1# Melam 29/3, tỉnh Thái Nguyên hu peih bruk brei thau inem krung ilimo phi vật thể pakat negar adat cấp sắc di urang Dao tỉnh Thái Nguyên saong alin angan Nghệ nhân ưu tú, pok angan Nghệ sĩ ưu tú. Adat cấp sắc di urang Dao lac sa  adat oh kurang hu piah brei thau bruk praong tagok di urang likei bangsa Dao. Tapa nan, lambaok mintri ilimo, padhih saong Du lịch gam urang dang akaok tỉnh Thái Nguyên jeng alin angan Nghệ nhân ưu tú ka 9 nghệ nhân hadah trah saong angan Nghệ sĩ ưu tú ka 4 nghệ sĩ naih kheih di abih, rik daong siam ka bruk khik ramik, patagok yaom glaong ilamu mengkan.

2/ Hadei di tuk mintri pato megru brei thau dom bruk pambuak tal palih ruah anek saih tame ĐH, CĐ hệ chính quy thun 2016 angaok cổng thông tin điện tử di labik piah anek saih saong amaik ame duah thau tapak, sang patabiak tapuk pato megru VN jeng tabiak baoh tapuk “dom bruk caong thau ka palih anek saih tame đại học, cao đẳng thun 2016”. Tapuk hu ba tabiak meng harei 30/3/2016 piah dil duh ka anek saih ngak hồ sơ tut angan tame pakacah (meng harei 1/4/2016 tal harei 30/4/2016) Yaom pablei 37.500 đồng sa baoh.

3# Dalam tỉnh Gia Lai urak ini hu jaik 14.000 sang ngan saong 62.000 menuac urang gaok kurang mbang dalam tuk cang bilan yuak; Dalam nan hu jaik 12.000 sang bhapbini bangsa takik. Makna praong di bruk kurang mbang lac kayua tua riya ngak kan kandah trak tal dom janih phun pala di bilan Đông Xuân 2015 - 2016. Anak bruk ini, uy mban bhapbini tỉnh Gia Lai hu tacei pato dom pakat karja puk palei, dom gah chức năng jhul khang bruk pasang iek saong hu bruk daong  samal ka bhapbini; oh caik ka bhapbini dalam bhum tua riya njauk kurang mbang dalam tuk cang bilan yuak.

4/ Pahadar 41 thun harei peih paha ban Đà Nẵng (29/3), mesup ini, miuyim Đà Nẵng peih danak dak yaih khan ilamu meng kan di bhap bini Cơ Tu daok di Đà Nẵng saong Quảng Nam tal ralo tuai damuai saong bhap bini ban ĐN. Danak dak hu dom bruk ngak yau: parang iek dom rup binguk, pandap panda brei thau ka ilamu mbang huak, khan ao, rija roya, bruk ngak mbang ngak huak yaok harei di bhap bini bangsa Cơ Tu ngan saong kadha “ilamu bangsa Cơ Tu – labik khik ramik ilamu bhap bini”; yaih khan saong parang iek dom bruk meng kan di bhap bini Cơ Tu daok di ĐN saong Quảng Nam yau menyim khan bai, pak yot, sarak kayau, yaih khan alak cần Phú Túc di xã Hòa Phú, huyện Hòa Vang, ban Đà Nẵng.

5# Harei 29-3, Trung ương kapul Chữ thập đỏ Việt Nam hu nao tal  huyện Giồng Trôm, tỉnh Bến Tre piah daong ia menyim chip ka 800 sang kathaot di 3 xã: Lương Hòa, Lương Quới saong Phong Mỹ. Tui nan, yaok sang hu Trung ương kapul Chữ thập đỏ Việt Nam  alin dua  2 bình ia lọc, 2 can padang ia (janih 20 lít/sa can) saong 100 athar hlang ia.

6/ Tui viện Pasteur ban raya Hồ Chí Minh, meng 8 tuk mesup ini 30/3, viện ini hu taduan bruk tut angan tame klauk Vacxin  5 dalam 1 Pentaxim tapa Tổng đài 08. 1080. Viện Pasteur ban raya khan lac tok di taduan bruk tanut angan tapa tổng đài phon pan tangin, oh taduan bruk tut angan tapak. Ini lac mbang ka 4, Viện Pasteur ban raya Hồ Chí Minh peih bruk tut angan klauk vacxin mbang jien. Yaom jien ka sa mbang klauk Petaxim lac 665 ribau đồng. Lingiu di nan, Viện Pasteurban raya jeng hu caga klauk vaccin dalam danak dak klauk caga peih praong pakat negar. Urak ini, di ban raya HCM, dom labik klauk caga karei ralo meng abih vacxin dịch vụ Pentaxim 5 dalam 1.  

Patui di ini dom khau tin dunya:

7/ Mesup harei 29/3, di ban ine Phnompenh, Liên đoàn Truyền thông ASEAN peih bruk jao giải thưởng “sron mbon saong patagok” ka Thủ tướng Campuchia ong Hun Sen saong akaok Quốc hội ong Hen Som Rinh. Brei panuac di tuk peih bruk, ong Sen Rong Reong, Tổng thư ký liên đoàn truyền thông ASEAN  taong yaom: dalam dom thun mesruh metak Thủ tướng Campuchia ong Hun Sen saong akaok Quốc hội ong Hen Som Rinh hu mbaok tame mesruh metak piah peih paha bangsa tabiak truh chế độ diệt chủng. Urak ini taneh ia hu sron mbon, Thủ tướng saong akaok QH daok hu mbaok dak padang saong patagok taneh ia dak harei dak kaya meda, rai diuk bhap bini oh padeih patagok.

8# Quốc hội Nhật Bản barau patabiak kadung jien karja glaong di abih yaom 96.720 tỷ yên (jaik 852 tỉ USD) ka thun jien padai 2016 (peih tabiak meng harei 1/4 tal). Dalam thun jien padai 2016, kaoh tabiak dom paok jien bayan sraiy, rajaei Nhật Bản caik kadung jien sarak karja glaong di abih 73.110 tỷ yên ka dom bruk saong danakdak, dalam nan 31.970 tỷ yên caik ka an sinh xã hội. 

9/ Báo chí Malaysia harei 29/3 brei thau 8 urang taong cap ikan saong 3 tài công taneh ia ini lahik tuk nao taong cap ikan meng harei 25/3 saong oh mboh mai veik hadei di 3 harei. Urang dang akaok jabat chấp pháp tasik Malaysia bhum Kelantan, Đại tá Nurul Hizam Zakaria brei thau 11 urang taong cap ikan angaok sa sruh kapal taong cap ikan nan tabiak pabah lamnge Pangkalan Petah biar harei 25/3. Labik nao lac atah di pabah lamnge  Tok Bali, bang Kelantan, 64 hải lý. Tui kuhria, kapul taong cap ikan ini mai veik sang harei 28/3, min tal urak ini jeng oh kamboh mai veik. Đại tá Nurul Hizam  brei thau, dom bruk ruah duah di kapul MMEA hu peih tabiak  meng 28/3, min tal jala pandiak 29/3 jeng oh oh ka duah mboh labik dom urang lahik./.