1 # pak Jabat Trung ương Đảng, Tổng Bí thư Nguyễn Phú Trọng hu taduan raok Tổng thống Cộng hòa Bô-li-va-ri-a-na Vê-nê-xu-ê-la, akaok Đảng Xã hội Chủ nghĩa Thống nhất Vê-nê-xu-ê-la Ni-cô-lát Ma-đu-rô Mô-rốt daok rivang saong ngak bruk pak Việt Nam tui panuac daa di akaok negar Trương Tấn Sang. Tổng Bí thư Nguyễn Phú Trọng khang panuac lac, Đảng saong karja Việt Nam tuk halei jeng iek prong talei pambuak bruk nao mai haong Vê-nê-xu-ê-la.

2/ Thủ tướng rajaei barau hu chỉ thị ka bruk patagok bruk pandar, lai, pablei xăng sinh học ngak tui quyết định 53/2012/QĐ-TTg harei 22/11/2012 di thủ tướng rajaei patabiak jalan pandar tỷ lệ lai xang sinh học saong xăng dahlau deih. Ngak tui quyết định ini, dom mintri, ngành, puk palei daok kham merat dak padang, pasang iek saong patabiak dom văn bản quy phạm hukum ka xăng menyek, patagok bruk khik iek karja saong điều hành darak xăng menyek; dom đầu mối pablei salih xăng menyek kham merat peih bruk lai saong pablei xăng sinh học, rik daong tame bruk khik caga môi trường, an ninh năng lượng negar saong pasiam rai diuk ka urang nong.

3 # Pahadar 70 thun harei negar (2/9/1945-2/9/2015), labik kreik guk Sông Cái, Bác Ái, Ninh Thuận bahrau peih bruk brei thau Quyết định đặc xá di akaok negar brei ka 184 urang guk daok pak ini. Mbang ini  urang njauk guk hu đặc xá ralo abih kuhria meng dahlau mai pak Ninh Thuận. Taphia di bruk kuhria caga ka lễ đặc xá, labik kreik guk Sông Cái daok peih tal bac piah pato ka urang guk paglaong hatai saneng, thau cambaih dom ilamo cơ bản ka quyền lợi saong nghĩa vụ di urang ngak siam dalam tuk daok guk. Taphia di nan khan brei thau ka hukum đặc xá saong ilamu diuk rai karei hadei di tuk tái hòa nhập cộng đồng, pachreih dom urang njauk guk gilac veik jalan diuk rai siam mekre, hu kein ka xã hội.

4/ Di sang guk công an tỉnh Bình Thuận jeng barau peih bruk brei thau quyết định đặc xá di akaok negar brei ka dom urang njauk guk di trại. Tui quyết định di akaok negar, dalam mbang đặc xá ini, dalam taneh ia hu labaih 18 ribau urang guk hu đặc xá tabiak gut dahlau tukvak. Dalam nan, sang guk công an tỉnh Bình Thuận hu 27 urang guk hu mbang tui sarak ini.

5 #  Pak tỉnh Đắc Lắc rah tabiak ralo bruk ngak ilamo, padhih ndung bak ilamo bangsa di puk palei tukvak pahadar 70 thun Harei negar 2/9. Di pasak Ilamo tỉnh, rah tabiak danak dak daoh tamia biak karei saong peih chiếu phim ka đề tài cách mạng pak Hưng Đạo, bal Buôn Ma Thuột. Ong Y Kô Niê, Phaok akaok phòng Nghiệp vụ Ilamo, padhih saong rivang ma-in tỉnh Đắc Lắc brei thau:“Gah ilamo jeng pambuak haong dom đơn vị, dom puk palei pak cơ sở piah peih ngak dom bruk salam uan harei 2/9. Dalam vaktu peih ngak ye mai puk palei dahlau di abih nan lac pathau khan brei thau meng meta mong dahlau nan sa bilan saong hadei di nan pandar dom huyện peih ngak dom bruk ngak ilamo daoh tamia paih salam uan harei ini”.

6/ Urak ini, di tỉnh Đồng Nai ruak pandiak tabiak drah daok tamuh khang, urang njom ruak mboh ralo di taong abih 11 huyện, ban sit. Anak bruk ini, gah y tế ĐN hu tacei pato pasak y tế dự phòng dom huyện, ban sit pachreih urang jakar, nhân viên, urang pambuak bruk y tế nao tal yaok baoh sang, labik sang trọ pathau khan, paglaong akaok saneng pacang cakak ruak, pruh jru hóa chất di dom xã, phường mbuan njauk ruak pandiak tabiak drah.

7  # Harei kabroi 31/8, Thành ủy, Hội đồng bhap bani, Ủy ban bhap bani, Ủy ban Mặt trận Negar Việt Nam bal raya Hồ Chí Minh bahrau peih bruk pahadar 70 thun Harei Cách mạng bilan 8 (19/8/1945-19/8/2015), harei negar Cộng hòa Xã hội Chủ nghĩa Việt Nam (2/9/1945-2/9/2015) saong taduan raok Huân chương Hồ Chí Minh. Pok panuac pak van ngak lễ, ong Lê Hoàng Quân, akaok Ủy ban bhap bani bal raya Hồ Chí Minh lac: “Pahadar 70 thun Cách mạng bilan 8 saong Harei negar Cộng hòa Xã hội Chủ nghĩa Việt Nam, yaok urang jakar, urang đảng jang yau yaok urang bol di bal raya Hồ Chí Minh abih hatai tabiak pren dak padang, pacang khik saong patagok bal raya anit ranam jeng sa bal hu jalan diuk rai siam mekre, bak hatai anit ranam gauk.”.

 8/ Meng harei ini 1/9, tuk nao iek ruak dalam harei padeih, harei lễ tết, bhap bini hu kuhria jien BHYT yau harei karei. Ini lac asal praong di thông tư liên tịch 16/2015/TTLT-BYT-BTC kayua dua mintri y tế saong jien padai patabiak ka bruk tacei pato peih ngak BHYT. Tui nan, dom labik y tế caong hu iek ruak dalam harei padeih, harei lễ tết piah pabak bruk iek ruak di urang ruak tok khan dahlau ka jabat BHYT piah urang ruak hu mbang tui BHYT; urang hu thẻ BHYT mai iek ruak hu kadung jien BHYT kuhria dalam phạm vi quyền lợi saong yaom mbang tui BHYT./.