# Patui danak dak mbang nyaom ka 9, harei ni 26/5 QH pang harak pathau khan pasang iek dự án hukum phí, lệ phí, ginum biai di Hội trường ka dom asal kadha dok hu panuac karei di gauk dalam dự thảo hukum  kiểm toán karja (pasiam veik). Beir harei, dom urang QH ginum biai di tổ ka dự án hukum hình sự (pasiam veik). Tui dom urang QH, dự án hukum hình sự mbang ni hu rik dong biak prong khik caga trật tự an toàn XH, paglong bruk pacang caga ba pasiam dalam bruk langyah urang ngak suan adat, iek prong song khik ginup quyền anek menuac, quyền công dân tui hukum negar thun 2013, brei mboh dom jalan ngak tiến bộ ka tội phạm song hình phạt. 

# Jiak 6.700 boh sang urang bangsa takik di tỉnh Lào Cai hu mbaok tame bruk pala glai salih ka hamu puh. Tui nan, hu 6000 ha hamu puh hu salih tapa pala glai. Dự án pala glai salih ka hamu puh hu tỉnh Lào Cai peih ngak iek di 3 huyện kan kathaot nan lac Bắc Hà, Si Ma Cai song  Mường Khương.

          # Kapul phật Tử Tịnh viện pháp hạnh song kapul nghệ sỹ ban raya HCM pambuak bruk song kapul urang njauk jru klik kroic ban sit Đà Nẵng bahrau peih bruk tom gaok urang njauk jru klik kroic dok dalam ban ĐN. Mbang ni, kapul hu jao 120 pok pandap, yaok pok yaom 300 ribau đồng ka urang njauk jru klik kroic di pasak dong ba urang njauk jru klik kroic song uranaih metui medar di ban sit ĐN piah dong ka dom adei dalam rai duik. Urak ni Kapul njauk jru klik kroic ban sit ĐN hu pachreih ba dom kapul nyom, menuac urang dong labaih 55 tỷ đồng dong ka urang njauk jru klik kroic.

# Di ban raya HCM, sang bac Cao Đẳng papar sap papar binguk II- rayo sap ndom Việt Nam pambuak bruk song rayo papar sap papar binguk tỉnh Quảng Nam peih tal khik ramik sỐ hóa truyền hình ka 40 urang jakar khik iek di rayo papar sap papar binguk Quảng Nam song rayo papar sap papar binguk dom huyện, ban sit di tỉnh ni. Dom urang hu mbaok tame bac, hu yaih khan dom roh duah ka bruk patagok di truyền hình số di rilo negar angaok dunya dok hu ba tame pandat di VN 

# Harei kabroi, 25/5 gah chức năng tỉnh Đồng Nai chap hu sa labik sik ngak pabui lậu di phường Long Bình, ban sit Biên Hòa. Ni lac labik sik ngak pabui lậu ka 3 hu chap quả tang dalam 5 harei  tapa. Tapa nan brei mboh bruk sik ngka pabui lậu dok rah tabiak rilo song kan si pacang hu abih. Urak ni, taong abih rilaow pabui, tung pruac song pabui OH ka hu sik ngak hu jabat chức năng ba mai labik sik ngak praong piah mek mẫu dut iek song langyah tui adat hukum. 

# Yaok pluh ribau ha padai hè thu di Trà Vinh oh ka patrun pajaih hu kayua pandiak bhang, njom mbak, nan ye te tuk vak trun pajaih meng 15 tal 20 harei. Bruk ni meda ba tal dom bilan padai hadei kurang ia di puac bilan, yaom phun jien glaong. Dom huyện njauk pandiak bhang, njom mbak rilo di abih nan lac Trà Cú, Cầu Ngang song dom labik dalam huyện Châu Thành. Dalam nan,  mblang hamu di huyện Trà Cú oh ka patrun pajaih hu kayua njom mbak di dom baoh krong dok di tanut glong.

# Hadei di tuk rayo sap ndom VN brei thau ka bruk yaok rituh boh sang di ban sit Mỹ Tho hu panuac ieu daong kayua bhian cúp điện tuk melam. Ong Lưu Thanh Nam, Giám đốc Điện lực Tiền Giang brei thau: tuk thau bruk nan, đơn vị hu tacei pato Điện lực Mỹ Tho samar pasiam bruk daok ngak ka urang pandar điện duh hatai. Điện lực Tiền Giang jeng cong khin urang pandar điện klah rabha dom kan kandah dalam tuk tabung glong pandiak bhang kurang điện, peih ngak dom jalan patak patom điện piah patrun patakik tải ka dom bilai biến áp. 

Patui di ni dom khau tin dunya:

          # Hy Lạp oh bayar hu sre ka kadung jien dunya njauk tukvak di harei 5/6 anak tal  kayua oh hu jien. Brei panuac angaok rayo papar binguk negar Hy Lạp. Akaok mintri nội vụ Ni-cốt Vâu-xít (Nikos Voutsis) hu panuac lac, pok jien ka 4 bo Hy Lạp njauk bayar brei kadung jien dunya dalam bilan 6 anak tal nan lac 1 tỷ 600 triệu ơ-rô (samu 1 tỷ 800 triệu đô la) min urak ni Hy Lạp oh hu jien piah bayar.

          # Urang metai kayua pandiak bhang di Ấn Độ hu rilo dalam DOM harei tapa tuk nhiệt độ jaik tal 50 độ C di dom labik dalam negar Nam Á ni. Tui kuhria hu tal 430 urang metai. Dalam adit dahlau hu jiak 250 urang metai kayua pandiak bhang. Urang metai rilo meng lac dom urang hu umo labaih 50 thun song ngak bruk di langiu lingik dalam rilo tukvak. 

# Mintri y tế Ni giê brei thau, jit viêm glaow akaok dok tagok khang di Ni Giê. Kuhria meng akaok thun tal ni hu labaih 6 ribau 600 urang njom ruak song labaih 440 urang metai kayua jit ruak ni. Tui dom urang dang akaok gah y tế, bruk kurang vắc xin di Ni Giê jang yau di dunya dak ngak ka jit viêm glaow akaok tagok khang./.