1/ Tal tuk vak ni hu 9 tỉnh Tuyên Quang, Nghệ An, Lào Cai, Quảng Trị, Yên Bái, Hà Nam, Nam Định, Cao Bằng song Quảng Bình hu pok panuac tagok rajaei daong brah pacang eik lipa ka bhap bini tuk tết nguyên đán anek sak kara 2016. Brah bo 9 tỉnh pok panuac likau dong lac labaih 8 ribau 900 tấn, piah brei ka jiak 600 ribau urang iek lipa dalam tuk tết ni. Akaok mintri Lao động Thương binh song Xã hội Phạm Thị Hải Chuyền brei thau, Mintri dok samar pok tagok rajaei dong brei brah ka dom tỉnh nan, tui jalan njauk urang njauk tuk vak. Dalam XH dok dom boh sang kan kathaot, meda  kurang pandap mbang dalam dom harei tết. Kayua yau nan ye  yau dom thun dahlau, tui bruk tacei ba di Đảng song karja lac oh caik ka sang halei oh hu mbang tết, khol hulin hu pathau khan  rajaei dong ba brah ka dom boh sang kan piah mbang tết n. Njauk  ngak yau habar pok brah ni tal tangin bhap bini dahlau tết.

2/ Liên đoàn Lao động, Bộ Chỉ huy Bộ đội Biên phòng tỉnh Phú Yên barau peih bruk alin hadiah 1000 hala dok negar ka dom urang taong cap ikan daok di 4 huyện, ban sit, ban praong di tỉnh Phú Yên nan lac: ban sit Tuy Hòa, ban sit Sông Cầu, huyện Tuy An saong huyện Đông Hòa. Dom urang taong cap ikan hu alin hadiah dok nan lac dom urang hu kapal gaiy gilai bhian hu mbaok tame taong cap kaya ikan di Hoàng Sa, Trường Sa di VN.

3/ Hadei di jiak 1 thun samar  ngak, urak ni, danak dak Cáp treo labik inem krung  ceik Chứa Chan, huyện Xuân Lộc, tỉnh Đồng Nai  atah 1,3 km, ngak abih labaih 300 tỷ đồng hu ngak salah bloh dom hạng mục. Ni lac danak dak prong di huyện hu padang ngak dalam thun 2015 song hu ba tabiak dahlau di thun bahrau anek sak kara 2016 piah salam uan 86 thun harei padang Đảng cộng sản Việt Nam (3/2/1930 – 3/2/2016).

4/ Harei 15/1, mban An toàn jalan mbak ban raya HCM peih bruk tabiak mbaok pachreih tui thun an toàn jalan mbak saong tabung glaong tết anek sak kara 2016, hu mbaok di labaih 2000 urang. Di mbang peih bruk, lambaok dom đơn vị gah jalan mbak, dom hiệp hội pajeng ba saong taxi, pasak khik iek saong điều hành pajeng ba tuai công cộng ban raya HCM, lambaok dom tổ chức chính trị, kapul nyaom hu mbaoh tangin sanya ngak tui quy định hukum ka an toàn jalan mbak.

5/ Meng thun 2005 mbiah tal ni, tình Trà Vinh hu 117.754 boh sang urang bangsa takik kan kathaot hu mesraiy jien labaih 819 tỷ đồng. Dalam nan bruk dong  hu pataom tame dom nyaom ngak nong pablei salih, taneh dok, sang dok, pato bruk ngak , ba urang nao ngak bruk di negar langiu, song dom nyaom karei karei. Tapa nan dom boh sang pandar  jien mesraiy hu kein laba tagok tal 50.285 boh sang, boh sang yam tapa kan kathaot lac 15.142 boh sang

6/ Nhà xuất bản trẻ saong baoh sang học giả Ngạc Xuyên Ca Văn Thỉnh  barau tabiak mbaok  tập tapuk “taneh saong urang Nam bộ”. Baoh tapuk hu 14 kadha vak kayua học giả Ca Văn Thỉnh vak, lang, roh duah ka  Nam bộ klak, baoh tapuk yaih khan tal urang puac dom gheih mekre di cổ học nam bộ jeng yau hatung hatian di tác giả dalam bruk khik, patagok ilamu meng kan di bangsa.

7/ Tết di urang Mong hu padang ngak veik dalam danak dak ““Tết Mông trun jalan” hu rah tabiak di harei page 17/1 di sang bac ĐH Văn hóa Hà Nội. Tuai damuai  mai  ni hu mong iek tapak tết Mong song hu mbaok tame dom bruk main bhap bini, song mbang dom janih pandap meng kan, ba drei tame   ilamu hadah mekre  ginup sambo tuk xuân mai tal. Bruk njauk caik hatai dalam danak dak meda hu Talkshow: Ma  dalam lễ Tết di urang Mông, pakacah gauk jhul gai, glum pao 

Patui di ini dom khau tin dunya:

8/ Anak bruk  khủng bố rah tabiak harei 14/1 di ban ineJakarta, Indonesia, urang brei panuac mintri ngoại giao VN Lê Hải Bình ndom lac: “VN lên án bruk khủng bố harei 14/1 di ban ine Jakarta, Indonesia ngak ka ralo urang metai saong njauk rambuac. Kol dahlak likau payua panuac klah rabha tal rajaei Indonesia saong baoh sang dom urang njauk bala saong jia lac kol tấn công nan njauk trừng trị khang.

9/ Kapul ngak bruk di mintri ngak nong song patagok palei pala dok nao rivang song ngak bruk di negar Thái Lan, piah ngak tui tacei pato di thủ tướng rajaei ka bruk padang Kapul pambuak bruk Việt Nam - Thái-lan piah patrun saong pacang bruk tong chap ikan suan adat song peih ngak dom kadha pambuak bruk ngak nong song kaya ikan hong Thái Lan./.

10/ Tổng thống Nga V.Pu-tin ndom lac, Nga patagok hu vac-xin pacang cakak vi-rút E-bô-la, janih ruak nguy hiểm ngak ka labaih 11 ribau urang  metai di  Tây Phi meng thun 2014 tal urak ini./.