1/ Harei kabroi 13/4, UV mintri chính trị, akaok UBTUMT negar VN Nguyễn Thiện Nhân hu mai rivang labik pahadar ong Tôn Đức Thắng di ban sit Long Xuyên, tỉnh An Giang, pok gilau hadar aruah akaok negar song jeng lac sa urang dang akaok di MT negar Vn meng thun 1955 tal thun 1980. Ong Nguyễn Thiện Nhân Akaok MT negar VN song Nguyễn Minh Triết akaok negar dahlau deih hu pok brei tapak 30 drei limo song 50 pok pandap ka dom boh sang urang nong di huyện Tri Tôn, tỉnh An Giang. 

2/ Thủ tướng Nguyễn Tấn Dũng barau pandar mintri tho6ng tin saong truyền thông peih bruk jao rayo papar binguk kỹ thuật số VTC ka rayo sap ndom VN (VOV) piah samar tani tanat, kiện toàn tổ chức saong ngak bruk. Bruk sáp nhập rayo papar binguk kỹ thuật số VTC tame rayo sap ndom VN hu daong ka 2 gah pambuak bruk piah patagok khang kajap, lagaih saong jalan quy hoạch khik ramik saong patagok báo chí pakat negar tal thun 2025. 

3/ Tỉnh Bình Định hu Thủ tướng rajaei brei adat padang Tổ hợp Không gian Khoa học di Pasak ilamu song pato pakai. Tổ hợp không gian ilamu khoa học hu tỉnh Bình Định buh jien tabiak ngak meng thun 2015 tal thun 2018, saong yaom jien labaih 110 tỷ đồng meng kadung jien karja song dom phun jien karei karei. Ni lac Tổ hợp không gian ilamu khoa họcakaok meti hu padang ngak di VN hu 3 tiểu phẩm, sang mô hình vũ trụ, muinyim ilamu khoa học song Đài quan sát thiên văn phổ thông. 

4/ Urak ini dom sang bac, cao đẳng dalam taneh ia hu khan brei thau bruk palih ruah anek saih thun 2015, dalam nan dom sang bac hu brei thau mức điểm taduan hồ sơ xét tuyển saong dom điều kiện sơ loại hồ sơ. Tui kuhria mboh di mintri pato megru, dom sang bac jeng pandar jalan palih ruah karei nan lac mek kết quả pakacah THPT pakat negar pambuak saong học bạ. Dom sang bac ini ralo meng lac sang bac langiu công lập, sang bac barau padang saong sang bac kan palih ruah anek saih.

5/ Sang bac Đại học Phạm Văn Đồng, tỉnh Quảng Ngãi peih bruk uan raok Tết Bunpimay ka anek saih, SV Lào dok tui bac di dom sang bac. Urang dang akaok sở pato megru tỉnh, rilo cei gru anai gru, SV di sang bac bui sambai uan raok tết song dom anek saih Lào. Meng thun 2008 tal ni, sang bac Đại học Phạm Văn Đồng, tỉnh Quảng Ngãi hu pato sap Việt song pato đại học ka 134 anek saih Lào, dalam nan hu labaih meteh SV bac tamat bloh mai ngak bruk veik di Lào.

6/ Barau ini, tỉnh đoàn Trà Vinh peih bruk pok meyaom 84 dam dara bangsa Khmer hadah krah di tỉnh. Ini lac dom urang jakar Đoàn – hội hu ralo thành tích dalam dom gah ngak bruk, bac megru. Brei panuac di var lễ, ong Lê Văn Hẳn, phaok akaok UB bhap bini tỉnh Trà Vinh caong khin dalam tukvak anak tal, dom dam dara bangsa Khmer patui patagok bruk ba akaok, nao dahlau, patagok bruk pathau khan dom sarak di Đảng, hukum di karja. 

7/ Meng harei 15 tal 17/4 di Pasak nyaom darak pasa song parang iek Sài gòn ban raya HCM hu rah tabiak nyaom darak pasa dunya mbang ka 4 ka ilamu dut iek, roh duah song công nghệ sinh học, ieu katut lac Analytica Viet Nam 2015. Nyaom darak pasa kayua Cục Thông tin ilamu khoa học song công nghệ di mintri khoa học song Công nghệ peih tabiak. Hu mbaok di 100 đơn vị mai meng 15 negar di angaok dunya. 

Patui di ini dom khau tin dunya:

8/ Bhap bini TL saong tuai damuai negar langiu harei kabroi tuh nao dom jalan praong di ban ine Băng-Cốc  uan thun barau Songkran saong dom mbaik phao pruh ia, xô, chậu saong bóng ia. Dalam harei tết cổ truyền ini, bhap bini TL duah yaok jalan piah saic ia gauk ngan saong hatai sahneng lac hu ralo ia nan lac hu ralo patuah jamo. 

9/ My-an-ma bahrau ba tabiak adat oh brei pablei alak vir taom dar labik thaik ia di  Nây-pi-đô (Nay Pyi Taw), dalam tuk vak rah tabiak rija thaik ia meng kan di negar ni. Bruk oh brei pablei alak piah nyaik dom mbang kamlah gauk kayua dom urang mebuk alak. Karja jeng oh brei urang cuh ngui khan aow lapit song khan ao biak panak. Dalam 12 rija roya di My-an-ma, rija thaik ia nan lac prong di abih, ba mai kaya meda siam mekre ka tong abih menuac urang. 

10/ Kapul dom urang ilamu gah cúm di Ôt-xtrây-lia hu pachreih bhap bini tut angan tame klauk pacang cakak cúm, tuk dom urang metai kayua cúm daok patagok. Hu jaik 3 ribau 500 urang metai kayua cúm di Ôt-xtrây-lia  yaok thun – glaong jang dom urang metai njauk bala angaok jalan mbak. Kuhria tal bilan 3, hu 4 ribau 381 urang njauk ruak cúm di Ôt-xtrây-lia, duk saong 3 ribau 838 urang njom ruak di thun dahlau./.