1# Bair harei kabroi 2/6, di sang Quốc hội, Phó akaok Quốc hội Uông Chu Lưu hu taduan raok akaok mintri Tư pháp Lào Xay-xỉ Xẳn-ti-vông daok hu mbang ravang saong ngak bruk di Việt Nam.  Phó akaok  Quốc hội Uông Chu Lưu ndom lac, Quốc hội saong rajaei Việt Nam tuk halei jeng daong saong ba mbuan lagaih ka mintri Tư pháp dua taneh ia paglaong bruk ginum biai, parabha saong daong gauk di gah tư pháp, tapa nan, rik daong jhul khang bruk patagok dom talei pambuak bruk  di dua taneh ia.

2/ Jeng dalam biar harei kabroi 2/6, di jabat ngak bruk rajaei, phaok thủ tướng Vương Đình Huệ taduan phaok akaok gilang pariak dunya Victoria Kwa Kwa. Brei panuac di var taduan, phaok thủ tướng caong khin gilang pariak dunya saong dom gah pambuak bruk patagok ruah duah dom sarak piah daong VN hu nao jaik jang ngan saong dom phun jien yaom lap, piah đầu tư patagok, pacang cakak biến đổi khí hậu saong daong patrun kathaot khang kajap.

3# Di nyaom biai patabik bruk pacang caga xua ribuk bair harei 2/6, Ban tacei pato pacang caga kanjaik jhak di tlingik tasik saong duah daong urang njauk bala ban sit Đà Nẵng pandar dom labik, puk palei padang bruk pacang caga kanyaik jhak di lingik tasik. Ông Phùng Tấn Viết, Phó akaok Ủy ban bhapbini ban sit Đà Nẵng brei thau :

(Kol drei dak padang kịch bản, sóng thần,ribuk pakat halei, ba bhapbini nao pak halei. Dahlak pandar dom gah, puk palei glang iek piah ramik pasiam bruk ngak ka njauk. Parabha ka pahu labik mbuan si gaok bala glaong. Pasang iek ramik pasiam bruk ba bhapbini nao plaih di yaok puk palei. Brei padang biển brei thau ka tuai damuai. Khik veik dom kapul daong urang njauk bala, peih ngak siam  tuk hu bruk di puk palei. 

4/ Dalam mbang pilih ruah urang ka QH mbang XIV saong urang ka hội đồng bhap bini dom pakat tukvak 2016 – 2021, cử tri dom tỉnh Tây Nguyên palih ruah hu 34/35 urang QH mbang XIV (Lâm Đồng pilih ruah kurang sa urang), 344 urang hội đồng bhap bini tỉnh, 2.200 urang hội đồng bhap bini pakat huyện, 20.274 urang hội đồng bhap bini pakat xã. Bruk pilih ruah hu rah tabiak dalam chreih chrai, lac harei di bhap bini dom bangsa dalam bhum tây nguyên, hu jaik taong abih cử tri nao buh phiếu.

5# Bair harei 2/6, Ban tacei pato mbang pakacah Trung học phổ thông pakat negar thun 2016 tỉnh Bình Thuận peih mbang nyaom ka bruk peih pakacaha, khik caga  piah mbang pakacah rah tabiak siam, tapak. Gah pato megru Bình Thuận hu ba tabiak rilo jalan daong thí sinh mai pakacah, abih di nyu nan lac thí sinh bhum atah bayah, bhum kan kandah. Sở  pato megru Bình Thuận hu pataom labaih  2.300 labik daok di dom sang bac trung học phổ thông, cao đẳng, sang bac nghiệp vụ hu ký túc xá piah brei ka thí sinh daok saoh.

6/ Tui sở y tế Khánh Hòa, ruak pandiak tabiak drah di tỉnh mbuan tamuh glaong di dom bilan 6 saong 7. Tal akaok bilan 6 ini, tỉnh Khánh Hòa hu labaih 3.300 urang ruak pandiak tabiak drah, dalam nan hu 1 urang metai. Dalam bilan 6, gah y tế tỉnh pataom tame peih bruk pruh jru pametai jamuah pambak praong.

7# Thành đoàn ban raya Hồ Chí Minh harei kabroi 2/6, hu peih bruk pok meyaom 35 kreih camin “ dam dara hadah trah ban raya HCM ngak tui panuac Wa”. Ini lac bruk ngak prong di danakdak nyaom roya “ dam dara hadah trah ban raya Hồ Chí Minh ngak tui panuac Wa” thun 2016.

Patui di ini dom khau tin dunya:

8/ Harei ini 3/6, di Xinh-ga-po peih bruk đối thoại Shangri La, pataom dom urang ngak praong saong chuyên gia an ninh, QP meng labaih 30 taneh ia, dalam nan hu takik abih 20 akaok mintri QP dom taneh ia. Kapul VN hu mbaok tame Shangri La, mbang ini kayua thứ trưởng mintri QP Nguyễn Chí Vịnh ba akaok hu dom mbang taom gaok dua gah saong ralo taneh ia jeng yau tham luận di mbang nyom ka dom kadha pandiak di an ninh khu vực, dalam nan praong abih lac bruk merak gauk angaok Biển Đông.

9# Tổng thống Mỹ Ô-ba-ma barau hu panuac khik caga dom sarak kinh tế di drei, taphia nan, cáo buộc dom nghị sĩ đảng Cộng hòa daok duah ja;lan pachot saong ngak brei cử tri trung lưu mboh hoài nghi ka bruk daok tavak tavaiy di gah kinh tế dang akaok di dunya, ndom lac urang nhập cư daok meblah bruk ngak di bhapbinbi Mỹ saong taneh ia Mỹ daok gaok dom taneh ia meriak gauk gah pablei salih tapa mbaok.

10/ Kapul dom taneh ia ngak menyek OPEC harei kabroi 2/6 oh mek hu thỏa thuận barau halei ka sản lượng meyek di mbang nyaom di viên (áo). Kapul dom taneh ia pan dalam tangin 1 dalam 3 lượng meyek dunya oh njauk hatai bruk trun takik bruk ngak menyek - hu dom taneh ia pablei meyek tabiak negar langiu pachreih tui./.