1# Thủ tướng rajaei barau quyết định brei 19 ấn phẩm báo, tạp chí ka bhum bhapbioni bangsa takik saong bhum ceik, bhum kan kandah thun 2016. Hu : Báo Nhân Dân, kadha “bangsa saong bhum ceik”- Báo Đại Đoàn Kết, Báo Tin tức ; Báo bangsa saong patagok (Ủy ban bangsa ) ; Tạp chí bangsa (Ủy ban bangsa ), kadha “bangsa saong bhum ceik …

2/ UB bhap bini ban HN barau njauk hatai panuac caong di tổng cty pajeng ba HN ka bruk peih jalan radiah buýt chất lượng glaong meng pasak ban HN nao tal mblang kapal haok Nội Bày, tui kuhria hu ba tame pandar meng tuk lễ 30/4 tal. Tui kuhria, hu meng 80-94 mbang radaih nduac yaok harei ngan saong yaom 30.000 đồng sa mbang sa urang.

3# Tỉnh Lai Châu barau kuhria mboh hu dom khat lahik di menuac urang saong drap ar di mbang hajan praong, ngin rubuk. Tui nan, hajan praong, ngin ribuk, tamiak ngak sa urang metai, dua urang bị thương, jaik  1.300 baok sang  tapaok tabung, tayah; 18 labik sang bac ngan saong 27 duk bac tapaok tabung. Langiu di nan, daok ngak khat lahik jaik  100ha padai, pataiy, njam patam; jaik 10 drei athur saong 8 geng menyek jaleih…kuhria khat lahik labaih 3,2 tỷ đồng.  Ông Vũ Văn Luật, Phó giám đốc Sở ngak nong saong patagok palei pala, Chánh Văn phòng Ban tacei pato pacang caga bala meng lingik tasik saong duah daong urang njauk bala tỉnh Lai Châu brei thau : Urak ini, tỉnh hu công điện tacei Ủy ban dom huyện, ban  pandar dom janih hu parabha piah pasiam veik dom khut khat. Saong ieu pataom dom kapul di labik lac công an, bol bala jeng ye dom kapul di pakat palei pala piah daong bhapbini tak veik tabung sang, ramik pasiam veik dom công trình công cộng).

4/ Thanh tra mintri ngak nông saong patagok palei pala pambuak bruk saong mban tacei jalan pacang cakak jit ruak angaok phun pala, athur raong tỉnh Tiền Giang meng bloh hu am cuh klak tapon pabui pandar janih oh brei pandar piah khik caga pren yava urang blei pandar. Tapon pabui 11 drei, trak meng 50 tal 60 kg sa drei di baoh sang ong Nguyễn Ngọc Lực daok di xã Xuân Đông, huyện Chợ Gạo, tỉnh Tiền Giang hu dom jabat chức năng am cuh klaak saong lum haluk piah plaih kanjah jhak tal môi trường.

5# Dalam thun 2016 tỉnh Vĩnh Long kham merat ngak brei kadung jien “ kayua urang kathoat” di tỉnh hu labaih 165 tỷ đồng. Tapa kadung jien ini piah ramik pasiam saong  apdang ngak sang jum pataom ka dom sang kathaot dalam tỉnh. Hu thau, dalam thun 2015, Ủy ban mặt trận negar dom pakat di tỉnh hu jak ba dom urang hảo tâm daong padang ngak barau saong ramik pasiam 1.174 baok sang jum pataom ka sang kathaot ngan saong yaom jien jaik 36 tỷ đồng.

6/ Thun 2016 lac thun peih ngak dom dự án đầu tư patagok di Đạm Cà Mau. Kayua yau nan ye, cty cổ phần khak drak Dầu khí Cà Mau hu pataom đầu tư tame dự án ngak  khak drak phức hợp meng ure pandiak sraiy công suất 300.000 tấn sa thun hu  yaom jien đầu tư 879 tỷ đồng, tui kuhria peih padang ngak di puac thun 2016 saong ba tame pandar di thun 2018. 

Khaw tin dunya

7# Rajaei Nam Phi barau tabiak quyết định pakauk pablei salih take tê giác. Ini hu maong lac sa bruk ngak piah trun takik bruk cuh mek suan hukum tê giác piah mek take di Nam Phi daok di tanut báo động. Langiu di nan, rajaei Nam Phi jeng brei pablei kho khik piah take tê giác (labaih 12 tấn) piah daong cakakk dom bruk cuh mek tê giác trắng suan hukum.

8/ Liên minh châu Âu njauk hatai brei ka dom cty pandar janih phụ gia hóa limin dalam tái chế dom pandap katak yaom lac gaok bruk phản đối di ralo chính trị gia saong dom urang ngak kayua môi trường. Dalam sa panuac ndom, UB châu Âu brei thau hu dom jalan khik caga piah langyah dom bruk lo ngại urak ini yau bruk quy định yaom giới hạn pandar janih phụ gia dalam sản xuất jeng yau pasang iek dom bruk mbuan njom mbak hóa chất ini ngan saong dom công nhân.

9# Piah daong cakak bruk mbuan hu khủng bố di harei pataom phim dunya jaik rah tabiak, cảnh sát Pháp, harei 21/4, hu peih sa mbang pasram an ninh praong di ban sit labik bhum Địa Trung Hải, Can (Cannes), gah meraong taneh ia  Pháp. Meng bruk hu mbaok di labaih 2ratuh tình nguyện viên, mbang pasram an ninh hu giả định lac hu kol pan phao bất ngờ plong tame  Cung điện Lễ hội ( Palais des Festivals) cuh phao, cap mek con tin...