1#/ Harei 12/5, 13 urang tabiak ứng cử QH đơn vị tỉnh Gia Lai patui danak dak taom gaok cử tri di ban Pleiku song dom huyện. Di var taom gaok, cử tri ban Pleiku hu rilo panuac ndom haong dom urang tabiak ứng cử Quốc hội mbang 14 ka rilo bruk  praong di Gia Lai song di bhum Tây Nguyên. Nan lac bruk pandiak bhang dui atah, bo makna lpraong lac kayua palai pajoa glai.

2/ Harei kabroi 12/5, mban tacei pato tổng điều tra palei pala, ngak nông saong kaya ikan tỉnh Đắc Lắc họp peih bruk tổng điều tra thun 2016. Tui bruk ba tabiak, tỉnh Đắc Lắc hu peih bruk tổng điều tra palei pala, ngak nông saong kaya ikan labaih 3.500 puk palei, ngan saong jaik 360.000 baoh sang, 700 trang trại. Piah peih ngak bruk ini, dalam tỉnh hu pasram megru ka jiak 1.800 urang. Peih bruk tổng điều tra, ong Y Dhăm Ênuôl – Phaok akaok Thường trực UB bhap bini tỉnh Đắc Lắc, akaok mban tacei pato di puk palei ndom lac bruk ngak di tổng điều tra nan lac piah thau cambaih piah ba tabiak jalan patagok kinh tế - XH lagaih saong bruk di puk palei.

3#/ Beir harei 12/5 UB bhap bini ban Đà Nẵng pambuak bruk song Viện Chuyển đổi Môi trường song  xã hội, Quỹ patagok Bắc Âu peih ginum biai peih tabiak danak dak “ Peih ngak dom sáng kiến pachreih  ngak sang dok pacang biến đổi khí hậu ka urang kan kathaot di ban Đà Nẵng” danak dak “ Peih ngak dom sáng kiến pachreih ngak sang dok pacang biến đổi khí hậu ka urang kan kathaot di ban Đà Nẵng hu dong ka 100 boh sang di ban ĐN padang ngak bahrau, pasiam veik sang dok pacang ribuk. Danak dak hu peih ngak meng ni tal akaok thun 2018 saong yaom jien abih tih jiak 900.000 Euro, samu labaih  22 tỷ đồng.

4/ Jabat cảnh sát môi trường, công an tỉnh Bình Thuận pambuak bruk saong chi cục khik iek chất lượng kaya nông kaya glai saong kaya ikan Bình Thuận, harei kabroi 12/5, hu nao pasang iek, mboh cơ sở sản xuất di amuk Nguyễn Thị Thu daok di xã Hàm Thắng, huyện Hàm Thuận Bắc pandar hóa chất oh thau asal mai meng halei piah ngak tamuh ratak. Di cơ sở ini, jabat chức năng pataom mek hu labaih 200 ống jru oh thau mai meng halei, 2 kg janih tẩy patih gam saong 38 kg tamuh ratak. 

 5# Bruk khik caga hacih saat pandap mbang dok hu ban Cần Thơ peih ngak catang, dalam nan bruk tui iek menuk ada athur rong tapa sit ngak song pablei salih hu ban ni biak caik hatai sangka. Chi cục Thú y ban Cần Thơ brei thau menuk ada, athur rong hu sik ngak di labik sik ngak mbaih song sit yaok bilan labaih 420.000 drei.

6/ Mesup harei 12/5, công ty  ia Đồng Nai hu peih bruk padang ngak dự án hệ thống ba ia Vĩnh Cửu hu công suất 15 ribau m3 yaok harei di palei Vàm, xã Thiện Tâm, huyện Vĩnh Cửu. Meng yaom jien abih tih 117 tỷ đồng, hệ thống ba ia Vĩnh Cửu hu padang ngak nan lac: cụm xử lý ia, danao caik ia hacih, blai njuk ia hacih, sang hóa chất. Tui kuhria dự án hu ngak salah bloh dalam thun 2017. Hadei di tuk ngak salah bloh, hệ thống ba ia Vĩnh Cửu hu pabak ia hacih ka bhap bini bhum palei pala daok di dom xã Thiện Tân, Thạnh Phú, Tân Bình, Bình Lợi, Bình Hóa, Tân An ngan saong công suất 10 ribau m3 sa harei.

7# Di pasak paRang iek Hòa Bình ban Đà Lạt, Sở ilamu, Thể thao song  Du lịch tỉnh Lâm Đồng bahrau peih paRang iek hu angan “ QHVN tapa dom saman” parang iek yaih khan labaih 150 thoat bingu, tài liệu lịch sử, brei thau ka dom harei  camereip bahrau padang QH, dom bruk ngak hu praong di QH tapa dom saman, dom bruk prong di taneh ia. PaRang iek hu peih tabiak tal harei 20/5

Patui di ini dom khau tin dunya:

8/ Đại sứ Nga di Liên minh châu Âu Vla-đi-mia Chi-dốp harei 12/5 hu panuac ieu liên minh ini jui daong đề xuất di TNK ka bruk padang labik an toàn di Xyri. Tui ong Chi-dốp labik an toàn ka urang tị nạn meyah hu padang, meda lac labik kandauk di dom tay súng cực đoan saong lac labik kol nyu mek hu vũ khí saong pandap tiếp tế. Ong Chi dốp brei thau gac, bruk ini meda dui atah ka bruk srau kadau di Xyri saong ngak jhak tam dom bruk ngak pahala. Langiu di nan, bruk padang labik an toàn ka urang tị nạn lac vi phạm chủ quyền saong bruk toàn vẹn lãnh thổ Xyri.  

9# Gah  khik caga môi trường Mỹ harei  12/5, hu tabiak sarak bahrau piah patrun bruk phát thải khí mê-tan dalam gah ngak xăng menyek song khí đốt di negar ni. Sarak bahrau hu panuac ieu dom sang mac bahrau atau sang mac salih khí lỏng gah xăng menyek, duah thau song pasiam bruk rò rĩ khí me6tan di dom bingun xăng menyek atau dom pandap panda karei karei yau jalan nding, jamriak jhuk. Sarak ni meda dong karja Tổng thống Mỹ Ba-rắc Ô-ba-ma peih ngak tal thun 2025 cakak labaih 40 tal 45% lượng phát thải mê-tan dut song yaom phát thải thun 2012, rik dong biak prong dalam bruk pacang caga biến đổi khí hậu di Mỹ.

10/ Sa mbang megei baoh taneh khang 5,6 độ rích te rah tabiak harei 12/5 di labik ia-san Đài Loan TQ, ngan saong bruk chấn động meda thau di ban Đài Bắc. Tui jabat khảo sát địa chất Mỹ, mbang megei baoh taneh hu tâm chấn atah ban sit duyên hải Tô Áo, di huyện Nghi Lan jaik 14 km mai gah ia san. Urak ini oh ka thau thei metai, jeng yau khat lahik kayua mbang megei baoh taneh./.