1/ Patui mbang ngak bruk di dom tỉnh tapen tasik Nam Trung Bộ, mesup harei kabroi di ban sit Nha Trang, Thủ tướng Nguyễn Tấn Dũng song kapul ngak bruk di rajaei hu var ngak bruk song dom urang dang akaok tỉnh Khánh Hòa ka bruk patagok KTXH song bruk pacang caga pandiak bhang di palei pala. Thủ tướng Nguyễn Tấn Dũng song dom urang dang akaok dom mintri, dom gah di TƯ hu pasang iek, langyah dom panuac caong di Khánh Hòa pagam tal pok jien dong bruk pacang caga pandiak bhang, dong pajaih ka urang nong njauk khat lihik kayua pandiak bhang, dong 1000 tấn brah ka urang gaok kan kandah. 

2/ Harei 14/4, kapul ngak bruk di mban kinh tế TƯ kayua ong Vương Đình Huệ - akaok ban ba akaok hu var ngak bruk saong tỉnh ủy tỉnh Cao Bằng. Akaok mban kinh tế TƯ Vương Đình Huệ taong yaom glaong dom kham merat jeng yau dom bruk bo tỉnh Cao Bằng ngak hu dalam tukvak tapa. Ong ndom lac: yaom lac tỉnh taphia negar daok ralo kan kandah min Cao Bằng ngak hu rilo bruk yau kinh tế patagok labaih 9% sa thun, jien mek tame thun 2014 ralo jang 3 mbang duk saong thun 2009, abih tih jien mek tame gah xuất nhập khẩu tapa tỉnh ralo jang 30,9% sa thun. 

3/ Di HN, mintri Lao động - Thương binh song Xã hội pambuak bruk song kapul patagok Đức (GIZ) peih nyaom biai mbang ka 2 kapul pambuak talei an sinh xã hội song patrun kan kathaot ngan song kadha: Patagok an sinh xã hội dalam ASEAN song bruk hu mbaok di VN. Dom urang dalam nyaom biai hu khan brei gauk thau dom asar kadha prong, jalan peih ngak Tuyên bố ASEAN ka bruk an sinh xã hội, dut song sarak di VN, rik panuac tame dự thảo, jalan ngak di khu vực, brei thau cambaih laih bruk ngak di dom jabat pagam tal bruk an sinh XH, pabak dom khau tin ka dom bruk ngak, dom sarak pambuak tal an sinh xã hội dalam tuk vak tapa.  

4/ Di ban raya HCM, mintri công an hu var pathau khan saong UB dom bruk XH di QH ka bruk peih ngak danak dak bruk ngak pakat negar pacang cakak ma túy tukvak 2011 – 2015 saong ba tabiak jalan ngak ka tukvak patui di nan. Tui harak pathau khan di mintri công an, bruk peih ngak danak dak cai nghiện saong khik iek hadei di cai nghiện, patrun dom xã phường ban sit hu ma túy mek hu dom siam lagaih min oh ka glaong. Njauk meyai nan lac, langiu bruk hu rilo urang nghiện ye menuac nghiện ma túy jeng đa dạng jang, dalam nan hu anek saih, sinh viên, người mẫu, VĐV, trí thức… Janih ma túy hu pandar jeng hu rilo janih jang yau: heroin, ma túy tổng hợp, jru phiện, cần sa...

5/ Tui Sở pato megru tỉnh Lào Cai, kuhria tal harei ni, dalam tỉnh hu labaih 6.000 thí sinh tut angan tame pakacah tốt nghiệp Trung học phổ thông pakat negar thun  2015. Tui nan 2.999 thí sinh hu pakacah di cụm thi liên tỉnh di sang bac  Đại học Hùng Vương, tỉnh Phú Thọ piah xét công nhận tốt nghiệp THPT song tuyển sinh tame đại học, cao đẳng; labaih 3.000 thí sinh dok veik hu pakacah di 10 labik dok di 9 huyện, ban sit piah xét công nhận tốt nghiệp THPT. Tong abih anek saih tal 12 khối THPT dok dalam tỉnh hu tut angan tame pakacah. Dom thí sinh tự do meda tut angan tal abih harei 30/4/2015

6/ Mintri pato megru barau jao ka sang bac Huế dang akaok sa dalam 38 cụm pakacah liên tỉnh brei ka anek saih di 3 tỉnh nan lac Quảng Bình, Quảng Trị saong Thừa  Thiên-Huế. Tui nan, hu jaik 40.000 anek saih hu mbaok tame mbang pakacah THPT pakat negar – cụm pakacah Huế. Kuhria ka mbang pakacah ini, meng akaok bilan 3, gah pato megru dom tỉnh, ban hu peih quy chế kuhria ka mbang pakacah THPT pakat negar 2015. 

7/ Rilo boh sang labik jalan pasei di hẻm 268 bis jalan Lý Thái Tổ, Phường 1, Quận 3, ban raya Hồ Chí Minh ka oh abih huac, nduac gah ni gah deih tuk sa boh sang kayau njauk pui mbang khuak. Tuk 12 tuk calal pandiak, rilo urang mboh suak par tagok meng boh sang 268/200 di labik ni, jeng ba gauk preo tagok. Yaok pluh bình padam khuak hu ba mai dong padam apui. Taduan hu panuac khan, gah pacang caga apui khuak Quận 3 hu ba 3 radeih chuyên dụng samar hu mbaok di labik njauk apui khuak. Hadei di nan pui hu padam chip, ohcaik ka nyu pambak tal dom labik jiak tapen. Manak camereip di abih kayua po sang tanek mbang piah ka pui mbang khuak.

Patui di ini dom khau tin dunya:

8/Thủ tướng Nhật Bản Xin-zô A-bê barau hu mbang taduan rok Phó Tổng thống Bô-li-vi-a An-va-rô Ga-xi-a Li-nê-ra di ban ine Tôkyô, Nhật Bản. Dalam var ngak bruk di jabat thủ tướng, dua urang dang akaok njauk gauk brei patagok talei pambuak bruk kinh tế dua gah, abih di nyu nan lac dalam gah đầu tư. 

9/ Dom chuyên gia y tế TQ kuhria mboh lac menuac metai kayua ung thư di taneh ia ini patagok dalam 20 thun tal. Sa ruah duah y tế di pasak đăng kí ung thư TQ brei thau, jaik 3,3 triệu bhap bini taneh ia ini hu chuẩn đoán ung thư thun 2011 saong 70% dom urang nan metai. Jeng tui rauh duah ini, dalam labaih 10 thun tapa, dom urang njauk ruak ung thư saong metai kayua janih ruak ini di TQ hu patagok biak ralo./.