langyah Hanipha - Phi Giah
1/ Phó Chủ tịch Quốc hội Huỳnh Ngọc Sơn bahrau nao rivang, tadhau yhut tết dom boh sang sarak karja hadah krah di ban sit Đà Nẵng. Di dom labik mai rivang, ong Huỳnh Ngọc Sơn brei mboh hatai thau dar phol dom lão thành cách mạng, dom urang dalam sarak karja dalam bruk khik caga song dak padang taneh ia. Jeng dalam tuk uan raok tết, ong Huỳnh Ngọc Sơn taduah yhut tết dom lão thành cách mạng hu rilo pren yava, hu dom rik dong ka taneh ia palei negar.
2/ Mintri jien padai hu harak payua sở jien padai dom tỉnh, ban di TƯ ka bruk khik ramik yaom kaom, khik tani tanat yaom kaom meng TƯ tal puk palei. Patagok bruk khik ramik, tacei pato piah tani tanat yaom kaom darak pasar, khik kajap trật tự an toàn xã hội dalam tuk tết nguyên đán.
3/ Lambaok urang pan akaok gilang pariak karja VN gam song Công đoàn, Kapul dam dara gilang pariak sarak karja hu nao rivang song brei pandap ka amaik liệt sỹ, urang taha song dom urang dalam sarak karja di xã Trưng Trắc, huyện Văn Lâm, tỉnh Hưng Yên uan raok xuân anek sak pabe 2015. 60 pok pandap tết hu kapul jao brei ka dom amaik liệt sỹ, urang taha song urang dalam sarak karja.
4/ Tal tukvak ini, gah điện hu kuhria caga bloh taong abih janih, piah samar pasiam dom sự cố, khik kajap bruk pabak điện an toàn, tani tanat 24/24 tuk dalam luac tukvak tabung glaong dom harei tết nguyên đán anek sak pabe. Meyah taduan hu panuac di bhap bini khan brei thau sự cố ngak lihik điện, gah điện di dom puk palei trun ngak pasiam dalam tukvak samar di abih.
5/ Mban tacei jalan Tây Nam bộ jak ba hu labaih 12 tỷ đồng piah peih bruk nao rivang song brei pandap ka 1300 boh sang kan kathaot dok di 13 tỉnh ban bhum taneran krong CL. Tuk vak anak tal, mban tacei jalan TNB song dom mintri, dom gah di TƯ, Tỉnh ủy, Thành ủy, Ủy ban bhap bini dom tỉnh, ban peih ngak siam bruk an sinh XH, patruh eik patrun kathaot.
6/ Sở ilamu, TT, DL Quảng
7/ Meng puac bilan 12/2014 mbiah tal urak ni, kayua lingik tasik oh siam, bhum tapen tasik tỉnh Trà Vinh hu gam gam rah tabiak rilo mbang ia tasik tagok gam song riyak praong, hangin khang ngak glut jaleih rilo jalan tapen tasik, ba theik rilo taneh pala njam patam song rong kaya ikan. Tỉnh Trà Vinh hu tacei ba dom gah, dom pakat samar peih ngak rilo jalan piah pacang ia ndik di labik tapen tasik.
Patui di ini dom khau tin dunya:
8/ Dalam dom tuk hadei di bruk ginum meyai di urang dang akaok 4 taneh ia Nga, Ucraina, Pháp saong Đức di Minxcơ hu tamat saong bruk mbaoh tangin tame sa thỏa thuận padeih cuh meng harei 15/2, bhap bini dunya hu panuac pok meyaom thỏa thuận ini. Min, jeng hu dom panuac lac, brei cang dom gah brei peih bruk thỏa thuận ini yau habar. Meng Oasinhtơn, urang brei panuac di Nhà trắng Giô Ơnet ndom lac, thỏa thuận padeih cuh brei hu iek praong, ngak tui, taphia di nan hu panuac ieu dom gah pambuak bruk brei peih ngak chip thỏa thuận ini meng dom jalan nao cambaih laih.
9/ Japon brei ramik veik bruk dong patagok tui jalan ngak lac, mbang camereip di abih brei adat dong ka bol lin negar langiu, yaom lac daok giới hạn dalam dom bruk phi quân sự. Tui nan, Japon brei daong dahlau ka bol lin dom negar ĐNÁ piah patagok talei pambuak bruk dalam khu vực. Ni lac salih bruk bahrau akaok meti ka sarak dong dunya di Japon dalam 12 thun tapa, dalam tuk karja Thủ tướng Shinzo Abe brei jhul patagok bruk ngak di Japon dalam dunya.
10/ Sa liên doanh khai thác mỏ bạch kim ngan saong yaom phun jien abih tih 3 tỷ đô la Mỹ hu peih bruk ngak di Dim-ba-bu-uê. Ini lac sa dự án đầu tư negar langiu praong di abih meng tuk taneh I ini meblah hu độc lập. Dự án ini, lac sa liên doanh di sa cty di Dim-ba-bu-uê saong gah đầu tư Nga. Tuk dự án ngak bruk, meda ngak hu sa triệu ao-xơ bạch kim yaok thun saong ba 15 ribau bruk ngak . Dự án ini hu ba peih tabiak jalan
Viết bình luận