1#  Ủy ban bhapbini tỉnh Thừa Thiên - Huế barau peih bruk  pok meyaom  saong brei thau Quyết định di akaok taneh ia alin angan  “Nghệ nhân ưu tú” dalam gah inem krung ilimo phi vật thể mbang  1  ka 8 urang dalam tỉnh. Ini lac dom  urang hu rik daong khik ramik saong patagok inem krung ilimo di bangsa .

2/ Peih ngak đề án patagok kinh tế - XH dom bangsa Mảng, La Hủ, Cống di tỉnh Lai Châu, tal urak ini, taong abih puk, palei hu chi bộ Đảng saong dom blai y tế jeng hu bác sĩ. Dalam 3 thun tapa, hu 12 dự án jalan mbak saong thủy lợi hu mbaoh tangin brei buh jien tame ngak, peih jien brei ngak hu labaih 96% bruk ba tabiak, 31 dự án hu buh brei meng phun jien karei. Taphia di nan, hu daong 1.175 sang daok ka baoh sang kan kathaot, 766 baoh sang hu ngak var ro, jaman… Tapa nan, rik daong pagaong bruk mbang ngui daok dang ka dom bangsa biak kan kandah dalam tỉnh.

3# Harei peih pakak saong ba tame pandar sang rông ilimo di palei Kon Biu (Tân Lập)  huyện Kon Rẫy, tỉnh Kon Tum barau hu peih ngak. Tui nan, sang raong ilimo palei Kon Biu hu  padang yau mengkan di bhapbini bangsa Xê Đăng, glaong labaih 18 mét; di angapok taneh praong  jaik 220m2, tui yaom jien abih tih labaih 100 triệu đồng saong jaik 200 harei ngak di mikva dalam palei. Meng bruk peih pakak saong ba tame pandar sang rông mengkan, bhapbini palei Kon Biu hu labik pataom bhapbini praong laneng saong hacih, mekre.

4/ Thun 2015, bhap bini dom xã taphia negar di tỉnh Đồng Tháp hu daong jaik 500 drei limo piah patagok kinh tế baoh sang, hu mbaok tame dom tal pasram megru saong daong pandap ngak mbang, pala drak. Tal urak ini, 8 xã taphia negar jeng hu jalan ô tô  tal pasak xã, baoh sang pandar điện hu labaih 99%, jaik 95% baoh sang pandar ia hacih, taong abih 8 blai y tế mek hu tanut chuẩn negar. Jien mek tame kuhria tui akaok menuac nan lac 20 triệu đồng sa thun, baoh sang kan kathaot di 8 xã taphia negar trun daok labaih 7%.

5# Harei pataom ilimo, padhih bhapbini Khmer tỉnh Vĩnh Long barau peih ngak di baha  Kỳ Son, xã Loan Mỹ, huyện Tam Bình, ngan saong rilo bruk ilimo, daoh tamia, mbang menyum, yau ye: Harei pataom nghệ thuật bhapbini Khmer; harei pkacah mbang menyum mengkan bhapbini Khmer; Hội thao Khmer ngan saong dom janih yau pakacah ghe tam bản likei, kumei; kéo co likei, kumei saong dom bruk mein mengkan : caoh menuk, caoh mbanh mù, cờ ốc…harei pataom hu peih ngak tuk Tết cổ truyền Chôl Chnăm Thmây di bhapbini Khmer.

6/ Dalam 5 thun tapa, tỉnh Bạc Liêu hu labaih 32.000 baoh sang tabiak truh kan kathaot, dalam nan hu 3.595 baoh sang bangsa takik patruh kan kathaot khang kajap. Amuk Trần Hồng Chiến, giám đốc sở lao động, thương binh saong XH tỉnh brei thau: hu yau nan njauk ndom tal bruk rik daong biak praong di urang jakar, urang đảng, dom sở, ban, ngành, puk aplei saong dom doanh nghiệp hu tỉnh brei taduan daong. Taphia di nan, pablak ralo danak dak bruk ngak negar daong ka baoh sang kan kathaot, piah daong palagaih abih ka baoh sang kan kathaot patagok khang kajap. 

Khaw tin dunya

7# jabat lambaok gah pablei salih Mỹ brei thau, Trung Quốc njauk hatai brei klak dom bruk daong yaom pablei pandap tabiak taneh ia langiu ba tal tranh cãingan saong  rilo pandap pablei tabiak taneh ia langiu di taneh ia ini meng ống thép, nhôm, pandap ngak nong tal dom pandap jhik. Jabat lambaok gah pablei salih Mỹ brei thau, tui thỏa thuận hu mbaoh tangin di Mỹ saong Trung Quốc di  Oa-sinh-tơn, Trung Quốc njauk hatai brei padheih bruk daong yaom pablei pandap tabiak taneh ia langiu ka dom công ty di Trung Quốc dalam 7 janih ngak .

8/ Thủ tướng Thổ Nhĩ Kỳ A-mét Đa-vu-tô-glu hu panuac pachreih dom urang dang akaok dom taneh ia Islam patagok bruk pachreih tui Palextin. Ong lac, kol drei brei daong  gauk piah mek hu bruk tư do ka Palextin saong piah padang karja Palextin saong đông Jê-ru-sa-lem lac ban ine.

9# Tổng thống Pháp Francois Hollande hu panuac lac, ông oh tabiak tranh cử Tổng thống di thun 2017 meyah  bruk taht61 nghiệp di Pháp oh trun. Panuac nan hu ông Hollande  ba tabiak di var “ndom biai haong bhapbini ” atah 90 minit hu peih tapak di kênh papar binguk France2 ,  harei 14/4./.