1/ Cục khik ramik  urang ngak negar langiu, mintri Lao động Thương binh song  Xã hội brei thau: dalam 2 bilan akaok thun ni, dalam negar hu labaih 8 ribau 500 urang ngak nao ngak bruk di negar langiu. Dalam nan, darak pasa Đài Loan (Trung Quốc) hu taduan labaih 5 raibau 700 urang ngak, Japon hu labaih 1 ribau 800 urang ngak song HQ hu taduan jiak 200 urang. Yau nan ye, dalam 2 bilan akaok thun ni, hu labaih 17 ribau 200 urang ngak nao ngak bruk di negar langiu ( dalam nan hu 5 ribau urang  kamei, rilo jang 23,5% dut song tuk vak ni thun dahlau).

2/ Tỉnh Lai Châu brei peih praong bruk điều trị nyil dom janih jru phien meng Methadone tal cụm xã, abih di nyu nan lac dom xã bhum atah bayah. Bruk ngak praong dalam thun ini lac brei peih bruk điều trị meng jru Methadone ka 1.700 urang, hu jaik meteh dom urang nyil dalam tỉnh hu điều trị.

3/ Ong Trần Kim Dương, Akaok Chi cục Khai thác song khik caga kaya ikan tỉnh Bình Định brei thau, thun 2015 tỉnh kham merat padang 500 kapul “Jum pataom” tong chap kaya ikan di angaok tasik, hu 2000 baoh kapan . Dalam nan, brei padang 4 kapul “Jum pataom” song 20 kapan tong chap ikan, pajeng ba song dịch vụ pabak ka bruk tong chap ikan ngử đại dương tui jalan pablei tapak tapa negar Japon. 

4/ Bruk pakacah gauk anit ranam taneh ia di bhap bini công giáo di ban Cần Thơ dalam tukvak tapa ngak hu dom jak jeng praong dalam taong abih dom gah. Dalam nan, bruk bac megru saong ngak tui jalan hadah krah siam mekre di HCM; hu mbaok tame bruk ataong abih bhap bini khik caga an ninh taneh ia palei negar saong padang nền quốc phòng taon2 dân hu peih ngak siam.

5/ Ong Đỗ Văn La, Akaok Chi Cục Kiểm lâm tỉnh Long An brei thau, urak ni dok yam tame tukvak tabung glong di bilan thu song mbuan si khuah glai di pakat 5, tanut biak kan kandah. Anak bruk nan, gah kiểm lâm tỉnh dok samar tabiak dom jalan ngak piah pacang caga khuah glai. Langiu di nan, gah Kiểm lâm tỉnh daok peih ngak ka nyu siam lagaih jang bruk 4 di labik. Tagok bruk tui iek di dom po glai, kayua urak ni dok yam tame bilan yuak padai, bhap bini bhian randap am cuh mblang hamu

6/ Tal tukvak ini urang nông tỉnh Hậu Giang pala hu labaih 11 ribau ha tabau, pataom ralo di huyện Phụng Hiệp, ban sit Ngã Bảy saong ban sit Vị Thanh. Tui ong Nguyễn Thế Tự - phaok duk ngak nông saong patagok palei pala huyện Phụng Hiệp ye taneh tabau dalam tỉnh patrun kayua urang pala tabau dom thun jaik di ini gaok khat lahik nan ye klak phun tabau piah salih tapa pala janih phun karei.

7/ Ong Lê Văn Sử, akaok Sở ngak nong song patagok palei pala tỉnh Cà Mau brei thau, gah ngak nong bahrau brei tapa đề án pasiam veik taneh phun dừa nước piah tal thun 2020 pala bahrau 2.400ha. Anak meta, thun 2015, brei pala bahrau 500ha. Bruk nan hu peih tabiak jalan patagok ka  janih phun ni.

Patui di ini dom khau tin dunya:

8# Ấn Độ daok pasang mbaok saong jit cúm A- H1N1 tamuh tabiak khang meng kreih bilan 12 thun bloh ngak ka labaih 1500 urang metai dalam abih tih 26.000 urang njom ruak. Mintri y tế Ấn Độ pandar dom bang ruah duah jalan njom mbak virut H1N1 saong pataom iek tỉ lệ metai, piah padang jalan pacang cakak jit cúm ka nyu siam jang.

9/ Tui hãng Roi-tơ (Reuters) di Anh, Vịnh Goa-na-ba-ra (Guanabara) di Ri-ô đờ Gia-nê-rô (Rio de Janeiro) negar Braxin dok bak hareik nerak tachuak dalam tuk oh ka tal 18 bilan tra di labik ni meda taduan dom vận động viên pakacah gaiy mai hu mbaok di Thế vận hội Olimpic 2016.  Ia nerak tachuak nan lac sa bruk kan kandah ka mban peih bruk song lac sa tavak taviy prong ka karja bang Ri-ô đờ Gia-nê-rô./.  

10/ Sa mbang megei baoh taneh khang 6,2 độ ríchte barau ngak megei sa labik gah is-san ban ine Bô-gô-ta di Cô-lôm-bi-a. Urak ini oh ka thau khat lahik gah drap ar jeng ye menuac sia, saong oh ka hu panuac cảnh báo ka sóng thần. Jabat pasang iek địa chất brei thau, pasak megei baoh taneh daok dalam 147 km jaik ban gah timur Bu-ca-ma-ra, atah ban ine Bô-gô-ta 272 km. Bhap bini daok di dom khu sang mboh cambaih bruk megei dalam ralo giây, ngak urang huac nduac trun jalan./.