1# Gilang pariak karja brei thau, harei ini 1/6, daok peih jien brei mesraiy daong sang daok di gilang pariak haong dom hợp đồng tín dụng hu mbaoh tangin bloh dahlau harei 31/3/2016 .  Hadei di nan, tuk taduan hu tacei pato di Thủ tướng rajaei, gilang pariak karja meda hu harak tacei pato ka bruk dui atah tukvak brei phun jien mesraiy payua dom gilang pariak thương mại piah peih ngak.

2/ Harei 31/5, chi cục khik iek chất lượng kaya nông, kaya glai saong kaya ikan tỉnh Vĩnh Phúc hu pambuak bruk saong jabat ngak nông saong patagok palei pala huyện Tam Dương, peih nyaom meyai brei thau ka hukum saong mbaoh tangin sanya oh pandar janih oh brei pandar dalam bruk raong glang ka dom po trang trại  raong glang, baoh sang pablei salih jru thú y saong pandap mbang raong glang dalam huyện. Di nyaom meyai, 70 po trang trại raong glang, baoh sang pablei salih jru thú y saong pandap mbang raong glang hu mbaoh tangin sanya oh pablei salih saong pandar janih oh brei pandar dalam bruk raong glang.  

3# Urak ini, di Đắc Lắc hu hajan, urang nong daok caga tame bilan pala drak barau, darak pasal pajaih  phun pala biak chreih chrai. Dalam tuk nan, bruk khik ramik di karja ka gah ini daok tavak tavaiy, urang nong njauk caik hatai tuk pilih ruah pajaih phun pala. Ông Nguyễn Huy Phát – akaok Chi cục pala drak saong khik caga phun pala tỉnh Đắc Lắc brei thau, bruk khik ramik pala drak saong pablei salih pajaih phun pala gaok rilo kan kandah, oh ka tani tanat, urang nong njauk caik hatai tuk pilih ruah blei pajaih phun pala. “Urak ini bruk khik ramik oh ka siam mekre. Urang nong kol dahlak caong blei di dom labik di karja, pagap ye Viện alamu kỹ thuật Nông lâm nghiệp Tây Nguyên, pasak pajaijh phun pala atau dom đại lý praong hu angan; trun tal tanut bair di abih bruk blei di dom labik oh thau cambaih.”

4/ Ban Đà Nẵng oh pandar dom blang kraong, danao tự nhiên piah pato calui ka uranaih dalam tuk hè bo pachreih xã hội hóa piah padang ngak dom bể calui di ralo labik karei di gauk. Ong Nguyễn Đình Vĩnh, Giám đốc Sở pato megru ban Đà Nẵng brei thau, bilan hè thun ini, gah pato megru ban Đà Nẵng hu peih danak dak “sang bac mở”, nan lac taong abih dom pakat bac, oh lac pakat bac mầm non jeng hu peih pabah mbang sang bac, peih pabah mbang gilang tapuk, sang pakacah thể thao piah duh ka anek saih saong bhap bini dalam bhum: “Kol dahlak caong khin, thun bac ini, bruk padang sa sang bac biak siam mekre dalam hatai bhap bini, daong dom adei anek saih hu dom ilamu karei langiu bac akhar huroh. Bilan hè ngan saong dom adei anek saih brei sambai, hu kein lagaih”.

5# Bair harei 31/5, Hội Ung thư Việt Nam saong công ty CVI peih bruk bui sambai Tết uranaih 1/6 ka dom adei ruak ung thư daok ndih iek ruak di sang iek ruak Ung bướu ban raya Hồ Chí Minh. Ngan saong kadha “ brei adei dom cambuai klao”, danakdak daoh tabmia ka uranaih ung thư hu rilo kadha daoh tamia, hài kịch di kapul hài Chuồn chuồn giấy, Quán quân Bước nhảy hoàn vũ 2014 Linh Hoa, MC Ốc Thanh Vân. Biak rilo uranaih hu amaik ame pok mai maong, hu adei jeng daok ba tui kadung dịch truyền di tangin. Tapa nan, mban peih ngak hu alin 150 paok pandap ka dom adei. Giáo sư, bác sĩ Nguyễn Chấn Hùng, akaok kapul Ung thư Việt Nam brei thau : “Anit dom adei lo. Dom adei pandik bo amaik ame kloh hatung. Iek ruak ka dom adei ung thư daok glaih rilo jang urang praong kayua rilo meng “di truyen” yau nan ye kan si iek ruak. Min dak harei bruk iek ruak dak siam jang. Thei ndom lac klak lac suan. Njauk iek ruak kayua nan lac anek menuac.

6/ Urak ini, ralo taneh pala  amriah kalu di dom huyện Sông Hinh, Tây Hòa, Phú Hòa tỉnh Phú Yên metai. Bruk amriah kalu metai rah tabiak jaik 3 bilan ini mai, tuk camereip gha phun nyu bruk juk, hala druh saong metai phun. Gam sa triệu chứng ruak, ralo taneh amriah kalu di huyện Sông Hinh njauk buac klak yaom lac daok jaik sa bilan tra  tame bilan paik mek asar. Di xã Sông Hinh, huyện Sông Hinh hu 9 ha njauk ruak metai dalam abih tih taneh amriah kalu urak ini lac 30 ha. 

7# Melam 31/5, Ủy ban bhapbini tỉnh Bình Thuận  saong Công ty Cổ phần tư vấn – thương mại - dịch vụ Địa ốc Hoàng Quân hu peih bruk brei thau kết quả saong alin giải mbang pakacah ý tưởng quy hoạch pasak dịch vụ du lịch Hàm Tiến - Mũi Né. Giải xuất sắc brei ka Khoa Quy hoạch, sang bac Đại học Kiến trúc ban raya Hồ Chí Minh yaom jien giải thưởng 1 tỷ đồng. Dua giải khuyến khích, yaok giải 500 triệu đồng hu alin ka Công ty Việt Kiến Trúc saong Công ty IKI.

Patui di ini dom khau tin dunya:

8/ Urang dang akaok tổ chức dom taneh ia Châu Mỹ barau tabiak thông báo triệu tập sa mbang nyaom chip piah pasang iek bruk buh phiếu đình chỉ tư cách thành viên di Vê-nê-xuê-la dalam Tổ chức ini. Mbang nyaom di hội đồng thường trực OAS rah tabiak di kreih bilan 6 tal piah pasang iek pandar dom điều khoản pacang veik rajaei Vê-nê-xuê-la.

9# Dalam dom harei meng 30/5 tal 1/6, di ban ine Mát-xcơ-va (Moskva), LB Nga rah tabiak Diễn đàn dunya mbang yaka 8 ka năng lượng nguyên tử A-tô-mếch-pô“(Atomexpo 2016”), hu mbaok yaok rabau tuai dunya mai meng rilo taneh ia. Pataom tame Diễn đàn, dom urang dang akaok dunya dalam gah năng lượng nguyên tử  meda ginum biai dom alamu barau, jalan taom gaok barau, dom tavak tavaiy di darak pasal năng lượng, barei thau jalan patagok gah công nghiệp nguyên tử piah khik caga patagok kinh tế - xã hội cân bằng di taneh ia ...

10/ Tổng thống barau đắc cử di Phi-lip-pin, ong Rô-đri-gô Đu-tơ-tê harei 31/5 hu brei thau angan dom urang dalam rajaei barau, sa harei hadei di tuk QH taneh ia ini brei thau ong lac urang jayah dalam bruk bầu cử tổng thống harei 9/5 meng bloh./.