1# Harei ini (15/6), mbang nyaom ka 9, Quốc hội mbang 13 yam tapa adit ngak bruk ka 5. Ala bruk dang akaok mbang nyaom di Phó akaok Quốc hội Uông Chu Lưu, Quốc hội caik sa harei pataom tame ginum biai dự án Bộ luật tố tụng dân sự (pasiam veik ). 

2/ Melam 14/6, di HN, ban tacei jalan pakat negar jak ba brei darah halan hatian hu peih “mbang pok meyaom urang brei darah hadah krah VN thun 2015”. Hu 100 urang hadah krah dalam negar hu pok meyaom thun ini. Ong Trần Nguyên Hòa daok di ban raya HCM hu 74 mbang brei darah klah rabha: drei saneng lac dom tanjoh drah ba tal labik urang caong piah urang iek ruak. Tok di saneng yau nan rup dahlak mboh sambai ye, oh saneng hagait tra”.

3# Harei kabroi (14/6), mintri Giao thông Vận tải pambuak bruk saong 2 tỉnh Khánh Hòa saong Đắc Lắc peih bruk động thổ Dự án đầu tư padang ngak canah jalan plaih thị xã Ninh Hòa saong ramik pasiam canah jalan roya 26, canah tapa 2 tỉnh Khánh Hòa saong Đắk Lắk tui bruk hợp đồng padang ngak, pablei salih, jao brei (BOT). Dự án hu jien buh tame abih tih jaik 860 tỷ đồng, kayua  Công ty Cổ phần Đầu tư saong Xây dựng 501- Tổng Công ty Xây dựng Công trình Giao thông 5 đầu tư. Ttukvak ba tbiak  dự án hu parabha jeng 2 tukvak meng ini tal puac thun 2020.

4/ Peih ngak sarak 48 di thủ tướng rajaei ka sarak daong baoh sang kan kathaot padang ngak duk daok, nyaik ia sua labik bhum kreh negar tukvak meng thun 2014 tal thun 2016, tỉnh Quảng Trị hu labaih 3.200 baoh sang caong hu daong sang daok. Gilang pariak sarak karja tỉnh ini hu jao bruk brei mesraiy tapa dom pakat hội kapul nyaom, yaok baoh sang mesraiy hu 15 triệu đồng dalam 10 thun, laba 3% sa thun.

5# Page Harei 14/6,  ban raya hu peih pakak trang thông tin ban raya Hồ Chí Minh di Cổng thông tin điện tử  rajaei. Meng di ini, Trang thông tin điện tử ban raya Hồ Chí Minh jeng sa jalan  pathau khan  đối nội, đối ngoại ka ban raya Hồ Chí Minh. Bhapbini jeng meda truy cập  trang thông tin ini angaok  Internet meng dom angan miền:  tphcm.chinhphu.vn; tphcm.vn; hochiminhcity.vn

6/ Blai thú y huyện Bình Tân, tỉnh Vĩnh Long harei kabroi 14/6 hu pambuak bruk saong gah khik iek darak pasar tỉnh cap hu 3 mbang njuk ia tame 34 drei pabui dahlau di tuk sik ngak ralo di palei Thành Phú, xã Thành Lợi, huyện Bình Tân.

7# Tui Sở ngak nong saong patagok palei pala tỉnh Bạc Liêu,  tal tukvak ini, dalam tỉnh tok trun pajaih hu labaih 40.000ha padai vụ Hè Thu, hu 70% duk saong bruk ba tabiak saong suai jang jaik 2 adit duk saong dom bilan ini thun dahlau. Urak ini daok jaik 16.000 ha oh hut run pajaih kayua tanut ia di dom canah kênh trun bair oh ginup bơm tame duh ka bruk pala drak. Taphia bruk kurang ia, rilo taneh trun pajaih sớm jeng gaok khat lahik kayua njaom phèn saong pandiak bhang.

Patui di ini dom khau tin dunya:

8/ Bruk ginum meyai barau abih di Hy Lạp saong kapul po sraiy hu tamat di Brussels harei 13/6 bo oh hu thỏa thuận halei ba tabiak. Gah EU khan brei thau bruk taom gaok njauk padeih veik kayua dua gah hu dom srau kadau biak khang. Bruk kan kandah yau urak ini daok mbuan ngak ka Hy Lạp pacah srai.  Tui kuhria ye harei 30/6 tal, Hy Lạp njauk bayar sraiy 1,6 tỷ euro ka IMF saong meyah oh hu yaom daong 7,2 tỷ euro meng châu Âu, taneh ia ini oh hu jien bayar.

9# Truyền thông Vê-nê-xu-ê-la harei kabroi (14/6) brei thau, cố vấn ka Ngoại trưởng Mỹ ông Thô-mát Shan-nôn (Thomas Shannon) barau hum bang taom gaok  akaok Quốc hội Vê-nê-xu-ê-la ông Đi-ốt-đa-đô Ca-ben-lô (Diosdado Cabello). Mbang taom gaok dui atah labaih sa tuk meteh hu maong lac kadha siam dalam talei pambuak bruk di dua taneh ia, meng dahlau laik tame bruk jhak abih rilo thun tapa.

10/ Truyền thông Séc harei 14/6 brei thau, bruk trừng phạt tame Nga hu dui atah tal abih thun ini. Tui nan, urak ini hu jalan palih ruah pambuak tal dom mbang trừng phạt Nga, tui kuhria hu hội đồng châu Âu ginum meyai di puac bilan 6 ini saong khả năng dui atah dom mbang trừng phạt tal puac thun ini./.