1/ Beir harei kabroi, 13/10 Tổng Bí thư Nguyễn Phú Trọng hu taom gaok doanh nhân naih gheih di ban raya Hồ Chí Minh. Brei panuac di var taom gaok Tổng Bí thư brei mboh labik dang prong di DN, doanh nhân ka taneh ia. Bruk ni hu Chủ tịch HCM tacei tabiak dalam harak payua tal công thương Việt Nam atah di ni 70 thun, hadei di tuk padang taneh ia

2/ Biar harei kabroi 13/10, di HN, phaok akaok UB TUMT negar VN Lê Bá Trình hu taduan kapul urang pan bruk agama Giáo hội Cao Đài VN. Ong Lê Bá Trình caong khin tukvak tapa, mban điều hành Giáo hội Cao Đài VN patui patagok bruk ngak, labik dang, pathau khan, jak ba dom giáo hữu, bhap bini di puk palei peih ngak siam sarak di Đảng, karja, MT negar khik ramik, pabak bruk jum pataom taong abih bangsa.

3/ Akaok mintri ngak nong song patagok palei pala Cao Đức Phát bahrau hu công điện khẩn brei ka akaok UB  bhap bini dom tỉnh, ban di TƯ ka jalan patagok bruk pacang caga jit ruak menuk ada athur rong. Tui nan dom tỉnh ban samar peih ngak dom jalan pacang caga tui adat. Abih di nyu nan lac dom puk palei dok hu sruh jit ruak sangka tui iek bruk sik ngak rolaow piah khik hacih saat pandap mbang song caga jit ruak

4/ harei kabroi 13/10, di tỉnh Thừa Thiên-Huế, mban peih bruk Festival Huế 2016  hu mbaoh tame daong Festival Huế 2016 peih bruk mbaoh tangin tame harak pambuak bruk saong gilang pariak công thương VN (VietinBank). Tui nan, di Festival Huế 2016, VietinBank daong 5 tỷ đồng ka dom bruk ngak ilamu. Festival Huế 2016 ngan saong kadha “710 thun Thuận Hóa – Phú Xuân - Thừa Thiên Huế; inem krung ilamu saong mbeik drei tame saong patagok” rah tabiak meng harei 29/4 tal harei 4/5/2016, patui lac labik pataom dom danak dak nghệ thuật hadah krah di dom ilamu karei di gauk di dunya.

5/ Di labik du lịch Ngũ Hành Sơn, Sở ilamu Thể thao song  Du lịch ban sit  Đà Nẵng bahrau peih bruk parang iek sáng tác mẫu lân, nghê ndung mbak ilamu Việt. Tui tong yaom di Kapul nghệ thuậ,t tong abih dom mẫu lân, nghê parang iek mbang ni biak gheih, biak mekre, ndung mbak ilamu di lân, nghê meng kan Việt Nam. Parang iek hu dong ka mik va palei patau Non Nước song menuac urang thau hu dom janih pandap panda, rup patau lân, nghê lagaih song adat cambat VN, pabak hình mẫu dong ka dom doanh nghiệp, xưởng nghề  tui nan iek ngak tui.

6/ Kadung jien pacang cakak metai lahik Châu Á pambuak bruk saong UB An toàn jalan mbak pakat negar barau peih bruk brei pabak mot BH ka anek saih tal 1 di 5 sang bac tiểu học dalam tỉnh Quảng Nam. Tui nan, mbang ini, tỉnh Quảng Nam hu 700 anek saih tal 1 di 5 sang bac tiểu học dalam tỉnh taduan hu bruk brei pabak mot BH. Dalam thun bac 2015 – 2016, kadung jien pacang cakak metai lahik Châu Á saong mban an toàn jalan mbak tỉnh Quảng Nam hu peih brei saoh jaik 5.000 baoh mot BH ka anek saih tiểu học.

7/ Salam uan harei Kate di mik va Chăm tui agama Bàlamôn, harei kbroi (13/10), Muinyim urang kamei Nam bộ pambuak bruk song pasak roh duah ilamu Chăm tỉnh Ninh Thuận peih bruk parang iek trang sức di urang kamei dom bangsa takik gah merong. Mbang parang iek yaih khan 30 thaot binguk song 170 janih pandap yua: parik, kon tangin, kon takuai, talei cuh karak di dom bangsa Kinh, Hoa, Chăm, Khơme, Bana, Eđê, Stiêng… Mbang parang iek piah yaih khan tal bhap bini tỉnh NT song tuai damuai thau tal bruk trang sức urang kamei dom bangsa gah merong dalam rai duik XH Thạc sỹ Nguyễn Thị Thu – Akaok pasak roh duah ilamu Chăm tỉnh Ninh Thuận lac

Muinyim urang kamei Nam bộ song pasak roh duah ilamu Cham tỉnh NT hu mbaoh tangin tame harak pambuak pagam 3 thun song hu taom gaok ndom nyai nao mai song gauk. Thun ni jeng yau nan, bruk ngak bhain randap di 2 đơn vị. Thun ni parang iek trang dức di urang kame idom bangsa gah merong piah yaih khan tal bhap bini NT dom janih ilamu siam gheih di dom bangsa karei langiu di bangsa Cham parang iek di labik ni  

Patui di ini dom khau tin dunya:

8/ Nyaom meyai urang ngak praong pakat glaong ASEAN ka patagok palei pala saong patruh eik patrun kathaot mbang ka 12 barau peih tabiak di ban ine Viêng Chăn, Lào. Nyaom meyai mbang ini hu ginum meyai saong ba tabiak harak pathau khan ka bruk patagok palei pala saong patruh eik patrun kathaot ASEAN, harak pathau khan ka bruk ngak hu di nyaom meyai di UB điều phối ka biến đổi khí hậu saong an ninh lương thực mbang ka 4, harak pathau khan bruk ngak hu di nyaom meyai ngan saong kadha “palei pala khang kajap” saong xúc tiến dom pandap cộng đồng”.

 9/ 40 tỷ USD dong oh ginup piah tani tanat kinh tế Ukraine. Nan lac panuac di akaok mintri jien padai Ukraine Natalia Yaresko dalam mbang javap chalơi  harak Financial Times  di Mỹ. Amuk Yaresko hu panuac ieu dom po sre di Ukraine dalam nan hu kadung jien dunya IMF), Mỹ song  Liên minh châu Âu (EU) tagok jang 2 mbang meng jien brei ka negar ni dalam thun 2016. Dom po sre plaik phiếu dalam harei 14/10 piah pasang iek bruk ni

10/ Pasak pacang cakak saong pasang iek jit ruak HQ brei thau, sa urang likei umo jiak 30 thun lac urang ruak puac di abih njom vi-rút  ngak laka jalan suak yava bhum Trung đông (MERS) thit ruak meng akaok bilan ini, hu tame ndih iek ruak veik saong mboh pandiak saong mboh dương tính saong vi rút ini./.