1# Bair harei kabroi 12/5, akaok mintri ngak nong saong patagok palei pala Cao Đức Phát, Đại sứ đặc mệnh toàn quyền Nhật Bản di Việt Nam Hiroshi Fukada saong dom doanh nghiệp di Nhật Bản hu var ngak bruk saong urang dang akaok tinh Lâm Đồng ka bruk peih ngak “ Danakdak dak padang mo hinh patgok ngak nong tui jalan đa ngành saong ramik pasiam darak pasal đầu tư dalam ngak nông ”. Di var ngak bruk, akaok mintri Cao Đức Phát caong gah Nhật Bản pasang iek, daong pabak dom phun jien mesraiy :“Dahlak jeng njauk hatai saong tỉnh Lâm Đồng hu panuac tagok Thủ tương rajaei Việt Nam piah tỉnh meda pandar paok jien daong di gah gilang pariak Tokyo. Taphia nan caong khin ong đại sứ brei pasang iek, daong meng dom phun jien ODA piah padang ngak jalan mbak, dom cong trinh thủy lợi praong di Lâm Đồng piah ba mbuan lagaih jang ka dom doanh nghiệp”.           

2/ Tỉnh Quảng Ngãi daok kham merat pasiam veik saong pala barau glai dauk mbak tapen tasik piah caga bruk biến đổi khí hậu. Anak meta, sở tài nguyên saong môi trường tỉnh ini hu padang dự án pala barau saong pasiam veik jaik 40 ha glai duak mbak di dom xã Bình Phước saong Bình Đông, huyện Bình Sơn, tui yaom jien jaik 8 tỷ đồng. 

3# melam 12/5, di Nghĩa trang liệt sỹ ban sit Quy Nhơn, 800 urang đoàn, dam dara tỉnh Bình Định truac din hadar dom Anh hùng liệt sỹ. Dom urang ranaih umo jeng truac din ngak jeng thaot binguk "Sao vàng 5 cánh", "Bản đồ Việt Nam saong 2 quần đảo Hoàng Sa, Trường Sa" brei thau hatai kham merat khik caga chủ quyền tasik pualo gireih di negar. Saai Nguyễn Minh Triết- Bí thư Tỉnh Đoàn Bình Định brei thau :“Danakdak ini lac sa danakdak yaok thun di kapul dam dara peih ngak ka dom ayut ranaih umo piah pahadar saong thau dar phor, daong pathram, paglaong akaok sahneng. Tapa nan, tacei pato dom urang ranaih umo hatai anih taneh ia,  menyum ia hadar halau”.

4/ Harei kabroi, mbang pajeng pandap akaok meti di TƯ kapul chữ thập đỏ VN ngan saong jaik 15 triệu lít ia tinh khiết hu pajeng nao tal dua huyện Thuận Nam saong Bác Ái njauk pandiak bhang di tỉnh Ninh Thuận. 

5# Urak ini, baoh meriak paik di huyện Thanh Bình, tỉnh Đồng Tháp – bhum pala meriak praong  piah pablei ka darak pasal dalam saong langiu taneh ia daok takik nao. Makna kayua tuk barau paik blaoh mbang ka 2,  rilo beir meriak mboh phun metai rilo. Anak bruk ini dom co so che bien meriak  praong di Thanh Bình njauk blei di dom labik karei mai sơ chế piah jao pandap tui harak pambuak bruk hu mbaoh tangin bloh. 

6/ Tui sở ngak nông saong patagok palei pala tỉnh Bến Tre, kayua langik tasik siam lagaih yau: pandiak dui atah, độ mbak glaong, oh hu hajan nan ye bilan ngak sara thun ini di tỉnhi ini ngak njauk. Năng suất jaik 45 tấn sa ha, abih tih sản lượng sara thun 2014 di tỉnh Bến Tre kuhria hu jaik 75.000 tấn, ralo jang 30% duk saong thun dahlau. Ngan saong yaom jaik 1.000 đồng sa kg yau urak ini, urang ngak sara hu laba glaong jang ngak padai. 

7#  6 tuk pagaiy harei 12/5, dalam tuk menaiy tasik, bhapbini xã Trung Trạch, huyện Bố Trạch, tỉnh Quảng Bình mboh hu sa drei ikan praong, atah jang 4m saong trak jaik 40kg theik tame ar. Tui urang ngak ikan di puk palei, nan lac ikan Hố Ông- sa janih ikan gireih di urang nao tasik. Drei ikan Hố Ông hu urang ngak ikan puk palei padan tui adat cambat mengkan. 

Patui di ini dom khau tin dunya:

8/ Melam kabroi tui mong Cộng hòa Séc, akaok negar Trương Tấn Sang mai hu mbaok tuk peih jabat lambaok Thông tấn xã VN di Séc saong hu mbaok peih adit ilamu VN 2015. Akaok negar ndom lac bruk peih jabat lambaok Cộng hòa Séc hu daong palagaih ka Thông tấn xã VN dalam bruk pabak thông tin, rup binguk ka taneh ia Cộng hòa Séc jeng yau talei pambuak bruk di VN saong Cộng hòa Séc . 

9# Gilang pariak patagok di Kapul dom nền kinh tế barau tagok hu 5 taneh ia lac : Trung Quốc, Nga, Ấn Độ, Brazil saong  Nam Phi meda samal tame ngak bruk,  Tổng giám đốc Gilang pariak ini kayua Ấn Độ dang ngak.   

10/ Mintri QP NB harei 12/5 brei thau dalam dom harei 16, 17 saong 23/5 tuk dom kapal mesruh di Mỹ saong Prang pataok tame pabah lamnge Xa-xê-bô di tỉnh Na-ga-xa-ki, Nhật Bản meda peih bruk pasram hải quân saong Mỹ, Prang di langiu tasik gah pai pulao Kiu – siu. Ini lac mbang akaok meti, 3 taneh ia pasram hong gauk di bhum tasik NB./.