1# Tỉnh Yên Bái barau peih harei patabiak “ bilan ngak bruk kayua an toan pandap mbang menyum thun 2016, ngan saong kadha “ paglaong  ngak mbang pablei salih, blei njam rilo an toan”. Bilan ngak bruk kayua an toan pandap mbang tỉnh Yên Bái thun 2016 rah tabiak meng harei 19/4 tal tamat harei 15/5/2016, ngan saong rilo bruk ngak ye : dut iek dom ging ngak mbang ngak huak tập thể di dom sang bac, công ty, nhà hàng quán mbang; dut iek dom kapul nyaom, menuac urang pablei salih, ngak pandap mbang dalam tỉnh.

2/ Halak halin palai pajoa ralo taneh padai saong phun pala bilan đông xuân di tỉnh Quảng trị. Tal urak ini, jaik 1600 ha padai daok sraoh di tỉnh ini njauk dom ruak đạo ôn, đốm nâu, thu lagu saong rầy dom janih. Langiu di nan, jaik 1700 ha padai njauk takuh palai kaik. Urak ini, langik pandiak tuk harei saong la-ar di tuk mesup lac lagaih ka halak patagok saong palai kaik padai tukvak pacah mbu tal tuk sraoh.

3 # Nyaom biai pok meyaom urang kumei dom bangsa ngak mbang kinh te naih joi bhum Tây Bắc akaok meti hu peih ngak di akaok bilan 5 tal. Ini lac panuac khan di mbang họp báo kayua  mban tacei pato Tây Bắc pambuak bruk saong kapul liên hiệp urang kumei Việt Nam peih tabiak harei 19/4. Nyaom biai lac tuk piah taong yaom dom bruk rik daong di urang kumei dom bangsa saong dom pakat kapul urang kumei dalam tukvak mbeik drei tame saong patagok.

4/ Hadei di dom jak jeng tuk camereip meng bruk ba danak dak patak pataom điện dalam sang bac, barau ini, Cty điện lực Quảng Ngãi pambuak saong sang bac THCS Nghĩa Thuận huyện Tư Nghĩa peih sinh hoạt ngoại khóa ka anek saih ngan saong kadha “anek saih patak pataom điện”. Asal danak dak nan lac: brei tờ rơi pathau khan, parang me-in tiểu phẩm sambai ka bruk patak pataom điện; urang pathau khan gah điện brei thau ka bruk pandar điện an toàn, patak pataom, kein lagaih.

          5# Harei kabroi 19/4, Hội đồng pilih ruah ban sit Cần Thơ  peih bruk pasram ka dak padang danakdak ngak bruk saong ilamug jak ba pilih ruah ngan saong dom urang ứng cử  Quốc hội mbang XIV saong Hội đồng bhapbini ban sit Cần Thơ tukvak 2016 – 2021. Dom urang ứng cử hu mbaok tame tal pasram hu pabak ilamu  dak padang danakdak ngak bruk saong ilamu taom gaok cử tri; thau cambaih bruk taom gaok cử tri ye tukvak, labik taom, thành phần pataom tame saong javap calei tangi sua di cử tri jeng ye pachreih cử tri brei panuac tapa ilamu tangi sua .

6/ Labaih sa adit ini mai, yaom pabui hơi di tỉnh Đồng Nai tagok meng 3 tal 4 ribau đồng sa kg duk saong tukvak puac bilan 3. Tui yaom yau nan, urang raong  laba jaik 1 triệu đồng sa drei pabui ralo. Tui dom po trang trại pabui, yaom pabui hơi tagok glaong kayua gah Trung Quốc blei ralo.

7# Melam kabroi 19/4, di Công viên Xà No, tỉnh Hậu Giang hu peih danakdak daoh tamia pachreih tui harei ilimo dom bangsa Việt Nam mbang yaka 8 thun 2016. Mikva dom bangsa dalam tỉnh Hậu Giang hu pang, hu maong dom kadha daoh, tamia, parang iek akhar ao ngui cuk hu ngak biak gheih, brei thau hatai jum pataom, anit ranam gauk di dom bangsa adei saai. Thượng tọa Lý Vệ- akaok kapul đoàn kết sư sãi ranam taneh ia tỉnh Hậu Giang brei thau :“Meng tuk hu peih harei hội ini dom mbang yau nan mboh mikva bangsa Khemer jeng ye dom bangsa karei hu taom gaok gauk, jum pataom gauk. Langiu bruk taom gaok ilimo, nghệ thuật, dalam nan daok ginum biai dom bruk diurai ye patagok kinh tế”

 Patui di ini dom khau tin dunya:

8/ Karja ban Tokio, NB hu mek mẫu duk iek piah thau lac jamuok di dom mblang bein dalam pasak ban hu gam virút Zika saong pandiak tabiak drah atau oh. Bruk mek mẫu duk iek hu peih ngak di mblang bein I-ô-i-ô-gi. Dom nhân viên hu mek halam cap jamuok vir taom dar dom mbu phun saong pruh jru pametai jamuok di dom ribaong ia piah pacang cakak jamuok caih nek.

9# Urang ngak praong  gah y tế Chi-lê brei thau, hu duah mboh xác di jamaok A-đét Ê-gíp-ti, janih jamaok hu brei thau lac makna ngak pambak praong jit Zi-ka di dunya. Xác di janih jamaok ini hu duah mboh di ban A-ri-ca, daok atah di ban Xan-ti-a- di Chi-lê jaik sa rabau 600 km nao gah Brak. Bruk duah mboh jamaok ba tal ruak Zi-ka di taneh ia Chi-lê brei mboh, vi-rút Zi-ka mbuan si pambak ruak samal di dunya, kayua dahlau nan, Chi-lê gam saong Ca-na-đa lac dua taneh ia dahlau di abih di bhum Châu Mỹ hu maong lac hu “miễn nhiễm” janih jamaok hu vi-rút Zi-ka nguy hiểm ini.

10/ Tổng thống Mỹ Ba-rắc Ô-ba-ma tagok jalan nao hu mbaok dalam nyaom meyai pakat glaong di abih hội đồng pambuak bruk Vùng vịnh rah atbiak di ban ine Ri-át, A-rập Xê-út. Mbang nao rivang di ong Ô-ba-ma tal A-rập Xê-út mbang ini rah tabiak dalam tuk talei pambuak bruk di Mỹ saong dom đồng minh vùng vịnh daok hu rilo kadha oh njauk gauk pambuak tal jalan ngak di Mỹ ngan saong Iran./.