1 # Harei kabroi (20/10), pak Phủ Chủ tịch, akaok negar Trương Tấn Sang hu taduan raok Tổng thống Hàn Quốc Li-Miêng-Bắc, daok hu mbang rivang saong ngak bruk pak Việt Nam tui panuac daa di akaok negar Trương Tấn Sang. Taong yaom glaong talei pambuak bruk nao mai di dua negar patagok dak harei dak siam, Akaok negar ndua dhar phol bruk daong ODA bo Hàn Quốc brei ka Việt Nam, taphia di nan brei thau dom doanh nghiệp dang akaok Hàn Quốc dak harei dak buh ralo jien ndo tame ngak mbang di Việt Nam. Daok gah drei, Ong Li-Miêng-Bắc jia lac, bhap bani saong Tổng thống Pắc-Cưn-Hê brei patui veik  bruk pachreih tui saong jhul pakhang talei pambuak bruk oh lac di dua gah saoh bo dua negar meda pambuak bruk khang angaok dom diễn đàn khu vực saong dunya.

2/ Patui mbang nyaom ka 8 QH mbang 13, harei ini 21/10 QH hu ginum meyai di tổ ka bruk kinh tế - xã hội thun 2014 saong bruk ngak thun 2015, bruk peih ngak kadung jien karja thun 2014 saong dự toán kadung jien karja saong jalan parabha kadung jien TƯ thun 2015. Dahlau di nan, harei kabroi 20/10 harak pathau khan ka bruk inh tế - xã hội thun 2014 saong bruk ngak thun 2015, thủ tướng rajaei Nguyễn Tấn Dũng ndom lac: Raajei daok patui ngak đề án rami ramik veik bruk ngak mbang kinh tế saong rami ramik veik ngành, lĩnh vực. Peih ngak chip, catang bruk rami ramik veik doanh nghiệp karja. Ngak ka nyu salah bruk cổ phần hóa saong thoái vốn đầu tư langiu ngành. Jeng dalam harei kabroi QH hu pang harak pathau khan ka bruk tổng hợp panuac, kiến nghị di cử tri, tờ tình saong harak pathau khan thẩm tra ka bruk pacang cakak tham nhũng 2014.

3 # Tui pang Thủ tướng Raja-ei pathau khan ka bruk kinh tế - xã hội thun 2014 saong bruk ngak dalam thun 2015 pak van peih mbang nyaom 8 Quốc hội mbang 13 page harei kabroi, ralo cử tri pak tỉnh Khánh Hòa mboh njauk hatai haong harak pathau khan ini. Ong Vũ Hồng Khanh, urang jakar hưu trí, daok di jalan Lê Hồng Phong, bal Nha Trang, tỉnh Khánh Hòa ndom lac:

Băng: (Công nhân viên chức padeih hưu jien bialan biar, dom urang tok hu meng 2-3 triệu, xăng menyek trun  hu 7 mbang. Yau nan min dom janih pandap karei jeng oh mboh trun. Jien bilan di bhap bani nao blei pandar mboh biak takik, kan kandah ralo. Urak ini, ngan haong khaol dahlak mboh biak duh hatai ka jien sre công. Patrun hu jien sre công ye urang jakar, urang padeih hưu trí meng hu patagok hasit.)

 4/ Tal tukvak ini, taneh ia drei hu gah y tế dunya công nhận 4 labik y tế duk iek hu virus Ebola. Bruk nan hu khan brei thau dalam mbang họp mban tacei jalan pacang cakak jit ruak nguy hiểm saong barau tamuh tagok kayua mintri y tế peih tabiak harei kabroi 20/10 di HN. 4 labik y tế taneh ia drei duk iek hu virus Ebola nan lac Viện Vệ sinh - Dịch tễ Trung ương, sang iek ruak Nhiệt đới Trung ương, sang iek ruak Nhiệt đới ban raya Hồ Chí Minh saong Viện Pasteur ban raya Hồ Chí Minh.

5 # Jeng dalam harei 20/10, pak Hà Nội, Cục Khik iek urang ngak negar langiu, Mentri Lao động Thương binh saong Xã hội họp báo, brei thau ka danak dak palih ruah ứng viên điều dưỡng, hộ lý Việt Nam nao ngak bruk pak Nhật Bản mbang 3. Tui nan, 180 urang meda hu palih ruah saong pato sap Nhật brei saoh dalam 12 bilan di dom labik pato megru kayua Mentri Lao động - Thương binh saong Xã hội pambuak haong gah Nhật Bản peih tabiak. Dalam tukvak bac megru, urang bac hu brei labik daok, brei lisei huak saong hu daong jien sinh hoạt. Tamat vaktu bac, urang hu mbaok tame mbang pakacah chứng chỉ năng lực sap Nhật cấp độ N3.

6/ Di căn cứ Cam Ranh, tỉnh Khánh Hòa, sang bac Đại học Tôn Đức Thắng, di Tổng Liên đoàn Lao động Việt Nam barau alin hadiah 1000 baoh gaiy kayau ka urang jakar, chiến sĩ Lữ đoàn 146 – bhum 4 hải quân saong bhap bini huyện pulao Trường Sa, tỉnh Khánh Hòa, tui yaom jien abih tih 2 tỷ đồng. Taong abih dom gaiy angaok nan kayua urang jakar, giảng viên, sinh viên saong bac ĐH Tôn Đức Thắng gam saong dom doanh nghiệp ba tangin tame daong pachreih tui panuac ieu daong danak dak “nghĩa tình Hoàng Sa, Trường Sa” di Tổng Liên đoàn Lao động Việt Nam. Ini lac bruk pachreih ba urang jakar chiến sĩ, bhap bini huyện pulao Trường Sa yam tapa kan kandah sanang hatai khik caga chủ quyền tasik pulao di taneh ia palei negar.

7 # Meng harei 1 tal harei 15/11, ga Bei Gon peih bruk pablei harak radaih pui Tết Ất Mùi dahlau ka kapul nyaom jang yau menuac urang ndih dalam sarak karja. Tut angan blei harak radaih pui kapul nyaom brei hu meng 20 urang tagok, nao gam sa sruh radaih pui, harei nao, ga nao, ga mai saong gam sa jabat. Ngan haong dom kapul nyaom hu smeng 50 urang tagok, tui pren pabak di gah jalan pasei, ga Bei Gon meda parabha jeng 2-3 kapul, saong janih kik daok meda karei di gauk… Dom cá nhân lac  urang dalam sarak karja hu brei tut angan blei harak dahlau, nan lac: Amaik Việt Nam anh hùng, uranaih jaoh jo sang bac SOS, urang jaoh jo trak  saong biak trak, thương bệnh binh; urang taha umo meng  60 tagok.

Patui di ini dom khau tin dunya:

8/ Harei kabroi 20/10, hội việt kiều tỉnh Xiêm Riệp, taneh ia Campuchia, hu peih bruk padang chi hội urang kamei việt kiều di tỉnh. Ini lac tổ chức hội akaok meti brei ka urang kamei việt kiều hu padang meng dahlau tal urak ini di  KPC. Chi hội urang kamei việt kiều tỉnh Xiêm Riệp caong khin hu jeng baoh sang praong piah adei saai kamei việt kiều dalam tỉnh taom gaok, ndom meyai nao mai, daong ba gauk dom ilamu ngak mbang, klah rabha dom kan kandah, pachreih ba gauk yam tapa kan kandah, iek glang ka baoh sang saong raong ba anek bhik tani tanat; pabak ka adei saai kamei ilamu saong jalan ngak piah daong baoh sang hu rai diuk tani tanat saong mbuan lagaih jang dalam taneh ia KPC.

9 # 2 urang Hàn Quốc lahik saong 14 urang Trung Quốc njauk rambuis hadei di tuk sa kapal gilai aia cao tốc saong sa sruh ghe iku atah paoh gauk langiu pulao tasik Phuket, Thái Lan harei 19/10. Tuk rah tabiak bala, angaok sruh kapal gilai cao tốc pajeng 37 urang, ralo meng lac urang tuai Trung Quốc saong Hàn Quốc. Kapul daong duah samar hu mbaok pak nan piah ba 14 urang tuai Trung Quốc nao tame sang iek ruak di puk palei. Cảnh sát puk palei brei thau, bruk daong duah 2 urang Hàn Quốc lahik  daok hu peih ngak.