1/ Mesup harei 21/1, nyaom roya pakat negar mbang ka 12 Đảng Cộng sản Việt Nam hu peih tabiak dalam prong prang di pasak Hội nghị Quốc gia, ban ine Hà Nội.Nyaom orya pataom tame tong yaom bruk peih ngak sarak nyaom roya mbang 11 di Đảng song mong iek veik jalan nao 30 thun salih bahrau di taneh ia, ba tabiak jalan ngak, bruk ngak, jalan patagok taneh ia, padang ngak song khik caga palei negar dalam 5 thun tal. Nyaom roya hu palih ruah  Ban Chấp hành Trung ương mbang XII, jabat pan akaok glong abih di đảng kreh 2 mbang nyom roya

2/ Pathau mikva saong taong abih gauk! Dom harei ini, gam saong dom rai rah bhap bini dom bangsa dalam taneh ia, bhap bini bangsa Chăm pamaong tal nyaom roya  pakat negar mbang 12 di Đảng saong abih hatai jia, hatai caong. Dom thun tapa, meng hu bruk sangka di Đảng, karja saong bruk kham merat di bhap bini, rai diuk di bhap bini Chăm daok di ban raya HCM hu ralo salih barau, baoh sang mbiah, kaya meda patagok, oh daok baoh sang kan kathaot tui chuẩn baoh sang kan kathaot pakat negar. Taphia di nan, dom bruk ngak thể dục thể thao, ilamu dalam bhap bini Chăm jeng hu khik ramik saong patagok. Ong Mohamah Thanh daok di quận 6, ban raya Hồ Chí Minh caong khin:

Sap chăm:

3/ Nyaom roya pakat negar mbang ka 12 di Đảng lac sa bruk chính trị hu makna prong ka tong abih urang Đảng abih bol bala song abih bhap bini drei. Gam  song mik va dalam negar, urang nong tỉnh BRVT dok tui iek dom harei ngak bruk di nyaom roya song hu rilo hatai cong khin. Ong Trần Ngọc Toàn – Phó Chủ tịch kapul urang nong huyện Tân Thành, tỉnh Bà Rịa-Vũng Tàu lac sa urang tuk halei jeng tui iek khau tin di angaok roya, harak mbao ka dom mbang nyaom QH song nyaom biai TƯ, abih di nyu nan lac Nyaom orya Đảng pakat negar mbang ka 12 dok rah tabiak di ban ine HN. Ong Toàn payua hatai cong di drei tal nyaom roya đảng.

Hulin mong Đảng song karja drei kham merat salih rilo sarak, rik dong jang ka urang nong, kayua urang nong lac ngak tabiak pandap panda piah rong ba menuac sia, urang nong jeng lac urang mbuan gaok khat lihik.

4/ Kapul chữ thập đỏ tỉnh Phú yên pambuak bruk saong sở ngak nông saong patagok palei pala tỉnh barau peih bruk alin hadiah 40 jamriah Icom ka dom po kapal gaiy gilai dalam tỉnh. Yaok jamriah hu yaom jaik 12,5 triệu đồng. Jamriah Icom hu daong ka urang taong cap ikan pambuak thông tin di dom kapal taong cap ikan di tasik atah, piah thau ka bruk langik tasik saong dom tacei ba di dom jabat hu thẩm quyền, patakik khat lahik tuk nao tasik.

5/ Ong Nguyễn Phong Quang- Phó akaok mban tacei jalan Tây Nam Bộ- akaok kapul dong urang ruak kan kathaot Tây Nam Bộ brei thau Dalam tuk tết anek sak kara 2016 ni, Kapul dong urang ruak kan kathaot Tây Nam Bộ hu peih danak dak tết ka urang kan kathaot hu angan “ xuân anit ranam”. Tui nan Kapul dong urang ruak kan kathaot Tây Nam Bộ hu jak ba dom DN, kapul nyaom, urang ngak pahala dong labaih 10 tỷ đồng piah iek glang ka dom boh sang kan kathaot di dom tỉnh, ban, bhum taneran krong CL bui sambai uan raok tết. 

6/ Tuk tết anek sak kara 2016, tỉnh Tiền Giang brei 10 kapul urang jakar nao rivang, alin hadiah pandap ka dom baoh sang sarak karja, amaik VN anh hùng , dom urang XH, urang taha umo, baoh sang kan kathaot saong dom jabat, đơn vị dalam tỉnh. Labaih 100 ribau paok pandap hu tỉnh Tiền Giang alin hadiah ka dom urang nan dalam tuk tết thun ini. Yaok urang hu alin sa paok pandap yaom meng 300 tal 500 ribau đồng; yaok kapul nyaom hu alin hadiah pandap yaom meng 5 tal 10 triệu đồng. Jien alin hadiah pandap tết mbang ini jaik 20 tỷ đồng hu kaoh tabiak meng kadung jien karja tỉnh.

7/ Piah pabak siam ka bruk nao mai di bhap bini, Mblang radeih miền tây ban raya HCM peih bruk pablei vé radeih tapa jalan online. Tuia damuai oh hu bayar chip atau tal mek vé dalam harei bo mai tal mblang radeih dahlau 60 minite dalam harei radaih peih piah tagok radaih nao. Urak ni mblang radeih miền tây peih bruk pablei vé dahlau ka dom harei nao meng 30/1/2016 tal 7/2/2016 tuk vak pablei vé meng 7 tuk tal 17 tuk yaok harei di quầy 2. Tuia damuai meda tal mblang radeih tapak atau ieu phone tal labik pablei vé tui 08 3751.0524 piah blei vé.

Patui di ini dom khau tin dunya:

8/ Báo chí dunya tabiak harei 20/1 hu kadha vak brei thau biak rilo, biak dalam ka nyaom roya pakat negar mbang 12 di Đảng Cộng sản VN, ndom lac bruk ini hu daong jhul pakhang patagok taneh ia. Tui kadha vak, dalam 30 thun peih bruk salih barau, Đảng Cộng sản VN dak harei dak pakhang nền kinh tế darak pasar tui jalan XHCN, ngak jeng bruk salih barau biak khang.

9/ Thun 2015 hu mong lac thun pandiak di abih meng thun 1880 tal ni. Ni lac panuac khan di gah Hàng không -  Vũ trụ Mỹ song jabat khí tượng - Đại dương pakat negar Mỹ, 2 jabat hu brei bruk tui iek duah thau dom jalan nao di khí hậu di dunya. Tui panuac khan di jabat khí tượng song  Đại dương pakat negar Mỹ, nhiệt độ trung bình di mbaok haluk song mbaok ia tasik di boh taneh dalam thun 2015 lac 0,9độ C, glnog jang tanut trung bình di nhiệt độ boh taneh dalam bhap 20. Ni hu mong lac mbang ka 4 nhiệt độ di boh taneh tal tanut kỷ lục dalam bhap 21 ni./.

10/ Takik di abih 12 urang metai kayua njom cúm A/H1N1 di bhum timur Ucraina, labik daok kayua kapul đối lập khik iek. Tui taong yaom di gah chuyên gia, bruk patagok urang metai kayua cúm A/H1N1 di bhum timur Ucraina nan lac kayua bhap bini labik ini oh hu taom gaok bác sĩ jeng yau dom pandap y tế./.