1# Mintri ilimo padhih saong Du lịch hu peih bruk pakacah thaot binguk ka kadha  “Bhapbini jum pataom dak apdang raidiuk ilimo palei pala barau” di pagaiy harei 1/6, di Hà Nội. Ini lac sa binah di danakdak ginum biai, parang iek ka kadha ini di bhum ceik gah Brak saong Tây Nguyên di mintri. Mban peih bruk kuhria pilih ruah 200 tác phẩm chất lượng siam piah parang iek. Mbang pakacah kayua kapul Nghệ sỹ Nhiếp ảnh Việt Nam daong.

2/ Mintri pato megru hu pandar dom sở pato megru, dom đại học, học viện, dom sang bac đại học, cao đẳng saong cục sang bac – mintri QP tacei pato, pasang iek pakacah THPT pakat negar thun 2016. Tui nan, dom kapul pasang iek brei samar thau bruk peih pakacah, daong jabat khik iek, kapul nyaom, menuac urang hu mbaok tame mbang pakacah ngak njauk quy chế pakacah pakat negar saong dom văn bản pambuak tal mbang pakacah. Bruk ini hu rik daong khik kajap ka mbang pakacah rah tabiak dalam siam mekre, njauk adat hukum, pacang cakak, langyah atau pok panuac tagok pakat angaok langyah meyah hu bruk ngak sung.

3# Piah ba mbuan lagaih ka thí sinh tame mbang pakacah Trung học phổ thông pakat negar 2016, Sở pato megru tỉnh Lâm Đồng hu tacei pato dom sang bac trung học phổ thông dalam tỉnh dak padang bruk, hu jalan rami ramik labik mbang, padheih padhaiy  saong ba raok anek saih dahlau, dalam saong hadei tukvak rah tbaiak mbang pakacah. Lâm Đồng hu 13.899 thí sinh tut angan mai pakacah trung học phổ thông pakat negar thun 2016. Dalam nan, cụm pakacah kayua sang bac Đại học Đà Lạt dang ngak, caik ka thí sinh caong pakacah tốt nghiệp saong pilih ruah tame đại học, cao đẳng hu 11.347 thí sinh tut angan tame pakacah .

4/ Kadung jien daong ka uranaih tỉnh Quảng Ngãi hu pambuak bruk saong công ty sữa đậu nành Vinasoy alin hadiah jaik 400 paok pandap ka uranaih joh jo, metui medhua, gaok kan kandah dalam tỉnh. Yaok paok pandap yaom 200 ribau đồng  saong 12 pa-op sữa Vinasoy. Ini lac sa dalam bilan ngak ka uranaih thun ini. Ong Bùi Đức Thọ, Giám đốc kadung jien daong ka uranaih tỉnh Quảng Ngãi brei thau: “Langiu sarak daong XH tui quy định di đảng saong karja, kol dahlak hu jak ba yaom jien daong ka dom adei bac daa, daong ka dom adei oh klak bac . Taphia di nan hu bruk pachreih ba di dom gru pato, mikva puk palei piah dom adei oh mặc cảm saong XH”. 

5# Salam uan bilan eik Ramadan di bhapbini Cam Islam, harei kabroi 1/6 ,  Ban bangsa ban raya Hồ Chí Minh pambuak bruk saong Ủy ban bhapbini Quận 3 peih bruk taom gaok saong alin pandap ka 54 sang urang Cam kan kandah di 3 phường: 10, 11 saong 13, quận 3. Yaom pandap alin abih tih lac 12 triệu đồng. Ini jeng lac tuk piah ka bhapbini Cam hu taom gaok, pambuak talei rohim haong karja dak apdang Quận 3 jeng ye dak apdang ban raya Hồ Chí Minh dak harei dak patagok. Ông Haji Amad, Na-ib (Phó giáo cả Thánh Đường) Jamaah Nuorul Islam, phường 13, quận 3, ban raya Hồ Chí Minh lac : 

Băng tiếng Chăm 22s:

6/ Hajan khang dui atah dalam dom harei tapa ngak ka yaok ribau ha padai hè thu di tỉnh hậu Giang jaleih, ngak kan kandah ka mikva dalam bruk yuak kuak saong pablei padai. Kayua dauk ia, padai juk kanduh, pacah meta, patrun chất lượng nan ye urang blei chip di hamu yaom meng 200 tal 300 đồng sa kg padai that duk saong meteh bilan dahlau. Urak ini urang nông pablei padai di hamu yaom 4.500 đồng sa kg padai IR 50404 saong meng 4.900 tal 5.000 đồng/kg padai OM 5451. Yaom padai trun dalam tuk yaom pah yuak tagok; kayua yau nan ye, mikva oh hu laba ralo dalam vụ padai ini.

7# Biar harei 1/6, bác sĩ Lê Hồng Nga, akaok phòng Kế hoạch tổng hợp, pasak Y tế Dự phòng ban raya Hồ Chí Minh brei thau, ban raya barau hu sa urang ruak akaok mereip metai kayua viêm não mô cầu.Tui panuac khan di sang iek ruak Bệnh nhiệt đới ban raya Hồ Chí Minh, urang ruak lac uranaih kumei umo 5 bilan daok di Quận 11ba tame sang iek ruak tukvak 16 tuk harei 28/5 saong dom dấu hiệu mam takik, mboh hu dom đốm tabiak darah di dua gah pha, pandiak glaong, cambuai jhuk, tím tái. Ruak rah tabiak samal, hadei labaih 8 tuk tame sang iek ruak, uranaih metai. Kết quả xét nghiệm brei mboh, uranaih ruak ini dương tính saong vi khuẩn não mô cầu týp B. 

Patui di ini dom khau tin dunya:

8/ Harei kabroi 1/6, lambaok kadung jien Nhi Đồng Liên Hợp Quốc (UNICEF) di I-rắc, ông Pi-tơ Hau-kin hu panuac lac, chiến dịch mek veik ban Pha-lu-gia di bol bala Irac saong bol bala dunya kayua Mỹ ba akaok urak ini meda ngak brei kanjah jhak tal rai diuk di yaok ribau uranaih daok gar di ban ini saong dom labik jaik taphia. Tui kuhria mboh di kadung jien Nhi đồng LHQ, jeng daok takik abih 20 ribau uranaih daok gar di Pha-lu-gia. 

9# Pagaiy 1/6,di jabat mintri Quốc phòng Campuchia, Đại tướng Ngô Xuân Lịch saong kapul hu ginum biai haong kapul urang jakar quan sự pakat gloang Negar Campuchia kayua Đại tướng Tia Banh ngak akaok kapul. Đại tướng Ngô Xuân Lịch ndom lac jalan ngak dahlau hadei oh salih karei di Việt Nam lac patagok talei pambuak bruk siam mekre taong abih gah saong dom taneh ia, abih di nyu nan lac dom taneh  hu talei pambuak bruk meng kan saong hu biên giới taphia gauk.

10/ Gilang pariak dunya harei kabroi 1/6 brei thau hu brei mesraiy 122 triệu đô la daong bhum gah meraong châu phi peih ngak dom dự án pacang lao saong dom ruak nghề nghiệp ngak kan kandah tal phổi. Yaom jien ini hu payua ka dự an1daong hệ thống y tế saong lao gah meraong châu phi, tapa nan hu pamaong tal dom labik dân cư ngak bruk khai khoáng hu tỷ lệ njom lao, HIV/AIDS glaong, dom labik dân cư daok di tuyến hành lang pajeng ba, dom labik nao tapa negar di Dămbia, Lêsôthô, Ma-la-uy, Mô-dăm-bích./.