1 # Meng hatai caong taneh aia khang takai yam tagok, an ninh trật tự hu grap tanat, ong Nguyễn Quang Đạo, daok pak tổ 8, phường Quyết Tâm, ban sit Sơn La lac: “Dahlak menek tabiak saong prong tagok pak Sơn La ini meng sit mai, dahlak mboh bruk salih bahrau di taneh aia abih di nyu lac di Sơn La hadei di yaok mbang nyaom roya, khaol dahlak mboh biak buyi sambai. Abih di nyu lac dalam tuk urak ini angaok dunya hu ralo biến động, khaol dahlak jeng mboh biak huyn akaok min  hu bruk pal akaok ba jalan di Đảng saong tapa báo chí ye hatai saneng di khaol dahlak dak hu pakajap jang abih  di nyu nan lac grap tanat bruk chính trị saong trật tự xã hội. Dalam tuk yau urak ini dahlak biak caong tame Nyaom roya nan lac ngak habar piah khik  grap tanat chính trị saong trật tự xã hội hu hamiat hamiat piah ka taneh aia drei dak harei dak yam tagok khang kajap”.

2/ Gam saong taneh ia, bhap bini, urang pan bruk agama tỉnh bà Rịa – Vũng Tàu caik ralo hatai caong tame dom jalan ngak njauk, lagaih di Đảng piah patagok mbuan lagaih, yam tapa kan kandah, ba taneh ia drei tagok samar, khang kajap..Hòa thượng Thích Quảng Hiển - akaok ban Trị sự Giáo hội Phật giáo tỉnh Bà Rịa-Vũng Tàu ndom lac: “hu nyaom rayo Đảng ye taong abih bhap bini meng thau hu jalan ngak, tổ chức di Đảng CSVN. Sa mbang peih nyaom roya nan lac piah taong yaom dom jak jeng di Đảng ngan saong taneh ia saong bangsa VN. Caong khin di bhap bini phật giáo tapa mbang nyaom roya Đảng lac taneh ia drei hu ralo salih barau saong hu dom ayut di dom taneh ia angaok dunya pachreih tui bruk pan akaok di Đảng CSVN”.

3 # Urang jakar saong bhap bani bhummi Đồng Khởi- tỉnh Bến Tre biak sangka tal Nyaom roya Đảng pakat negar mbang ka 12. Ong Lê Văn Dũng, urang daok pak xã Hưng Nhượng, huyện Giồng Trôm, tỉnh Bến Tre ndom lac: “Đại hội mbang ini Ban chấp hành Trung ương kuhria caga biak tani tanat  ka bruk nhân sự saong văn kiện brei mboh tapa Nyaom biai TW mbang 13 saong 14. Ka nhân sự ye hu ginum biai biak dân chủ, nội bộ gul pataom palih ruah dom urang hu ginup điều kiện  ba tame Ban chấp hành biak dân chủ ; abih di nyu lac dom urang daok ranaih, urang kamei. Bhap bani biak jia tame nyaom roya mbang ka 12 di Đảng, abih di nyu caong khin hu dom jalan ngak, sarak bahrau, abih di nyu NAN lac bruk iek glang tal bhap bani bhum atah bayah,  baoh sang kathaot”.

4/Ndom ka bruk pan akaok di Đảng dalam bruk ba taneh ia VN pataogok tapa dom nhiệm kỳ, iek glang siam rai diuk, ilamu di bhap bini, abih di nyu nan lac bhap bini dom bangsa takik. Hòa thượng Tăng Nô, Phaok Ban trị sự Phật giáo, Phaok kapul jum pataom sư sãi ranam taneh ia tỉnh Sóc Trăng brei thau: “Tukvak tapa, đảnga song karja drei hu sangka tal raidiuk ilamu di mikva bangsa Khmer jeng yau taong abih bangsa VN. Nyaom roya đảng mbang 12 ini dahlak biak jia lac taneh ia drei dak harei dak patagok jeng yau rai diuk di bhap bini dak harei dak patagok jang dahlau”.   

5 # Piah daong ka urang ngak mbuan laghaih nao palei mbang Tết, Liên đoàn lao động bal Đà Nẵng bahrau peih  danak dak “Tết gul pataom 2016” ngan haong ralo bruk ngak hu makna. Liên đoàn Lao động bal Đà Nẵng jeng buh tabiak jaik 1,4 tỷ đồng blei 2.800 pok pandap tết daong ka urang ngak kan kathaot, yaok pok  yaom 500 ribau đồng; pambuak haong dom doanh nghiệp alin brei labaih 500 vé radaih ka urang ngak nao palei mbang Tết.

6/ Di mblang kapal haok dunya Cam Ranh, UB bhap bini tỉnh Khánh Hòa saong UB bhap bini ban Cần Thơ pambuak saong dom gah pambuak bruk peih jalan par Cần Thơ – Nha Trang. Ini lac bruk ngak salam uan nyaom roya pakat negar mbang ka 12 di đảng daok rah tabiak di ban ine HN. Mbang par kayua cty DL Vietravel tpah kapal haok ATR 72 di công ty Dịch vụ kapal haok VASCO. Jalan par Cần Thơ – Nha Trang, par 3 mbang sa adit, di dom harei ngar, harei jip saong harei adit. Yaom harak meng 399.000 đồng tal 1.550.000 đồng sa urang sa mbang. 

Patui di ini khaw tin dunya:

7 # Ủy ban Negar ka halau aia di Thái Lan bahrau brei tapa dua dự án điều tiết halau aia meng kraong brei ka bruk ba aia pruh, dalam kham merat đối phó haong bruk tua riya pandiak bhang daok ngak pambak tapak tal sản lượng brah di Thái Lan. Tui kuhria, Raja-ei Thái Lan meda buh tabiak jaik 64 triệu Bạt (samu 1,7 triệu đô la Mỹ) piah peih ngak dua dự án ini.

8/ Mesup kabroi 21/1, mintri Lễ nghi saong agama CPC, karja tỉnh Căm-pông Chơ-năng gam saong jabat tuùy iên QPVN di CPC hu peih bruk padang ngak veik Đài tưởng niệm lin halan hatian VN saong đài độc lập di tỉnh Căm-pông Chơ-năng. Brei panuac di mbang peih bruk, ong Chu Chan Dươn, Tỉnh trưởng, akaok Mặt trận jum pataom patagok taneh ia Campuchia di Căm-pông Chơ-năng brei thau, đài tưởng niệm lin halan hatian VN hu padang ngak di labik pasak ban hu ralo bhap bini mai me0in bui sambai, brei pasiam veik ka njauk saong brei mboh bruk jum pataom di CPC saong VN./.

9 # Jeng dalam harei 21/1, Xi-ê-ra Lê-ôn brei thau lac hu sa urang tra njaom Ê-bô-la bahrau pak negar ini hadei di tuk GAH Y tế dunya (WHO) brei thau lac jit Ê-bô-la pak labik Tây Phi hu tamat blaoh./.