# Patui danak dak ngak bruk mbang nyaom ka 9, QH mbang 13, harei 29/5, QH ginum meyai di tổ ka dự án hukum pasiam veik, pabak dom paka di hukum kế toán saong dự án hukum phí, lệ phí. Dahlau nan, harei 28/5, ginum meyai ka bruk quyết toán kadung jien karja thun 2013, dom urang lambaok ndom lac: tapa bruk mek tame pandar cai kadung jien karja thun 2013 pabak hu dom bruk QH ba tabiak, peih ngak sarak an sinh xã hội, pacang cakak pasiam veik dom khat lihik di bala meng lingik tasik, khik kajap an ninh QP dalam bruk mek tame jeng daok kurang lahik gah kak je.

        #  Hukum trưng cầu dân ý hu QH ba tabiak ginum biai harei 28/5 pachreih hu bruk sangka di rilo cử tri ban sit Đà Nẳng. Ong Nguyễn Văn Phi daok di phường Thọ Quang, quận Sơn Trà ban sit Đà Nẵng ndom lac: Hukum trưng cầu dân ý palagaih ka bhap bini brei mboh quyền ngak po ngan song dom bruk prong di taneh ia. Saai Phạm Phương Nam, dok di ban sit Đà Nẵng hu panuac lac: Tui hulin, dom bruk prong di taneh ia njauk ba tabiak ka bhap bini ginum. Kayua khol drei urak ni daok ngak  tui jalan dân chủ, pagap yau bruk lệ phí, abih di nyu nan lac phí giao thông jalan mbak, dom pok jien hagait gam tal bhap bini njauk ginum biai song bhap bini, bruk pato pakai môi trường khol drei brei pabak tame.    

# Di HN, Ủy viên mintri chính trị, akaok Uỷ ban Trung ương MT negar Việt Nam Nguyễn Thiện Nhân hu taduan rok amuk Ritsu Nacken, quyền akaok lambaok kadung jien Dân số Liên Hợp Quốc di Việt Nam mai rivang UB TU7MT negar VN. Di var taduan rok, ong Nguyễn Thiện Nhân ndom lac ruah duah di kadung jien dân số LHQ hu daong ka rajaei VN saong rup ong hu thau ka bruk khik iek tukvak patagok menuac sia saong dom urang ngak hu kein ka bruk patagok suai lavik di taneh ia.

# Di HN, Đại tướng Trần Đại Quang, akaok mintri công an VN hu taduan raok kapul Ủy ban Quân vụ Thượng viện Hoa Kỳ kayua Thượng nghị sĩ John McCain, akaok Ủy ban Quân vụ Thượng viện ba akaok mai rivang song ngak bruk di VN. Ong Trần Đại Quang cong khin Ủy ban Quân vụ Thượng viện Hoa Kỳ, abih di nyu nan lac ong John McCain hu dom bruk ngak tantu cambaih laih piah jhul pakhang talei pambuak bruk di tong abih gah njauk haong pren klhang, njauk haong talei rohim di 2 negar.     

# Dalam tuk gam dang akaok mbang nyaom ka 8 UB hỗn hợp ka bruk  pambuak talei rohim VN saong Mi-an-ma di Nay-pi-tô, Mi-an-ma, Phaok Thủ tướng, akaok mintri Ngoại giao Phạm Bình Minh hu ginum meyai saong tổng thống taneh ia Cộng hòa liên bang Mi-an-ma Thên Sên saong hu mbang ginum meyai saong akaok mintri Ngoại giao Mi-an-ma Un-na Mong Luyn. Dua gah njauk hatai brei patagok parilo mbang nao rivang saong taom gaok pakat glaong saong dom pakat, patagok siam mekre dom sarak pambuak bruk dua gah urak ini di dua taneh ia.

# Chi cục thú y Đồng Nai pambuak bruk song Phòng Cảnh sát pacang caga tội phạm gah môi trường (PC49), Công an Đồng Nai chap hu 2 labik sik pabui lậu di xã Phước Thái song  xã Long Phước, huyện Long Thành, kayua ong Nguyễn Ngọc Hoàn saong ongNguyễn Văn Vinh ngak po. Di 2 labik  ni, hu abih tih jiak 1 tấn rilaow pabui hu sik ngak caik kreik sang oh hacih saat, labik sik ngak oh hu vệ sinh. Yau nan, dalam sa adit tapa, công an tỉnh ĐN song chi cục thú y tỉnh chap hu 5 labik sik ngak pabui lậu dalam tỉnh.             

Patui di ini dom khau tin dunya:

# Di mBan Thư ký ASEAN, Gia-các-ta, In-đô-nê-xi-a, ong Nguyễn Hoành Năm - Đại sứ, akaok kapul lambaok thường trực Việt Nam di ASEAN, hu pok harak ủy nhiệm di phaok thủ tướng, akaok mintri Ngoại giao Phạm Bình Minh ka Tổng thư ký ASEAN Lê Lương Minh. Di var taduan rok hadei di tuk pok Ủy nhiệm thư, Tổng Thư ký ASEAN tadhau yuh Đại sứ taduan bruk barau lac lambaok thường trực di VN di ASEAN, tapa nan brei thau hatai caong khin pambuak bruk khang kajap saong đại sứ jeng yau kapul VN di ASEAN dalam tukvak anak tal.

# Di ban ine Phnôm-pênh, Campuchia, Công ty Cổ phần khak drak xăng menyek  Cà Mau hu peih bruk tabiak mbaok khak drak di darak pasa CPC. Brei panuac di tuk nan, amuk Men Som On  (Men Soman), Phó thủ tướng Camphuchia tong yaom glong bruk hu mbaok khak drak Cà Mau di darak pasa CPC. Ni lac jalan piah ka urang nong CPC palih ruah dom pandap bahrau siam di abih, chất lượng glong, yaom lap pabak tame bruk ngak nong, dong ka gah ngak nong mek hu siam mekre.  

# Hải quân I-ta-lia brei thau kapul khik caga takai tasik taneh ia ini barau daong hu sa kapal ikan pajeng 234 urang di cư daok seik angaok tasik Địa Trung Hải. Dom bruk daong ini rah tabiak di langiu tasik Địa Trung Hải hadei di tuk gah chức năng Italia duah mboh sa kapal taong cap ikan daok nao ban glai ban klo di labik langiu tasik atah ban lam nge Xisin, tỉnh Ô-gút-xta 200km. Dom urang di cư sung hukum nan hu 187 likei, 38 kamei saong 9 uranaih hu ba nao tal pabah lamnge Ô-gút-xta piah karja taneh ia ini pasang iek, duah thau ka makna di bruk nao tapa tasik meng kapal ini./.