1/ Mesup harei kabroi 18/1 di pasak Hội nghị Quốc gia Mỹ Đình, Hà Nội hadei di tuk peih pakak Pasak Báo chí nyaom roya Đảng XII, ong Đinh Thế Huynh, Ủy viên mintri Chính trị, Bí thư Trung ương Đảng, Trưởng ban Tuyên giáo Trung ương pan akaok  bruk họp báo, brei thau ka bruk peih nyaom roya pakat negar mbang 12 di Đảng Cộng sản Việt Nam, rah tabiak harei 21/1 di ban ine HN. Hu mbaok dalam nyaom orya mbang ni hu 1.510 urang, lambaok ka labaih 4,5 triệu urang đảng, dalam nan hu 1.300 urang hu palih ruah di nyaom orya đảng bộ di TƯ, hu 2 urang umo  labaih 70 thun song 2 urang urang  umo ala 30 thun, 99,9% urang hu trình độ đại học tagok.  

2/ Tuk tết anek sak kara thun ini, ban Đà Nẵng kaoh tabiak meng kadung jien karja labaih 31 tỷ đồng piah alin hadiah pandap ka labaih 95 ribau urang daok dalam sarak karja, urang hu buh pren yava ka cách mạng saong dom urang XH. Langiu di nan, ban Đà Nẵng daok peih brei 650 tấn brah daong labaih 43 ribau menuac, ngan saong yaom jien abih tih jaik 10 tỷ đồng.

3/ Palei M8 xã Vĩnh Hòa, huyện Vĩnh Thạnh, tỉnh Bình Định bahrau peih pakak sang ro6g bahrau, Sang rông prong labaih 200 m vuông, danieng ngak meng kayau, tabung kiak, geing meng bê tông cốt thép. Yaom jien ngak abih labaih 1 tỷ đồng meng phun jien dong tui nghị định 30 a di rajaei. Sang rông bahrau lac labik ka bhap bini dalam palei mai main taom gaok, dong khik ramik ilamu meng kan di bhap bini bana Kriêm Vĩnh Thạnh.

4/ Nyaom darak Xuân Phú yên thun 2016 barau peih tabiak melam harei 17/1, pachreih ralo bhap bini dalam tỉnh nao maong iek, blei pandar. Hu mbaok tame nyaom darak Xuân Phú Yên thun ini hu labaih 400 gain hàng di 130 doanh nghiệp, đơn vị ngak pandap pablei salih dalam saong langiu tỉnh. Dom pandap parang pablei di nyaom drak mbang ini ralo meng lac pandap pandar dalam sang, nội thất, thủ công mỹ nghệ, pandap mbang menyjm, har keo, hóa mỹ phẩm, pandap jhik, pajaih phun pala.

5/ Harei kabroi, UB bhap bini tỉnh Đắc Nông peih  họp báo brei thau ka bruk kuhrai caga tết anek sak kara 2016 ka urang kan kathaot song urang njauk jru klik kruac. Tal tuk vak ni, Mban tacei ba tết ka urang kan kathaot song urang njauk jru klik kruac tỉnh Đắc Nông song dom jabat đơn vị kapul nyaom puk palei jak ba hu labaih 11.300 pok pandap song jien, abih tih jiak 10 tỷ đồng.

6/ Di xã Tiến Hưng, ban sit Đồng Xoài, tỉnh Bình Phước, công ty cổ phần đầu tư saong pablei salih Thiên Hoàng Hà saong cty cổ phần đầu tư padang ngak xuất nhập khẩu Anh Đức hu peih bruk padang ngak sang iek ruak Đa khoa dunya Hoàng Long ngan saong yaom jien labaih 2.500 tỷ đồng. Sang iek ruak Đa Khoa dunya Hoàng Long hu padang ngak di taneh praong 39.400 m2, hu 11 tal, 450 gaiy ndih iek ruak, tui yaom jien buh tame abih tih labaih 2.525 tỷ đồng saong hu iek lac sa dalam dom sang iek ruak dang akaok dalam taneh ia.

7/ Jiak si tết, ban raya HCM bruk buôn lậu, bleik saleik dalam pablei salih dak harei dak kan kandah, gah khik ramik darak pasa ban raya HCM hu pasang iek jiak 300 mbang, dalam nan hu 235 mbang pablei pandap cấm, pandap lậu, pandap ja. Jien taong phat saong pandap cap mek yaom abih tih labaih 1 tỷ 200 triệu đồng. Og Nguyễn Văn Bách, Phó akaok Chi cục khik ramik darak pasa ban raya Hồ Chí Minh brei thau: Dalam tuk tết njauk sangka tal pandap mbang menyum rilo  yau har, kẹo, alak mbia jang yau dom pandap mbang karei karei. Ka 2 lac khol hulin tui iek bruk pablei salih pháo dom jani. Daok bruk hacih sa-at rilaow menuk ada, athur rong khol hulin tui iek jit kum menuk ada.

Patui di ini dom khau tin dunya:

8/ Harei ini 19/1, akaok negar TQ Tập Cận Bình hu nao rivang 3 taneh ia Trung Đông nan lac A rập xê út, Ai Cập saong Iran. Ini lac mbang akaok meti dalam 14 thun, urang dang akaok TQ nao rivang Iran saong lac mbang akaok meti dalam 12 thun nao rivang Ai Cập. Bruk nao rivang nan piah patagok talei pambuak bruk chính trị saong kinh tế di TQ saong dom taneh ia dalam khu vực.  

9/ Labaih 14 triệu urang dok dang anak bruk eik lipa dok di gah merong Châu phi kayua pandiak bhang dui atah. Dalam panuac khan hu batabiak harei ni, danak dak padai brah dunya brei thau, negar njauk trak di abih nan lac Malauy, hu 2 triệu 800 ribau urang samu 16% urang meda eik lipa kayua pandiak bhang dui atah. Patui di nan, Mađagatxca di Ấn Độ Dương, labik hu 1 triệu 900 ribau urang njauk eik lipa. Di Dimbabuê lac 1 triệu 500 ribau urang samu labaih 10% urang.

10/ Akaok negar Cuba Raun Caxtrô meda nao rivang Prang di harei 1 bilan 2 tal. Ini lac mbang nao rivang akaok meti di urang dang akaok karja Cuba tal Prang meng tuk akaok negar Cuba dahlau deih Phiđen Caxtrô rivang Prang di thun 1995. Mbang rivang ini hu taong yaom lac sa tukvak barau dalam bruk patagok talei pambuak bruk dua gah Prang – Cuba./.