1# Bair harei 21/4, Kapul ngak bruk di Hội đồng pilih ruah negar kayua ông Nguyễn Thiện Nhân – Uỷ viên mintri chính trị, akaok Ủy ban Mặt trận negar Việt Nam, Phó akaok Hội đồng pilih ruah negar par akaok kapul hu ngak bruk saong Uy mban pilih ruah tỉnh Đồng Nai ka bruk pilih ruah urang ka Quốc hội mbang XIV saong pilih ruah urang ka Hội đồng bhapbini dom pakat tukvak 2016-2021. Brei panuac di var ngak bruk, ông Nguyễn Thiện Nhân tacei lac, anak tal, tỉnh Đồng Nai njauk sangka pambuak bruk saong dom mban, nganh piah khik caga an ninh trật tự, langyah bruk yak bak saong bruk jien padai, hậu cần; pasang iek abih 1.564 tổ pilih ruah dalam adit puac caga pilih ruah.

2/ Di Hn, biar harei 21/4, kadung jien daong ka uranaih VN saong tổng cty bảo việt nhân thọ hu mbaoh tangin sanya pambuak bruk "jien bac an sinh pato megru – radaih juak tal sang bac 2016". Tui nan, dalam thun 2016, tổng cty bảo việt nhân thọ hu alin 1.500 radaih juak saong 1.500 balô ka uranaih kan kathaot takre bac daa, kuhria tabiak yaom jien abih tih jaik 3,2 tỷ đồng tapa kadung jien daong ka uranaih VN.

3# Bair harei 21/4, di ban sit Nha Trang, ông Nguyễn Thế Kỷ, Uỷ viên Trung ương Đảng, Tổng Giám đốc rayo sap ndom VN alin Kỷ niệm chương "kayua bruk paparsap" brei ka ông Lê Đức Vinh, Phó Bí thư Tỉnh ủy, akaok Uỷ ban bhapbini tỉnh Khánh Hòa; ông Nguyễn Đắc Tài, Uỷ viên Ban Thường vụ Tỉnh ủy, Phó akaok Uỷ ban bhapbini tỉnh Khánh Hòa. Ông Lê Đức Vinh, Phó Bí thư Tỉnh ủy, akoak Ủy ban bhapbini tỉnh Khánh Hòa brei thau: Ini lac sa bruk ngak brei hadah mbaok meta saong jeng lac sa trọng trách piah ngak habal pambuak bruk saong VOV piah patagok tani tanat. Lambaok urang dang akaok tỉnh tadhau yuh ka harei pataom papar sap mbang ini peih pakak jak jeng, dalam harei ini, dom nyaom biai hu jak jeng saong tamat jak jeng rilo jang.

4/ Mesup kabroi 21/4, sở thông tin truyền thông tỉnh Đắc Lắc pambuak bruk saong thư viện tỉnh peih harei pataom tapuk thun 2016. Harei pataom tapuk parang tabiak labaih 2.200 ngan tapuk ngan saong jaik 13.000 baoh tapuk ralo janih yau: tapuk ka ilamu, kinh tế, sajarah dak rai, roh duah, truyện tranh, truyện thiếu nhi. Ong Nguyễn Hoàng Dýỡng, Phaok akaok Jabat Báo chí xuất bản, Sở Thông tin saong Truyền thông, urang dalam mban peih bruk, brei thau: “Bruk ngak ini piah pok meyaom dom yaom glaong ilamu puac tapuk di bhap bini pambuak saong trách nhiệm di dom urang ngak bruk xuất bản, tác giả jeng yau dom jabat khik iek karja ka gah xuất bản. Piah patagok ilamu puac tapuk ngan saong bhap bini ye langiu bruk peih harei tapuk yaok thun, taphia di nan gam saong dom ðõn vị in ấn patabiak tapuk peih bruk parang iek dom baoh tapuk, abih di nyu nan lac tapuk barau”.

5# Di jalan tapuk ban raya Hồ Chí Minh, bair harei 21/4, Sở Thông tin saong Truyền thông ban raya hu peih bruk pahadar harei tapuk VN mbang yaka 3. Thun ini dom bruk pachreih tui harei tapuk VN hu ban raya caga ngak biak rilo bruk, pabak dom caong khin di bhapbini.

6/ Labaih 80 baoh tapuk barau hu hội xuất bản VN jao giải thýởng tapuk gheih, tapuk siam thun 2015. Njauk caik hatai dalam 4 bộ tapuk hu jao giải meh tapuk gheih, bộ tapuk “sajarah dak rai VN” hu 15 tập kayua kapul dom urang ruah duah viện sajarah dak rai, viện hàn lâm khoa học xã hội VN ngak, hu iek lac bộ sajarah praong abih meng dahlau tal ini.

7# Sang iek ruak Đa khoa huyện Chơn Thành, tỉnh Bình Phước bair harei kabroi 21/4 hu taduan 182 urang ngak di 3 công ty lac : Công ty LISHENG, Công ty XINREN, Công ty Sung Ju dalam Khu công nghiệp Minh Hưng - Hàn Quốc, huyện Chơn Thành tuk dalam rup pabhap glaih glan, taklon, aih troh…sahaneng lac njauk jru mek pandap mbang. Dom Bac sy di sang iek ruak ini brei thau, tapa tui iek dom triệu chứng, makna ba tal bruk nan di dom urang ngak lac kayua nhiễm khuẩn pandap mbang. Urak ini labik ini daok tui iek ruak ka dom urang ngak njauk jru mek pandap mbang.

Patui di ini dom khau tin dunya:

8/ Bộ tình trạng khẩn cấp di Nga harei 21/4 brei thau, taneh ia ini hu payua 30 tấn pandap daong ngak pahala ka Ê-cu-a-đo. Tui pathau khan di bộ ini, sa sruh kapal haok Il-76 di Nga ba tui pandap mbang, lều bạt saong jamrik phát điện di động hu nao tal Ê-cu-a-đo piah parabha ka bhap bini di labik gaok akn kandah kayua mbang megei baoh taneh harei 16/4 meng bloh.

9# Harak pathau khan tabiak harei 21/4 di Liên hợp quốc brei mboh, labaih 3/4 menuac sia di Cộng hòa Dân chủ bhapbini Triều Tiên oh ginup pandap mbang saong daok cang hu daong pahla. Bruk kan kathaot, eik lipa nan mai meng sarak ngak nong tự cung tự cấp lạc hậu saong kayua bala meng lingik tasik.

10/ Melam kabroi 21/4, nyaom meyai pakat glaong di abih yaok thun Mỹ - hội đồng pambuak bruk vùng vịnh, hu tamat di ban ine Ri-át di Arập Xê-út saong hu tabiak harak Tuyên bố chung di dom gah dalam bruk mesruh pacang chủ nghĩa khủng bố; pacang caga dom cuang kandah saong ruah duah jalan langyah ka dom bruk khủng hoảng di khu vực./.