1 #  Harei kabroi, 22-10, Quốc Hội ginum biai ka dom dự án Hukum; dalam nan Hukum ka Mặt trận Negar Việt Nam (pasiam veik) biak hu cử tri tỉnh Bến Tre sangka. Tui cử tri tỉnh Bến Tre,  Mặt trận negar njauk patagok jang bruk pasang iek, phản biện xã hội ngak tatua pambuak pagam di Đảng – Karja saong taong abih bhap bani. Ong Huỳnh Khắc Hiệp, urang jakar dahlau diah di tỉnh Bến Tre lac:

Băng:  Tapa nan mboh lac bruk ngak saong labik dang dii Mặt trận negar hu patagok saong hadah hadai jang dalam bruk hu mbaok dalam raja-ei. Hu patagok bruk phản biện xã hội. Min dahlak jeng mboh oh ka  bui hatain ralo, ilamu, năng lực oh ka pabak hu bruk phản biện xã hội. Pak cơ sở  ye Mặt trận negar bhian ngak tui karja oh ka ngak tui hatai di drei, oh ta-eng drei ba tabiak danak dak bruk ngak karei ka Mặt trận, dalam tukvak bahrau.

2/ Harei kabroi 22/10, phaok thủ tướng Nguyễn Xuân Phúc hu mbaoh tangin tame harak pathau khan di rajaei payua akaok negar ka bruk klak quyết định pok brei angan Anh hùng tapon nyom bol pan phao kraong bhap bini samar mesruh metak di ong Hồ Xuân Mãn, dahlau daih lac akaok xã đội xã Phong An, huyện Phong Điền, tỉnh Thừa Thiên – Huế  kayua bleik saleik dalam bruk kê khai thành tích piah hu pok brei angan angaok nan. 

          3 # Meng harei 10/10 tal harei 10/11, Đoàn Luật sư tỉnh Quảng Trị peih bilan daong adat hukum brei saoh ka bhap bani dalam tỉnh. Dom luật sư hu tacei pato adat hukum, daong gah adat hukum ka ralo bhap bani dom asal kadha biak lagaih anak meta yau Hukum taneh riya; bồi thường, giải phóng mặt bằng; bảo hiểm xã hội, bảo hiểm y tế..v..v.

4/ Mban khik iek labik công nghiệp công nghệ glaong Đà Nẵng barau pambuak bruk saong viện ruah duah Seoul (Hàn Quốc) peih nyaom ginum meyai “meta maong barau ka ban sit Đà Nẵng – pasak bhum đô thị”. Di nyaom meyai, dom chuyên gia HQ klah rabha, brei thau ilamu piah daong ban sit Đà Nẵng duah jalan nao lagaih dalam quy hoạch tổng thể padang ngak saong patagok kinh tế xã hội di ban sit tal thun 2030, pamaong tal thun 2050.

5 # Harei kabroi 22/10, yaok ribau bhap bani Cam Ahier tỉnh Ninh Thuận bui sambai uan raok harei Katê. Njauk 13 tuk, harei akaok mereip di  Katê hu rah tabiak pak palei Hữu Đức, xã Phước Hữu, huyện Ninh Phước, tỉnh Ninh Thuận ngan haong bruk ba raok khan ao Po Inư Nưgar. Sa-ai Bá Thị Thúy Hòa, daok pak bal Phan Rang Tháp Chàm tỉnh Ninh Thuận ndom lac: 

Bang sap Cam

6/ Melam kabroi, di ban raya HCM hu rah tabiak nyaom darak parang iek bruk ngak nông công nghệ glaong saong công nghiệp thực phẩm (Hi-tech Agro) mbang ka 3. Hu mbaok tame nyaom drak hu 350 gian hàng parang iek dom đặc sản di dom puk palei. Ini jeng lac tuk piah ka dom đơn vị ruah duah khoa học, doanh nghiệp saong urang ngak nông pambuak saong gauk dalam bruk ngak mbang saong pablei salih.  

7 # Meng akaok thun tal ini, pak tỉnh Quảng Ngãi rah tabiak 15 sruh jit cúm A/H5N1 saong 2 sruh jit cúm A/H5N6, labaih 21 ribau drei menuk ada di dom baoh sang dalam 7 huyện, bal njauk ruak. Dalam nan, jaik 6000 drei menuk ada metai haong labaih 15 ribau drei njauk ba nao am cuh klaak. Chi cục Thú y tỉnh parabha 7.000 lít jru hóa chất, 1,3 triệu mbang vắc xin ka dom puk palei peih bruk pruh jru pametai anek ruak saong klauk jru pacang caga ka menuk ada.        

Patui di ini dom khau tin dunya:

8/ Tập đoàn Phu-ji-phim, Nhật Bản harei kabroi brei thau, meda ngak tabiak gac jru pacang cakak cúm A-vi-găng, daok mboh hu siam lagaih dalam bruk iek ruak Ebola. Panuac nan hu ba tabiak dalam tuk sa urang ruak njom Ebola di Tây Ban Nha hu pasiam veik pren yava hadei di tuk menyum janih jru ini, hu angan ieu lac Pha-vi-pi-ra-via.

9 # Pamaong tal pahadar 65 thun harei ilamu bol lin halar tian Việt Nam daong Lào (30/10/1949-30/10/2014), Mentri Quốc phòng Lào meda pambuak bruk haong Đại sứ quán Việt Nam, Pasak ilamo Việt Nam pak Lào parang iek thaik binguk, pandap panda, chiếu phim tài liệu; peih dom van ginum biai, ndom menyai chuyên đề, pakacah duah thau ka dak rai talei rohim pambuak bruk biak karei di Lào- Việt Nam. Tukvak ini, dom jabat truyền thông Lào patagok bruk ba tabiak brei thau ralo tin bài, danak dak pok meyaom bruk pambuak gauk mesruh di Lào haong Việt Nam.

10/ Thủ tướng Thổ Nhĩ Kì Ác-mét Đa-vu-tô-glu barau brei thau sa dự luật barau brei ngak catang dom jalan an ninh, hadei di dom mbang trun jalan haok darah jaik di ini. Tui dự luật barau samar hu pok tagok QH, urang halei pambuak tal bruk trun jalan taong paoh gauk meda njauk guk trak jang saong thei trun jalan bo gum mbaok hu iek lac  “tội phạm tiềm năng”. Cảnh sát hu jao quyền cap kreik dom urang nan dalam 24 tuk./.