1 # Page harei kabroi 2/9, pak Quảng trường Ba Đình, Ban Chấp hành Trung ương Đảng, Quốc hội, Akaok negar, Raja-ei, Ủy ban Trung ương Mặt trận Negar Việt Nam saong Bal Hà Nội hu peih ngak dalam prong prang bruk mít tinh, diễu binh, diễu hành Pahadar 70 thun Cách mạng Bilan 8 saong Harei negar 2/9. Ngan haong kadha "Patagok pren khang taong abih bangsa, kham merat dak padang saong khik caga khang kajap Negar Việt Nam xã hội chủ nghĩa", bruk mít tinh, diễu binh, diễu hành brei mboh ka labik dang, yaom dakrai sajarah prong di Cách mạng bilan 8 saong bruk tabiak rai di negar Việt Nam Dân chủ cộng hòa, urak ini lac negar Cộng hòa xã hội chủ nghĩa Việt Nam dalam dakrai sajarah mesruh metak dak padang taneh aia, khik iek taneh aia di bangsa; brei mboh hatai thau dhal phol biak dalam tal dom rairah van klaak rup drei brei ka độc lập, yasa taneh aia.

2/ Tui pang diễn văn di akaok negar Trương Tấn Sang tuk pahadar 70 thun cách mạng bilan 8 saong harei negar 2/9, bhap bini daok di ban raya HCM mboh biak chreih chrai. Caong hu dom salih barau ralo jang ka taneh ia yam tagok glaong jang, saai Cao Thị bích Vân, daok di quận Bình tân lac: Thei jeng caong hu sron mbon, oh mesuh metak. Karja drei sangka ralo jang tal rai diuk bhap bini. Praong di abih nan lac kol drei brei hu dom salih barau ka bhap bini saong hu dom salih barau gah pato megru, piah ka rai rah ranaih umo patago hu bruk sáng tạo, jeng yau akaok saneng, hadei di ini piah patagok taneh ia.

3 # Page mesup harei 3/9, lingiu nyom biai dom Akaok Quốc hội di dunya mbang ka 4 di New York, Mỹ, akaok Quốc hội Nguyễn Sinh Hùng hu taduan raok Phaok Akaok Quốc hội Cuba amuk A-na Ma-ri-a Ma-cha-do Ma-ri. Akaok Quốc hội Nguyễn Sinh Hùng tadhau ayuh Đảng, Karja, Quốc hội saong bhap bani Cuba ka dom jak jeng prong mek hu dalam tukvak tapa dalam dom gah patagok kinh tế - xã hội saong đối ngoại, dalam nan njauk ndom tal bruk Cuba padang veik talei rohim pambuak bruk nao mai haong Hoa Kỳ saong peih veik Đại sứ quán pak bal ine di dua negar.

4/ Kayua hu rilo kraong, ribaong, yaok thun tỉnh hậu Giang hu yaok pluh mbang jaleih haluk takai kraong ngak khat lahik rilo ka bhap bini. Dom thun jaik di ini, meng ngak siam bruk daong panduan ba bhap bini tabiak truh labik jaleih haluk nan ye tỉnh ini hu daong ka labaih 1 ribau baoh sang bhap bini hu labik daok barau tani tanat, siam mekre, oh daok dalam duh hatai tapen takai kraong mbuan jaleih haluk.

5 # Giải pakacah gilai inegirai Báo An Giang mbang ka IV- 2015 bahrau peih tabiak di canah klau kraong Châu Đốc. Giải thun ini hu 23 kapul gilai mai meng dom puk palei dalam tỉnh saong dom tỉnh dalam bhum taneran kraong Cửu Long yau Hậu Giang, Cần Thơ, Sóc Trăng. Dom kapul hu mbaok tame pakadah 2 janih nan lac 10 gai vah likei saong 10 gai vah likei – kumei pambuak gauk, ngan haong dom cự ly: 700m, 500m saong 200m. Taphia di bruk pok brei Cúp vô địch, giải thưởng brei  kapul naih gheih di abih dalam yaok nội dung pakacah, mBan peih bruk daok hu pok meyaom dom kapul gilai mai tal đích hạng dua, klau saong pok brei dom giải khuyến khích, tui yaom jien thưởng abih tih jaik 50 triệu đồng.

6/ Piah hadar tal ame taha anit ranam di bangsa, mesup harei kabroi 2/9, di huyện Đầm Dơi, tỉnh Cà Mau hu ralo xã ngak talam lisei paling Wa tuk pahadar harei Wa nao atah, taphia di nan peih bruk bac megru saong ngak tui panuac Wa. Ong Nguyễn Thanh Phong daok di palei Thanh Tùng, xã Thanh Tùng, huyện Đầm Dơi brei thau: “Iek praong saong pok kakuh Wa, urang lãnh tụ naih gheih di taneh ia drei, kayua yau nan bo hatai jai di bhap bini Thanh Tùng piah bayar veik dhar phon nan di harei 2/9 ngak lisei paling Wa”.

7 # Sở Pato megru tỉnh Đắc Lắc bahrau peih nyaom biai pataom iek veik thun bac 2014-2015 saong peih tabiak jalan ngak ka thun bac bahrau 2015 -2016. Thun bac meng blaoh, tỉnh Đắc Lắc hu jaik 1.000 sang bac dom pakat hu jaik 450 ribau anek saih, dalam nan hu 34% lac anek saih bangsa takik. Bruk ngak hu praong di gah pato megru tỉnh Đắc Lắc dalam thun bac meng blaoh nan lac pato pakai hu 35 anek saih mek hu giải dalam dom mbang pakacah anek saih naih jioy pakat negar, dang akaok dalam 10 tỉnh gah kreih negar saong Tây Nguyên. Thun bac 2015-2016, gah pato megru Đắc Lắc ba tabiak jalan ngak lac, patui buh jien tame patagok dom sang bac tal duk bac, patagok cơ sở vật chất, pandap pato megru piah khik caga chất lượng pato saong bac.

8/ Di tỉnh Đồng Nai, jit pandiak tabiak drah daok tame bilan tabung glaong saong rah tabiak dalam kan kandah. Yaok adit, tỉnh ini hu jaik 300 urang njauk ruak pandiak tabiak drah. Bác sĩ Cao Trọng Ngưỡng, akaok pasak y tế dự phòng tình ĐN lac: “Kol dahlak peih ngak 2 mbang praong ye, taphia di nan peih ralo mbang pruh jru padam dom sruh jit . Urak ini, kol dahlak daok tame bruk pametai lăng quăng mbang ka 3, taphia di nan kol dahlak jeng likau jien di tỉnh peih veik bruk pruh hóa chất pametai jamuok mbang 4. Urak ini UB bhap bini tỉnh hu harak tacei pato dom puk palei pataom tame padam jit, tỉnh jeng padang dom kapul pasang iek dom labik praong mbuan hu jit ruak./.