1/ Harei ni 20/1 di HN, Nyaom orya pakat negar mbang 12 di Đảng hu peih var ginum biai trù bị. Bruk prong ni di taneh ia hu rah tabiak meng harei page 21/1 tal harei 28/1. Ni lac nyaom roya yaok 5 thun peih sa mbang. Nyaom roya tong yaom bruk peih ngak sarak nyaom roya 11 di đảng, mong iek veik jalan 30 thun salih bahrau taneh ia, ba tabiak jalan ngak, bruk ngak, jalan patagok taneh ia, dak padang song khik caga taneh ia dalam 5 thun tal.

2/ Bhap bini dom bangsa tỉnh Đắc Lắc daok tui iek saong caik ralo kỳ vọng tame nyaom roya đại biểu pakat negar mbang ka 12 di Đảng hu peih tabiak di harei 20/1. Ong Y Uôt Ayun, Bí thư Ðảng ủy xã Ea Tul, huyện Cư Mgar, tỉnh Đắc Lắc lac: “Dahlak caong khin nyaom roya Đảng rah tabiak jak jeng siam mekre. Menuac di mintri chính trị hu tín nhiệm, palih ruah urang kham merat saong bruk ngak, palih ruah urang hu trách nhiệm, hu đức hu tài piah duh ka taneh ia.

3/ Tong yaom ka jalan 30 thun salih bahrau kayua Đảng batabiak song tacei jalan, ong Lê Đình Thắng, dok di xã Đắc R’moan, ban sit Gia Nghĩa, tỉnh Đắc Nông mboh lac negar drei hu tagok biak khang. Meng bruk di palei drei, ong THắng brei thau: Tapa 30 thun salih bahrau, hulin mboh lac meng sa negar kan kathaot, khol drei hu patagok. Meng nan pabak pren yava ka dom DN, DN dalam song langiu negar buh jien tame taneh ia ngak mbang  yau urak ni. Puk palei khol lin tapa tuk vak salih bahrau, urak ni KTXH di palei pala hu rilo patagok.

4/ Thủ tướng rajaei barau patabiak Quyết định 53/2015/QĐ-TTg ka sarak nội trú ngan saong anek saih, sinh viên bac cao đẳng, trung cấp. Tui nan, meng harei 1/1/2016, anek saih, sinh viên bangsa takik dalam baoh sang kan kathaot hu mbang tui sarak nội trú yau jien bac, dom jien daong pablei pandap pandar saong nao mai dalam tuk tết nguyên đán.

5/ Kadung jien uranaih tỉnh Thừa Thiên - Huế pambuak bruk song Công đoàn mintri Ngoại giao song Uỷ ban bhap bini huyện A Lưới bahrau peih bruk alin brei phui khan ka labaih 150 uranaih kan kathaot, hu rai duik kan kandah di 3 xã tapen negar di huyện A Lưới lac Nhâm, Hồng Thái song  Hồng Quảng. Ni lac pok pandap di công đoàn mintri ngoại rik pataom dalam urang jakar, nhân viên piah dong ka uranaih kan kathaot dok di bhum atah bayah, bhum tapen negar di huyện A Lưới yaok tuk bilan barak mai.

6/ Tapa 2 thun ruah duah, ong Nguyễn Ngọc Thuận, daok di palei Đăng Phong, xã Thanh Bình, huyện Chợ Gạo, tỉnh Tiền Giang hu ngak jak jeng mac blik pon tự hành, duh hu kein lagaih dalam bruk ngak padai di urang nông. Mac blik pon kayua urang nông ini ngak hu 2 phần: phần mac dui meng động cơ saong phần mac blik. Mac hoạt động hu công suất 19 mã lực, trak 732kg nao mai meng xích nan ye lagaih saong điều kiện địa hình di bhum taneran kraong Cửu Long. Hadei di tuk pataom pon meng hamu, mac tự động blik pon jeng paok daong ka urang nông pajeng ba mbuan lagaih.

7/ Dua mintri Công Thương – Jien padai bahrau hu harak pandar dom DN đầu mối trun yaom pablei xăng, menyek meng harei 19/1. Tui nan,  xăng RON 92 song E5 hu pablei yaom 15.442 song 14.759 đồng/lít. Daok dom janih menyek trun 301-912 đồng/lít, kg. Yaom pablei  xăng menyek hadei di mbang trun yaom ini, nyu beir di abih kuhria dalam 5 thun tapa.

Patui di ini dom khau tin dunya:

8/ LHQ saong dom kapuk cứu trợ harei kabroi 19/1 brei thau, yaok ribau uranaih tị nạn dalam bruk di cư nao tapa Thổ Nhĩ Kì saong saletan châu Âu meda pachang mbaok saong bruk mbuan metai kayua langik li-ar dalam 2 adit tal.

9 Di ban Óc-len, Niu Dilân, Đại sứ quán Việt Nam di Niu Dilân bahrau peih mbang taom gaok uan raok tết meng kan di bangsa. Ndom ka bruk taneh ia Đại sứ Nguyễn Việt Dũng  brei thau, hadei di 30 thun peih bruk salih bahra. VN hu peih ngak samu gauk jalan đối ngoại độc lập tự chủ, hòa bình, pambuak bruk song patagok, kham merat mbeik drei tame dunya, mek hu rilo jak jeng prong, dong padang dunya mbuan lagaih ka bruk patagok song paglong KTXH negar drei./.

10/ Harei 19/1, tỉnh Phúc Kiến bhum ti-mur TQ hu sa urang akaok meti ijom cúm menuk ada H7N9 dalam bilan la-ar ini. Gah urang ngak praong Phúc Kiến brei thau, urang ruak hu thau lac njom virút H7N9 meng harei car meng bloh saong daok hu iek ruak. Piah pacang cakak virut cúm njom mbak, gah urang ngak praong Phúc Kiến hu pandar padeih bruk pablei salih menuk ada di 3 ban sit dalam tỉnh, taphia labik duah mboh urang njom virut akaok meti./.