# Harei ni, 25/5 dom urang hu mbaok di mbang nyaom ka 9 QH mbang 13 ngak bruk di HT, ginum biai ka dự án hukum an toàn, vệ sinh lao động song tong yaom bruk peih ngak jalan patagok KTXH song kadung jien karja thun 2014, bruk peih ngak jalan patagok KTXH song kadung jien karja dom bilan akaok thun 2015, kuhria kadung jien karja thun 2013. Dahlau di nan, peih ngak tantu camcaih laih song hu trách nhiệm. dalam adit tapa, QH hu ginum biai rilo kadha prong di taneh ia yau: pathau khan di rajaei ka bruk KTXH, bruk pasiam veik paka 60 di hukum BHXH thun 2014, dom dự án hukum nghĩa vụ quân sự (pasiam veik), hukum tố tụng dân sự (pasiam veik), hukum thú y….. 

# Mintri pato megru bahrau hu harak payua ka dom sở pato megru, dom sang bac ĐH dang akaok dom cụm pakacah ka bruk ngak pasiam dữ liệu tut angan tame pakacah di thí sinh. Tui nan, dom Sở pato megru, dom sang bac dang akaok dom cụm pakacah brei adat ka thí sinh meyah khin salih dom khau tin dalam harak tut angan tame pakacah, dalam nan hu gam bruk salih janih pakacah hu palih ruah harei 27/5 /2015. Bruk dui atah tukvak pasiam veik khau tin di thí sinh piah palagaih ka thí sinh hu mbaok tame mbang pakacah trung học phổ thông pakat negar thun 2015. 

# Dalam mbang nao rivang ngak bruk song pachrei ba dom urang jakar, urang lin saong bhap bini huyện palao Trường Sa,  kapul ngak bruk ka 12 kayua ong  Mai Văn Ninh, Ủy viên Trung ương Đảng, Phó trưởng Ban Tuyên giáo Trung ương pan akaok song dom urang lambaok dom mintri dom gah di TƯ song puk palei hu mai rivang urang lin saong bhap bini palao Sinh Tồn song peih pakak sang ngak bruk bahrau di angaok palao. Brei panuac di tuk peih pakak sang ngak bruk, urang dang akaok bhum 4 Hải Quân tong yaom glong bruk dong ba abih hatai di  urang jakar, urang gah padang ngak song bhap bini di boh taneh brei ka urang lin saong bhap bini huyện palao Trường Sa. 

# Meng kadung jien “Harei ka urang kan kathaot “Kadung jien ahla” Kapul chữ thập đỏ tỉnh Quảng Bình hu dong ka yaok rituh boh sang kan kathaot blei menuk ada athur rong, patagok sx. Mban tacei pato danak dak “Jum pataom gauk kayua bhap bini” tỉnh Quảng Bình hu jao 15 drei limo lai sinh ka 15 boh sang kan kathaot dok di dom xã dalam huyện Minh Hóa.

# Labaih 2000 SV ĐH Đà Nẵng hu mbaok dalam danak dak Harei padang mbang ngui saong bruk ngak thun 2015. Ni lac bruk jhul pakhang talei rohim di sang bac -- karja song DN di ĐH Đà Nẵng. Ngan saong kadha ““ Đón gió Đông Du khởi nghiệp”,  danak dak lac jalan peih tabiak brei ka SV hu thau jang ka DN, dom chuyên gia tư vấn, klah rabha ilamu, duah bruk ngak hadei di tuk bac tamat bloh di sang bac . 

# Di pasak Nyaom biai parang iek tỉnh Bình Dương, TƯ Kapul dam dara cộng sản Hồ Chí Minh hu peih hrei patom “Urang tangin gheih ranaih umo naih joi” pakat negar mbang ka . Harei patom nan, lac bruk ngak bilan urang ngak thun 2015 piah pachreih ba, pok meyaom, yaih khan dom urang tangin gheih, hu dom kadha, dom hatai sahneng  hadah krah, dalam bruk ngak, sx, bac megru. Giải thuong thun ni hu rilo salih bahrau meng um othun di dom urang hu palih ruah nan lac meng 16 tal 35 thun piah hu ginup urang nan lac anek saih  dom sang bac bruk ngak, trung cấp chuyên nghiệp, cơ sở đào tạo nghề.

# Jabat ngak nong song patagok palei  huyện Cái Bè tỉnh Tiền Giang brei thau, dalam huyện urak ni hu rilo labik glut jaleih taneh di tapen krong biak trak ngak kan kandah tal rai duik di bhap bini. Trak di abih nan lac dom xã Đông Hòa Hiệp, Hậu Thành, Tân Thanh, Tân Hưng, Mỹ Lương song Mỹ Đức Đông. Meng akaok thun tal ni, huyện Cái Bè hu buh tabiak 10 tỷ đồng piah panduan ba ar pacang song pasiam veik 13 labik glut jaleih sit. Daok dom labik glut jaleih prong karja song bhap bini puk palei oh meda pasiam hu. 

Patui di ni dom khau tin dunya

# Karja Mi-an-ma hu panuac sinya, negar ni daok kham merat pambuak bruk song Băng-la-đét song dom negar dalam khu vực piah langyah bruk khủng hoảng di cư angaok tasik ĐNÁ. Panuac di Mintri Ngoại giao Mianma ndom lac, Mianma cong khin hu ngak bruk song Băng-la-đét, negar dok jiak tapen samar langyah bruk urang di cư suan adat tapa Malixia, Thái Lan song In-đô-nê-xia dalam tukvak tapa. 

# Urang ngak prong Trung Quốc brei thau, mbang hajan ia sua rah tabiak dalam dom harei tapa di 6 tỉnh gah kreih negar  saong gah Đông Nam taneh ia ini, ngak ka 57 urang metai song yaok rituh ribau urang njauk paduan nao labik karei. Di ban sit Quý Dương, taneh jaleih song ia duah ngak jaleih sa boh sang glaong 9 tal ngak ka 16 urang metai. Di tỉnh Hồ Nam hu 9 urang metai tuk radeih bus pajeng yaok pluh anek saih mẫu giáo kayua jalan danar  radeih paoh tame tatua bloh nyu takhuak. 

# Labaih 150 urang metai dalam dom harei tapa kayua mbang pandiak bhang trak di bilan hè di gah merong Ấn Độ nan lac An-dra Pra-đét song Tê-len-ga-na (Telengana). Urang dang akaok y tế Ấn Độ brei thau, urang metai kayua pandiak bhang di An-dra Pra-đét nan lac 80 urang. Tong abih dom urang metai nan lac dom urang oh hu sang dok. Urang dang akaok 2 mban ni jeng hu panuac ieu menuac urang jhui nao tabiak lingiu sang tuk pandiak bhang trak dalam harei./.