1# Dalam dom bruk di mbang rivang Hoa Kỳ, page harei 4/9 tui tukvak Việt Nam, akaok Quốc hội Nguyễn Sinh Hùng hu taom gaok Akaok thượng viện, akaok Hạ viện bang Ma-sa-chu-sét, nao rivang sang bac Đại học Ha-vớt. Kadha praong di dom mbang taom gaok nan lac ginum biai jhul patagok bruk pambuak gauk di bang Ma-sa-chu-sét saong dom tỉnh, bal di Việt Nam, abih di nyu nan lac dalam gah kinh tế, jien padai saong pato megru.

2/ biar harei kabroi 3/9, akaok negar ong Trương Tấn Sang gam saong kapul pakat glaong VN hu nao rivang, ndom meyai saong urang jakar urang ngak bruk dalam Đại sứ quán Việt Nam di TQ. Akaok negar Trương Tấn Sang taong yaom glaong dom kham merat di gah ngoại giao jeng yau di Đại sứ quán VN di TQ. Akaok negar ndom lac, piah hu dom jakjeng ngoại giao yau urak ini, urang jakar urang ngak bruk dalam đại sứ quán hu rilo kham merat , thau yam tapa kan kandah, brei mboh ilamu saong pren khang di drei.

3 # Jeng dalam Biar harei nan, ong Nguyễn Xuân Phúc, Ủy viên Bộ Chính trị, Phaok Thủ tướng Raja-ei saong kapul urang ngak bruk hu van ngak bruk haong Ủy ban bhap bani tỉnh Đắc Nông ka bruk cakrok patagok kinh tế- xã hội, quốc phòng - an ninh puk palei. Brei panuac pak van ngak bruk, Phaok Thủ tướng Nguyễn Xuân Phúc taong yaom glaong bruk ngak hu di tỉnh Đắc Nông dalam tukvak anak tapa, taphia di nan njauk caik hatai dom kadha prong dalam tukvak anak tal. Dalam nan, tỉnh njauk pataom tame ieu pachreih urang buh jien tame patagok kinh tế - xã hội, jhul pakhang bruk salih bahrau hành chính saong kham merat paglaong bruk meriak gauk. 

 4/ Thun bac ini, huyện A Lưới, tỉnh Thừa Thiên Huế hu labaih 12.000 anek saih dom pakat nao bac. Caga ka thun bac 2015 – 2016, duk pato megru huyện hu buh tame jaik 5 tỷ đồng padang ngak 14 duk bac barau di xã Nhâm; padang ngak paga ka mblang bein sang bac mầm non A Ngo; pasiam mblang me-in mblang pasram ka sang bac tiểu học dalam huyện. Taphia di nan, duk pato megru huyện A Lưới daok buh tame labaih 200 triệu đồng piah patagok tu tapuk giáo khoa pandar hong gauk ka pakat tiểu học saong trung học cơ sở dalam huyện, khik ka taong abih anek saih hu nao tal sang bac hu ginup tapuk giáo khoa. 

5 # Sang bac Đại học Đông Á, bal Đà Nẵng saong kapul Route Inn (Nhật Bản) bahrau mboh tangin pambuak bruk pato manuac urang ngak bruk chất lượng glaong gah Rivang ma-in naih sap Nhật ngak bruk dalam dom khách sạn, Viện dưỡng lão di Kapul daok pak Việt Nam saong Nhật Bản. Tui nan, yaok thun, Kapul Route Inn meda pilih ruah meng 150 tal 200 sinh viên bac tamat khoa Du lịch, Sang bac Đại học Đông Á pabak hu chuyên môn, hu ilamu ngak bruk chuyên nghiệp, thau ralo ka ilamo saong meda ndom biai hu sap Nhật tui tanut ba tabiak. Kapul meda ba gru pato urang Nhật tapa  pato sap Nhật ka sinh viên sang bac Đại học Đông Á, brei chuyên gia daong padang ngak danak dak pato gah Rivang ma-in, ilamu saong ilamo Nhật Bản.

 6/ Thun bac barau ini, tỉnh Bà Rịa-Vũng Tàu hu 13 sang bac barau hu ba tame pandar, dalam nan hu 11 sang bac mầm non. Ini lac dom sang bac hu ngak meng kadung jien karja di tỉnh. Langiu di nan, dom huyệ, ban dalam tỉnh jeng hu buh jien ngak pasiam veik sang bac, tal bac ngan saong yaom jien jaik 160 tỷ đồng. Ong Nguyễn Thanh Giang, giám đốc sở pato megru tỉnh Bà Rịa – Vũng Tàu lac: Tal urak ini dom sang bac, abih di nyu nan lac mầm non daok di ban Vũng Tàu hu padang ngak barau 5 sang bac mầm non nan ye bruk sang bac di ban Vũng Tàu meda pabak siam ka bruk bac daa di bhap bini.

7 # Piah harei 5/9 jeng harei roya bhap bani ba ranaih tame sang bac, gah Pato megru tỉnh Kon Tum hu yam tapa ralo kan kandah piah kuhria caga ka harei tame thun bac bahrau 2015 -2016. Sở Pato megru tỉnh Kon Tum buh tabiak labaih 27 tỷ đồng blei dom janih pandap pato bac. Langiu  di nan, dom puk palei dalam tỉnh jeng buh jien tabiak padang ngak bahrau yaok rituh duk bac, duk mbang, duk ndih saong công trình vệ sinh. Yau nan min, anak meta hu mboh pak bhum atah bayah di tỉnh Kon Tum cơ sở vật chất daok gaok ralo kan kandah, jien buh tabiak ka bruk pasiam veik sang bac, duk bac daok biak takik. 

8/ Tui quyết định di dua mintri công thương saong jien padai, meng harei 3/9, yaom xăng RON92 trun 1.198 đồng sa lít, daok 17.338 đồng sa lít. Gam saong yaom xăng RON92, dua mintri công thương saong jien padai brei patun yaom xăng E 5 1.198 đồng sa lít, menyek diesel 0,05S trun 111 đồng/lít; menyek truac trun 23 đồng/lít; menyek mazuts 180CST 3,5S trun 785 đồng/lít. Yau nan, meng yaom trun ini, yaom pablei rai dom janih xăng menyek di darak ngan saong xăng E 5 oh glaong jang 16.843 đồng sa lít, menyek diesel 0,05S oh glaong jang 13.310 đồng/lít; menyek truac oh glaong jang 12.286 đồng/lítmenyek mazut 180CST 3,5S oh glaong jang 9.351 đồng/kg./.