1 # Patui veik mbang nyaom 8, Quốc hội mbang 13, harei (22/10), Quốc hội ngak bruk pak hội trường, pang tờ trình saong harak pathau khan pasang iek dự án Hukum tài nguyên, môi trường tasik, pulao tasik saong dự án Hukum Mặt trận Negar Việt Nam (pasiam veik); taphia di nan pang urang lambaok Ủy ban pháp luật di Quốc hội pathau khan, langyah, taduan mek panuac rik daong, pasiam dự thảo Hukum tổ chức Quốc hội (pasiam veik) saong ginum biai ka dom asal kadha daok hu panuac karei di gauk di dự thảo hukum ini.

2/ Di jabat QH, akaok QH Nguyễn Sinh Hùng hu taduan ong Mai-cơn Phờ-rô-men, lambaok gah pablei salih Hoa Kỳ daok rivang saong ngak bruk di VN. Di mbang taduan rok, akaok QH Nguyễn Sinh Hùng ndom lac, đảng, karja, QH saong bhap bini VN tuk halei jeng halan hatian jhul pakhang talei pambuak taong abih bruk saong Hoa Kỳ, abih di nyu nan lac dalam gah pablei salih, đầu tư.

3 # Pak Sang tuai Raja-ei, Thủ tướng Nguyễn Tấn Dũng hu taduan raok Tổng thống Hàn Quốc dahlau diah Lee Myung-bak daok rivang saong ngak bruk pak Việt Nam. Pak van taduan raok, Thủ tướng ndom lac, Việt Nam biak iek prong, caong khin gam haong Hàn Quốc jhul pakhang bruk pambuak gauk taong abih gah, khang kajap, ba mai kein laba ka bhap bani dua negar saong dua bangsa; dalam nan pataom tame pambuak bruk ngak kinh tế, pablei salih, buh jien tame ngak, rivang ma-in.v..v. 

4/ Dalam tukvak rah tabiak mbang nyaom 8, QH mbang 13, ralo cử tri dalam taneh ia biak sangka tal bruk QH ginum meyai ka bruk kinh tế - xã hội di taneh ia thun 2014, tabiak jalan ngak ka thun 2015. Mikva cử tri ndom lac kinh tế di taneh ia drei daok dalam tuk patagok, bruk suy thoái kinh tế daok hu siam veik. Min, bruk pato megru brei patagok chất, pasiam bruk palai pajoa dalam pato megru, bruk trun cấp gah đạo đức dalam sang bac, bruk pato lingiu biak rilo brei ramik veik.

5 # Tỉnh ủy Kon Tum bahrau peih Nyaom biai khan brei thau ka asal Di chúc di Chủ tịch Hồ Chí Minh, hu mbaok di Ban Chấp hành Đảng bộ tỉnh, urang pal akaok tỉnh tapa dom jaman saong papar binguk tapak tal dom huyện, bal dalam tỉnh. Pak nyaom biai, dom urang lambaok hu pang panuac khan ka rai diuk, bruk ngak, jalan saneng di Chủ tịch Hồ Chí Minh, kareih camin hadah krah di Gait, saong bruk ngak hu hadei di 45 thun taong abih Đảng, taong abih bol lin, bhap bani drei peih ngak Di chúc di  Wa.

6/ Pasak ilamu pato megru Unesco, pasak daong mbeik drei tame WTO ban raya HCM saong doanh nghiệp darak siam barau họp báo ka dự án “Today’s Voice” – dự án cộng đồng brei ka dam dara caga dom ilamu piah yam tame tukvak VN mbeik drei tame nền kinh tế dunya. Meng ini tal puac thun, dự án hu peih dom var ginum meyai ka bruk “VN mbeik drei tame cộng đồng kinh tế ASEAN” ka 500 ribau sinh viên di 10 sang bac ĐH piah peih tabiak labik ka dom dam dara brei mboh dom ilamu mbeik drei tame, ilamu ngak bruk tui kapul nyaom.

7 # Pak dom huyện bhum ceik di tỉnh Quảng Ngãi urak ini hu tal 8 baoh tatua tuan daok khut biak trak, mboh ralo pak huyện Ba Tơ. Di xã Ba Xa, huyện Ba Tơ, yaom lac baoh taua tapa kraong Re hu pakuak oh brei nao mai, min bhap bani puk palei, abih di nyu nan lac dom anek saih jeng oh huac, daok nao mai angaok baoh tatua oh hu an toàn. 

Patui di ini dom khau tin dunya:

8/ Harei 21/10, hội đồng salih bahrau negar di TL hu họp phiên khai mạc. Hadei di adat tuyên thệ nhậm chức di 250 urang dalam hội đồng, dom urang nan hu pilih ruah Chủ tịch hội đồng ini. Tui kuhria dalam harei ini, hội đồng salih bharau negar jeng hu buh phiếu palih ruah 2 phaok Chủ tịch saong patabiak tukvak palih ruah 20 dalam 36 urang di UB soạn thảo hukum barau dalam chỉ tiêu di hội đồng ini.

9 # Hadei di tuk nhậm chức, Tổng thống bahrau di Inđônêsia Giô-cô Uy-đô-đô (Joko Widodo) hu dom mbang taom gaok akaok mereip haong dom urang dang akaok dom taneh ia di dunya. Tổng thống Uy-đô-đô jeng hu ngak bruk haong Thủ tướng Ôxtrâylia Tô-ny A-bót, piah patui veik bruk kak kajap talei pambuak bruk nao mai di dua negar. Talei rohim pambuak bruk di Inđônêsia saong Ôxtrâylia daok trun biar tuk giới truyền thông puac thun dahlau ba tin Ôxtrâylia peih bruk do thám urang dahlau ngak Tổng thống Bam-bang Dút-hô-y-ô-nô gam haong hadiuk di gait saong ralo urang jakar pakat glaong karei di Inđônêsia. 

10/ Cố vấn an ninh pakat negar NB Sô-ta-rô Ya-chi barau nao tal Xơ-un piah ginum meyai saong urang ngak praong HQ dalam tuk oh hu hagait siam tagok dalam bruk padeih kandah gauk ka sajarah di 2 taneh ia. Mbang nao rivang di cố vấn an ninh pakat negar NB Ya-chi rah tabiak dalam tuk NB khin jhul pakhang bruk salih barau talei pambuak bruk dua gah saong peih bruk taom gaok pakat glaong di thủ tướng NB Sin-zô A-bê saong tổng thống HQ Pắc Cưn Hê. Min, HQ brei thau, bruk taom gaok nan hu rah tabiak meyah NB hu dom jalan ngak brei mboh lac abih hatai jai dalam langyah bruk urang kamei mua vui dalam samar kalin kan dunya mbang ka 2./.