1/ Datuan panuac daa di Thủ tướng Rajaei Nhật Bản Shinzo Abe (Sin-dô A-bê), harei ni (15/9), Tổng Bí thư Nguyễn Phú Trọng nao rivang Nhật Bản dalam 4 harei. Dalam mbang nao rivang ni, Tổng Bí thư Nguyễn Phú Trọng hu tom gaok ginum biai haong patao japon, Thủ tướng Sin-dô A-bê, urang dang akaok QH Japon, taom gaok dom DN, dom đảng phái di Japon. Tapa nan piah jhul pakhang tong abih janih song ngak brei dalam jang talei pambuak bruk di VN song Japon kayua siam mekre salamad di Châu Á, patagok bruk jia tame gauk, jhul patagok bruk KT dalam khu vực song dunya.

2/ Harei kabroi 14/9, thủ tướng Nguyễn tấn Dũng saong kapul pakat glaong rajaei taneh ia drei tabiak truh ban ine Viêng Chăn saong mai tal HN, tamat siam mekre mbang nao rivang, ngak bruk dua harei di Lào. Dahlau di nan, tuk daok rivang, ngak bruk di Lào, thủ tướng Nguyễn tấn Dũng hu taom gaok dom doanh nghiệp VN daok ngak mbang di Lào. Tapa nan, thủ tướng Nguyễn tấn Dũng hu maong iek bruk tut angan tame harak pambuak bruk mesraiy labaih 200 triệu USD ka dự án thủy điện Nậm Mô saong harak pambuak bruk  bảo hiểm ka dự án ini.

3/Beir harei 14/9 Phó akaok negar Nguyễn Thị Doan, akaok hội đồng dong brei kadung jien uranaih VN hu nao tal tỉnh Hậu Giang jao pok jien bac “Nao bac haong adei” ka 130 uranaih hu rai duik kan kandah dok dalam tỉnh, yaok pok jien yaom 2 triệu đồng. Jeng dalam mbang ni, kadung jien dong ka uranaih kamei hu rai duik kan kandah hu jao 10 pok jien bac, yaok pok yaom 2 triệu 700 ribau đồng ka dom anek saih hu rai duik kan kandah dok dalam tỉnh.

4/ Dom puk palei brei paglaong pren khang, pasang iek dom jalan ngak, peih ngak khang dom jalan ngak piah pacang cakak biến đổi khí hậu saong bala langik tasik dak harei dak ralo”. Nan lac panuac pandar di phaok thủ tướng rajaei Hoàng Trung Hải di nyaom meyai tapak bac megru ilamu ka bruk pacang cakak bala 8 bilan di thun 2015; peih tabiak jalan ngak dom bilan puac thun di mban tacei jalan TƯ ka bruk pacang cakak bala saong UB pakat negar ruah duah daong urang njauk bala rah tabiak mesup harei 14/9 di HN.

       5/ Harei kabroi 14/9 di HN, Ủy ban Trung ương Mặt trận negar Việt Nam peih nyaom biai dom Hội đồng tư vấn song dom kapul thành viên brei panuac ka dự thảo hukum hình sự (pasiam veik). Dom urang hu mbaok di nyaom biai mboh lac:  Dự thảo hukum hình sự (pasiam veik) hu ba tabiak dom quy định bahrau piah lagaih haong dunya, tui jalan ngak pahla, tantu, salih bahrau. Min brei pasang iek dom quy định ni piah lagaih song bruk di taneh ia, khik bruk nghiêm minh di hukum, khik caga trật tự xã hội.

 6/ Dalam 5 thun tapa (2011 – 2015), gah thanh tra hu patagok bruk tacei pato, điều hành khik iek pataom tame dom bruk daok ngak ka urang mboh pandik hatai, hu bhap bini sangka. Tapa pasang iek, mboh ngak suan gah kinh tế labaih 200 ribau tỷ đồng. Nan lac asal kadha hu thanh tra rajaei ndom tal di mbang họp báo tuk pahadar 70 thun truyền thống thanh tra VN rah tabiak biar harei kabroi 14/9 di HN.

7/ Meng akaok thun tal ni, di ban sit Cần Thơ hu 476 urang ruak tangin takaicambuai, oh hu urang halei metai, trun 238 urang dut song tuk vak ni thun dahlau. Yaom lac ruak tangin takai cambuai nyu trun dut song tuk vak ni thun dahlau, min anak bruk kan kandah di ruak gam song tuk vak tabung glong di jit ruak. Ong Trần Văn Tuấn – Trưởng Khoa pasang iek jit ruak  song Vaccin sinh phẩm, Pasak Y tế dự phòng ban sit Cần Thơ, lac

Oh chủ quan, drei daok tui iek song pathau khan ka tong abih sang bac. Ka sa nan lac  tong bih anai bảo mẫu; drei brei ka urang thau ka jalan pacang caga ruak tangin takai cambuai, tuk taom gaok anek saih brei tui iek pren yava, yaok adit sang bac brei pruh Chloramine B, puh ramik sang papan bac, pandap main di anek naih.

Patui di ini dom khau tin dunya:

8/ Thủ tướng Anh Đa-vít Ca-mê-rôn harei kabroi 14/9 hu nao tal ban ine Bây-rút di Libăng piah rivang dom urang tị nạn Xyri daok di taneh ia ini. Truyền thông Libăng brei thau, thủ tướng Anh hu nao rivang dom trại tị nạn di urang Xyri gam saong thủ tướng Libăng. Libăng lac taneh ia daok taduan mek dom urang tị nạn ralo di abih dunya kuhria tui akaok menuac. Di Libăng, dalam 4 urang ye hu sa urang lac urang tị nạn. Urak ini Libăng daok ieu dom taneh ia karei klah rabha naong trak ka bruk taduan urang tị nạn Xyri.

9/ Tổng thống Pháp Phrăng-xoa Ô-lăng (Francois Hollande) daok hu panuac ieu patagok bruk tui iek jalan tapen negar di dom negar Nam Âu piah khik caga dom jalan tapen negar di Châu Âu dalam tuk urang nhập cư dok tuh mai ni. Panuac di Tổng thống Pháp hu batabiak sa harei hadei di tuk Đức ba tame pandar veik dom bruk khik caga jalan tapen negar gah merong di negar Đức song negar Áo piah pacang cakak bruk urang nhập cư dok tagok khang dalam tuk vak tapa.

10/ Cảnh sát Ấn Độ barau brei thau, harei kabroi 14/9 hu sa sruh radaih tải tablek di mban An-đra Pra-đét gah meraong taneh ia ini, ngak takik di abih 16 urang metai saong rilo urang karei njauk rambuah. Sruh radaih ini tablek di labik Gan-đe-pa-li dalam huyện  Gô-da-va-ri, mban An-đra Pra-đét di mesup harei 14/9 tui mong puk palei. Urang metai ralo meng lac urang ngak nông. Makna rah tabiak bala ini kayua urang peih radaih ndih var dalam tuk peih radaih. Hadei di tuk rah tabiak bala, urang peih radaih nduac truh labik nan./.