1# Harei ini (31/3), Quốc hội daok pasang iek pasiam dom angan urang dang akaok karja saong bruk pilih ruah akaok Quốc hội, akaok Hội đồng pilih ruah negar saong peih ngak quy trình miễn nhiệm ka angan akaok taneh ia. Dalau nan, lambaok ka mban kiểm phiếu, ông Huỳnh Văn Tí, akaok kapul urang jakar tỉnh Bình Thuận, hu ba tabiak bruk kiểm phiếu ka miễn nhiệm akaok Quốc hội, akaok Hội đồng plih ruah negar di ông Nguyễn Sinh Hùng.

2/ Di jabat ngak bruk rajaei, Ủy viên mintri chính trị, phaok thủ tướng Nguyễn Xuân Phúc hu taduan amuk Mê Na ni shut van hê gân – akaok mintri cơ sở hạ tầng saong môi trường Hà Lan, daok rivang saong ngak bruk di taneh ia drei. Di var taduan,  amuk akaok mintri cơ sở hạ tầng saong môi trường Hà Lan khan brei phaok thủ tướng  thau ka mbang nyaom UB dua Rajaei dua tneh ia saong biến đổi khí hậu. Taphia di nan, ndom lac: amuk kham merat abih drei piah klah rabha saong VN ilamu, chuyên môn saong phun jien daong gah biến đổi khí hậu meng dom jalan ngak di anak meta saong suai lavik bo Hà Lan hu gaok bloh, yam tapa kan kandah saong langyah siam dom cuang kandah ini.

3# Tui Chi cục Thú y tỉnh Quảng Bình, di 3 xã Tân Ninh, An Ninh, Hiền Ninh, huyện Quảng Ninh barau hu 35 drei kubao, limo mboh hu triệu chứng lâm sàng, sahaneng lac gaok ruak saluac cambuai papaok kakau. Gah Thú y tỉnh hu brei 600 liều vắc xin saluah cambuai papaok kakau saong 100 lít hóa chất sát trùng piah pametai saong klauk caga jit ruak di tapol kubao, limo di dom xã hu ruak. Ông Phạm Hồng Sơn, akaok Chi Cục Thú y tỉnh Quảng Bình brei thau: Kol dahlak ngak bruk saong huyện saong peih bruk khik ramik, duan pataom saong pacang caga jit ruak ngak habal ka jhui pambak dalam tỉnh. Dom hareiu tapa dom puk palei hu ngak siam dom bruk ye : pathau khan ka urang bhapbini dom tapol gaok ruak hu raong kareik, oh pajeng tabiak langiu. Tal tukvak ini jit ruak jeng hu padam.

4/ Mesup harei 30/3, tỉnh Quảng Nam brei thau quyết định brei adat “Quy hoạch khik ramik saong patagok sâm ngọc linh di huyện Nam Trà My tukvak 2016 0 2020 saong jalan ngak tal thun 2030”. Tỉnh Quảng Nam buh labaih 2.200 ha di 7 xã dalam huyện Nam Trà My piah khik ramik saong patagok sâm ngọc linh. Tukvak meng thun 2016 tal thun 2020, tỉnh Quảng Nam brei buh jien tame patagok 120 ha bhum pandih sâm ngọc linh pajaih asal; pala 600 ha sâm, ba abih tih taneh sâm ngọc linh di huyện Nam Trà My hu 665 ha.

5# Pandiak bhang dui atah rilo bilan tapa ngak ka halau ia di dom danao caik piah ia dalam tỉnh Bình Định trun samal saong tanut trun bình quân 2 triệu m³ ia sa adit. Urak ini, lượng ia di 161 danao padang ia di tỉnh Bình Định tok hu 65% dung tích thiết kế. Halau ia urak ini daok hu di dom danao padang piah dalam tỉnh oh khik caga ia pruh ka phun pala bilan hè thu. Meyah lingik oh hu hajan, bilan hè thu   thun ini jaik 11.400 ha phun pala dalam tỉnh Bình Định meda thulagu saong kurang ia di rilo mức độ karei di gauk. Tỉnh Bình Định daok peih ngak drak samal bruk caga tua di bilan hè thu saong ba ia pandar ka bhapbini.

6/ Mesup 30/3, hu panuac di jabat truyền thông mintri y tế ndom lac di tỉnh Khánh Hòa hu 4 urang duk iek drah mboh dương tính saong virut zika saong biar harei nan, di Viện Pasteur Nha Trang, tỉnh patabiak panuac brei thau jit zika. Urang dang akaok Sở Y tế tỉnh Khánh Hòa hu taih klak panuac ini. Tiến sỹ Lê Tấn Phùng, Phó giám đốc gam lac urang brei panuac di Sở Y tế tỉnh Khánh Hòa brei thau: “Tal tukvak ini, oh ka hu urang ruak halei di Khánh Hòa lac njom vi rút Zika. Panuac ndom hu 4 urang ruak dương tính lac oh cambaih laih. Sở Y tế oh ka caga tabiak panuac lac hu jit ruakt. Daok gah pasang iek tui tacei pato di Viện Pasteur Nha Trang ngan saong urang medil lac ruak pandiak tabiak drah hanjul, oh njauk lac ruak pandiak tabiak drah ye kol drei mek mẫu. Nan lac tui iek gam gam min”.   

7# Di thun ini, kadung jien “ kayua tasik pulao palei negar – kayua tuyến akaok negar” di Ủy ban Mặt trận negar Việt Nam ban raya Hồ Chí Minh kham merat jum pataom 35 tỷ đồng piah pasang iek ka dom urang lin di Trường Sa saong jhul pakhang bruk patahu khan ka chủ quyền tasik pulao. Taphia nan, Mặt trận negar Việt Nam ban raya Hồ Chí Minh pambuak bruk saong rilo labik peih bruk pathau khan ka chủ quyền tasik pulao palei negar ka abih bhapbini, rilo lac urang ranaih umo.

Patui di ini dom khau tin dunya:

8/ Tổng thống Prang Phrăng-xoa Ô-lăng barau brei thau, oh jhul pakhang bruk pasiam veik hukum negar, dalam nan hu sa điều khoản brei adat yaik kalak quốc tịch Prang di kol khủng bố njauk kết tội. Bruk ngak nan rah tabiak hadei di tuk QH Prang oh njauk hatai ka jalan ngak ini. Pasiam veik hukum neagr lac sa dalam rilo jalan ngak bo tổng thống Ô lăng hu panuac ieu ngak piah patagok an ninh meng tuk dom mbang tấn công khủng bố rah tabiak melam 13/11/2015 di ban ine Pari Prang ngak ka 130 urang metai. Urak ini yaok rituh urang prang hu dua quốc tịch meda nao ngak ka kol IS di Irac saong Xyri. Rajaei Pranghuac lac tuk kol nyu mai veik, dom urang ini jeng ngak srau kadau praong ka an ninh taneh ia. 

9# Rajaei barau di Mi-an-ma harei 30/3 hu brei dak padang Hội đồng An ninh saong Quốc phòng negar hu 11 urang saong akaok hội đồng lac tân Tổng thống Mi-an-ma Tin Chô (Htin Kyaw). Quyết định dak padang hội đồng kayua tân Tổng thống Mi-an-ma Tin Chô tut angan hadei harei tuyên thệ taduan mek bruk rah tabiak dahlau nan dalam harei. Tui hiến pháp Mi-an-ma, Hội đồng An ninh saong  Quốc phòng Quốc gia hu gam dom urang lac dom Phó Tổng thống, akaok Quốc hội saong dom urang jakar pakat glaong karei Mi-an-ma.

10/ Labaih 31 ribau urang tị nạn Ma-li di Buốc-ki-na Pha-xô daok dang anak bruk mbuan eik lipa kayua jien padai takik. Ini lac panuac di danak dak lương thực dunya barau ba tabiak barau ini. Tui danak dak lương thực dunya, dalam thun 2015, tổ chức ini hu daong pandap mbang menyum saong jien padai ka labaih 31 ribau urang tị nạn Mali di Buốc-ki-na Pha-xô. Min, tal thun 2016, tổ chức ini jeng oh ka taduan hu bruk daong jien padai meng dom gah tài trợ, kayua yau nan ye, brei patrun patakik pandap mbang menyum daong ka urang tị nạn./.