1# Harei 13/8, di jabat rajaei, Thủ tướng Nguyễn Tấn Dũng dang akaok mbang nyaom trực tuyến dalam negar sơ kết 3 thun peih ngak sarak ka 70 di rajaei ka danakdak ngak tui harak ka 15 harei 1/6/2012 di Ban Chấp hành trung ương Đảng ka dom bruk xa hoi tukvak 2012-2020. Thủ tướng pandar pasang iek catang, patak pataom chi tiêu công piah caik dahlau jien padai ka bruk an sinh xã hội. Dom puk palei tuk chi saong neh rapha jien njauk caik dahlau ka bhapbini, urang kathaot saong urang sarak karja.

2/ Harei kabroi 13/8, UB Thường vụ QH daok patui danak dak mbang nyaom ka 40, bruk praong nan lac brei panuac ka dự án hukum tố tụng hình sự (pasiam veik). Dom urang dalam UB thường vụ QH  mboh njauk hatai haong asal dự án hukum tố tụng hình sự (pasiam veik) hu ramik veik tui panuac di urang QH di mbang nyaom ka 9. Harei ini 14/8, Ủy ban Thường vụ Quốc hội patui danak dak mbang nyaom, brei panuac ka dự án hukum tín ngưỡng, agama saong hukum khik caga, iek glang, pato pakai uranaih (pasiam veik).

3 #  Jeng dalam harei 13/8, di Hà Nội, Tổng Liên đoàn lao động Việt Nam peih nyaom biai ka bruk pasang iek jien bilan , jien mek tame, tanut diuk rai toi thieu di urang ngak di dom doanh nghiep thun 2015. Thun 2015, meng tanut patagok 14,3% pabak hu 78 tal 83% tanut diuk rai tối thiểu di urang ngak. Ông Mai Đức Chính, Phó akaok Tổng Liên đoàn Lao động Việt Nam brei thau, urak ini, doanh nghiệp caong khik hu urang ngak, njauk hu dom paok jien daong piah urang ngak ginup diuk: Pasang iek brei mboh  62% urang ngak khan lac oh hu patak pataom, tok 8% hu patak pataom. Nan lac oh kuhria tal dom urang ngak hu sang, blaoh urang ngak oh hu taduan mek ye : jien menyek meng dinh muc bair abih…kol drei mboh lac, rilo công nhân kan kandah. Kol dahlak  sahaneng lac njauk  ramik pasiam jien bilan meng khik caga takik abih. Meyah tui panuac caong di Tổng Liên đoàn jien bilan tối thiểu thun 2016 lac 350 tal 550 rabau tui yaok bhum ye jien bilan  tối thiểu jeng hu 89%  di tanut diuk rai tối thiểu. Jalan nao tal thun 2017 meng pabak tanut diuk rai tối thiểu. 

 4/ Tui Thông tư  ka 16 di mintri y tế saong mintri jien padai patabiak hu ba tabiak ngak tui meng harei 1/9 tal, meyah labik labik y tế hu iek ruak bảo hiểm y tế di harei padeih, harei lễ brei khan ka gah bảo hiểm XH piah pabak tame hợp đồng iek ruak dahlau di tuk peih ngak. Urang hu thẻ BHYT mai iek ruak hu kadung jien BHYT bayar jien dalam phạm vi quyền lợi saong yaom mbang tui BHYT. Labik y tế hu trách nhiệm khik kajap ka nhân lực, điều kiện chuyên môn, brei khan cambaih dom yaom jien bo urang ruak njauk bayar langiu bruk hu BHYT saong brei khan dahlau ka urang ruak thau, urang ruak brei bayar yaom jien langiu jien BHYT (meyah hu). Langiu di nan, thông tư barau jeng klak quy định “labik y tế quá tải meng hu iek ruak BHYT”.

5# Dalam dom thun jaik ini, dom sang bhapbini kathaot lac urang bangsa takik di dom bhum taphia negar di tinh Gia Lai hu mesraiy dom phun jien sarak, rik daong jhul pakhang patagok pala drak, tani tanat saong paglaong raidiuk. Ia Grai lac sa dalam 3 huyen biên giới saong taneh ia Campuchia hu yaok rabau sang bangsa kathaot saong jaik si kathaot hu mesraiy jien sarak karja saong abih tih sraiy jaik 200 tỷ đồng, hu dom sang mesraiy jien tal mbang 2, mbang 3. Meng phun jien mesraiy hu, mikva jeng ba tame ngak njauk bruk saong tuk camereip mboh hu kein laba.

6/ Kapul ngak bruk di Thành ủy ban raya HCM barau mai raivang saong alin hadiah 3 baoh sang tình nghĩa ka dom baoh sang kan kathaot daok dalam baoh sang sarak karja di huyện pulao Lý Sơn, tỉnh Quảng Ngãi. Yaok baoh sang yaom 50 triệu đồng kayua urang jakar, urang ngak di jabat ini rik daong.

7# Hadei di rilo kham merat piah peih ngak danakdak caong khin  padang veik sang Lang, miunyim Không gian ilimo Mường hu taduan mek paok jien daong labaih 81trieu 400.000 đồng.  Piah rik daong tame bruk pasiam veik inem krung ilimo sang Lang, 50 họa sĩ hu rik daong bruk pablei  đấu giá tranh hu rilo makna ini. Dom paok jien pablei rup cih meda daong kadung jien ramik pasiam inem krung sang Lang Mường njauk pui mbang di miunyim Không gian ilimo Mường, tỉnh Hòa Bình.

Patui di ini dom khau tin dunya:

8/ Tui kuhria mboh barau abih brei thau, dom urang metai dalam mbang patuh sa kho pandap di ban Thiên Tân, TQ melam 12/8 tagok tal 50 urang saong hu tal labaih 500 urang karei njauk rambuac. 3 ribau 500 bhap bini hu panduan nao labik karei, chất lượng không khí dalam ban oh gaok kan kandah hagait meng thur mur hadei di mbang patuh saong urak ini bruk puh ramik daok hu peih ngak pak di labik patuh. “pasak daong urang njauk bala brei 5 kapul mai điều trị ka dom urang njauk rambuac, puh ramik labik patuh, panduan ba bhap bini, khik tani tanat bruk saong duah thau makna di nyu.

9# Harei kabroi 13/8, cảnh sát Thái Lan  hu mek kareik  22 urang hu laik tame bruk pablei menuac. Ini lac sa bruk dalam  chien dich pagui mek praong hu cảnh sát Thái Lan ba tabiak meng akoak bilan  5 tal ini. Tui Thiếu tướng Paween Pongsirin (Pa-uyn Pong-xi-rin), Chỉ huy pakat glaong di cảnh sát gah meraong Thái Lan, cảnh sát hu duah mboh mek kareik 26 nghi can gaok  cáo buộc pablei menuac saong 16 nghi can gaok cáo buộc rao jien pambuak tal bruk pablei menuac . Dalam dom urang ini hu 22 urang gaok mek kareip hu 12 nghi can gaok buộc tội pablei menuac saong 10 nghi can gaok buộc tội rao jien .

 10/ Jabat pasang iek bruk blei pandar di Nga Rốt-pô-trê-nát-dô barau brei thau meda brei pad4eih bruk blei tame ikan trích caik pa-op di Ba Lan meng harei 14/8. Tui jabat pasang iek bruk blei pandar di Nga, dom mbang dut iek brei mboh gah ngak tabiak Gra-an S.A di Ba Lan oh khik kajap quyền lợi di urang blei pandar, abih di nyu nan lac dom tanut ka: sambo, mùi vị, trạng thái. Taphia di nan, angan tauk angaok dom pa-op hu vak dom thông tin oh pambuak tal yaom glaong năng lượng, hàm lượng janih dinh dưỡng, jeng yau tỉ lệ dom axit limek oh bão hòa di pandap./.