy ban Trung ương Mặt Trận negar Việt Nam hu nao rivang, alin hadiah pandap ka dom ong bhik di Trà Vinh tuk tết Chôl Chnăm Thmây di bhap bini Khmer. Taphia di nan, akaok UBTUMT negar Nguyễn Thiện Nhân hu halin hadiah 100 drei limo menek ka 100 baoh sang kan kathaot dalam tỉnh Trà Vinh (yaom sa tỷ đồng) meng kadung jien daong di danak dak “gilang limo – rik pren saong bhap bini dom huyện kan kathaot, xã taphia negar padang ngak palei pala barau” kayua gilang ngak nông saong patagok palei pala VN daong.

3/ Harei pataom ilamu dom bangsa gah kreih negar thun 2015 hu rah tabiak di Nghệ An meng harei 17 tal harei 19/5 hu mbaok di 13 tỉnh ban nan lac Thanh Hóa, Nghệ An, Hà Tĩnh, Quảng Bình, Quảng Trị, Thừa Thiên Huế, Đà Nẵng, Quảng Nam, Quảng Ngãi, Bình Định, Khánh Hòa, Ninh Thuận song Bình Thuận. Ngan saong kadha dom bangsa gah kreih negar jum pataom, khik ramik, patagok ilamu bangsa, rik dong patagok taneh ia, harei pataom ilamu hu rah tabiak rilo bruk yau: main kadha bhap bini, yaih khan janih ilamu bangsa, parang iek yaih khan pandap panda dom bangsa, parang iek khan aow angui chuh di dom bangsa

4/ Piah peih ngak đề án khik ramik saong patagok dom inem krung ilamu bangsa Cor tukvak 2011 – 2020, huyện ủy Trà Bồng, tỉnh Quảng Ngãi barau parabha labaih 2,7 tỷ đồng meng kadung jien sarak piah pasiam veik sang meng kan di bhap bini Cor. Bruk pasiam veik sang meng kan di bhap bini Cor piah daong ka bhap bini khik ramik saong patagok ilamu hadah krah bhum palei daok lahik nao, piah ka dom xã dalam huyện saong dom huyện jaik taphia mao rivang, bac megru ilamu  piah ngak tui, jeng sa nền ilamu hong gauk.

5/ Sở y tế ban raya HCM pambuak bruk song Hội Y học ban raya alin brei kadung cấp cứu ka dom urang tong chap ikan di huyện Cần Giờ. Urak ni  Huyện Cần Giờ hu labaih 42 boh sang tong chap ikan. Kayua bruk ngak, njauk daok di angaok tasik lavik harei min dom urang chap ikan ni dok kurang pandap sơ cấp cứu. Dalam yaok kadung cấp cứu hu 38 janih jru, y cụ cấp cứu. Ni lac dom janih jru brei hu ka urang tong ikan atah di boh taneh.

6/ Mbang pakacah prang iek pháo bingu dunya Đà Nẵng 2015 rah tabiak njauk tuk padeih lễ 30/4 saong 1/5. Tui kuhria hu biak ralo tuai damuai DL mai ban tasik Đà Nẵng dalam tuk ini. Kadha praong lac lễ hội ánh sáng mbang akaok meti hu peih tabiak, meng melam 24 tal melam 27/4 saong dom bruk ilamu, thể thao tasik. Parang iek thaot siam DL Đà Nẵng, âm nhạc jalan mbak.

Patui di ini dom khau tin dunya:

7/ Gah khik caga bhum tasik Hy Lạp brei thau, urang nhập cư suan adat tame negar ni meng jalan tasik rilo jang 3 mbang dalam 3 bilan akaok thun 2015. Kuhria dalam bilan 3, hu 493 urang mai tal dom palao labik tapen tasik, rilo meng lac di dom palao gah pai negar Hy Lạp jiak negar Thổ Nhĩ kỳ, labik pataok di dom boh kapan pablei salih menuac urang 

8/ Akaok mintri jien padai Prang Mi-xen Xa-panh brei thau, Pa-ri hu klak sraiy jaik 71 triệu đô la ka Mali. Urak ini oh ka thau abih tih yaom jien bo Mali tavak Prang nan lac hadom. Taneh ia Tây Phi ini njauk laik tame bruk khủng hoảng meng thun 2012, hadei di tuk dom urang lin caong pajaleih rajaei. Kadha nan ba tal bruk dom kapul phiến quân hu pambuak tal An Kê-đa meblah mek bhum sa mạc gah brak taneh ia ini.

9/ HQ song Mỹ hu peih bruk pasram không quân praong, sa bruk hu mong lac ngak catang tagok di palao Triều Tiên. Mbang pasram hu rah tabiak dalam tuk akaok mintri quốc phòng Mỹ Axtơn Catơ (Ashton Carter) dok mai rivang Xơun, Hàn Quốc. Tui gah không quân HQ, mbang pasram hapong gauk angan ieu Đại thần sấm (Max Thunder ) hu dui atah 2 adit, hu mbaok labaih 1 ribau 400 urang lin di 2 negar, 100 boh kapan haoh quân sự plaik mbon chiến thuật./.