1/ Melam kabroi, ( 7/10) di phủ Chủ tịchakaok negar Trương Tấn Sang hu var taom gaok Kapul lambaok urang kamei lac urang ngak naih gheih gah xăng menyek, tuk kapul mai HN hu mbaok dalam nyaom pataom iek veik bruk pakacah “ Joi bruk taneh ia, gheih bruk sang” tuk vak 2010-2015 kayua Công đoàn xăng menyek Việt Nam peih tabiak. 100 urang kamei ini, lac dom urang naih gheih lambaok ka labaih 15.800 urang kamei công đoàn song labaih 69 ribau urang ngak gah xăng menyek. Di var taom gaok kapul lambaok, akaok negar hu panuac caong lac gah xăng menyek brei sangka tal dom labik, dok kan kandah di gah xăng menyek, abih di nyu nan lac urang ngak lac urang kamei peih ngak sarak, chế độ công bằng, pachreih urang jakar, urang ngak pambuak pagam song bruk ngak.

2/ Phaok thủ tướng Vũ Đức Đam njauk hatai saong panuac caong di mintri y tế brei peih bruk klauk vacxin laka glo akaok NB ka uranaih umo meng 6 tal 14 thun meng vacxin daong di liên minh dunya ka vacxin saong klauk caga. Tui danak dak klauk caga peih praong pakat negar, vacxin laka glo akaok NB hu peih ngak dalam danak dak klauk caga peih praong meng thun 1997 ka uranaih umo meng 1 tal 5 thun; bruk klauk vacxin ini hu peih praong tapa dom thun. Thun 2014 vacxin laka glo akaok NB hu peih ngak di taong abih dom puk palei dalam negar tapa bruk peih chiến dịch. Tal urak ini hu yaok pluh triệu mbang uranaih hu klauk vacxin ini.

3/ Harei 7/10, sang bac ĐH công nghệ ban raya HCM peih bruk brei thau Quyết định padang Phân hiệu Quảng Ngãi song peih thun bac bahrau. Phân hiệu Quảng Ngãi pabak hu bruk pato pakai ka 2.800 sinh viên  đại học song cao đẳng. Bruk sang bac ĐH co6nfg nghiệp ban raya HCM brei padang Phân hiệu di Quảng Ngãi dong palagaih bruk pato pakai menuac urang hu ilamu glaong pabak ka puk palei song dom tỉnh di gah kreik negar song Tây Nguyên.

4/ Salam uan Sene Dolta di bhap bini Khmer (meng harei 29 tal harei 30/8 tui saka ia bulan), harei 7/10, dom kapul urang jakar tỉnh ủy, UB bhap bini, UBMT negar tỉnh Bạc Liêu mai tadhau yuh, tangi sua, alin hadiah pandap mban trị sự dom baha phật giáo Nam tông Khmer dalam tỉnh. Lambaok urang dang akaok tỉnh ini taong yaom glaong bruk buh pren yava di bhap bini bangsa Khmer brei ka bruk patagok di puk palei saong taneh ia dalam luac tukvak tapa; caong khin ong bhik saong bhap bini phật tử patagok bruk jum pataom bangsa, pakacah gauk ngak mbang pala drak, dak padang palei pala Bạc Liêu dak harei dak kaya meda siam mekre.

5/ Tal harei 7/10 di xã Hưng Long huyện Hưng Nguyên tỉnh Nghệ An jeng dok hu 4 urang ruak pandiak tabiak darah hu dom y bác sỹ bilai y tế xã kham merat iek ruak. Tui kuhria mboh, ruak pandiak darah di  xã Hưng Long dok rah tabiak dalam kan kandah. Makna ba tal jit ruak kayua langik tasik oh siam, xã HU&ng Long lac sa puk palei bhian hu ia ndik ia sua dalam bilan hajan yau nan ye mbuan si hu jamuk caih meboh rilo.

6/ Tui pasak y tế dự phòng tỉnh Bà rịa – Vũng Tàu, ruak pandiak tabiak drah jeng daok patagok samar saong rah tabiak dalam kan kandah. Meng akaok thun tal ini dalam tỉnh hu 1.631 urang ruak pandiak tabiak drah ( thun 2014 nan lac 1.358 urang). Dom urang iek ruak nội trú jeng tagok ngan saong 1.077 urang, meblah 66%. Anak bruk ini, tui tacei pato di UB bhap bini tỉnh, gah y tế hu peih bruk pametai lăng quăng, pataom tame di dom labik mbuan rah tabiak glaong jeng yau pathau khan dalam tal yaok bhap bini brei hu akaok saneng pacang cakak ruak pandiak tabiak drah.

7/ Kuhria tal bilan 10 ni, tỉnh An Giang hu 1.884 urang ruak pandiak tabiak darah, tagok 103,5% dut song tuk vak ni thun dahlau, ruak pandiak tabiak darah hu di tong abih dom huyện, thị, ban dalam tỉnh. Urak ni dom sang iek ruak tỉn, huyện dom cơ sở iek ruak dok caga jru tavoa saong abih janih piah taduan urang ruak mai iek ruak, Gah y tế dok patagok bruk tui iek, tacei pato, daong bruk pacang caga jit di dom labik pandiak, peih bruk pruh jru hóa chất pametai anek ruak di dom labik mbuan si hu jit ruak glong, langyah khang, hu siam lagaih dom sruh jit ruak tuk thau, pacang jit ruak tamuh tabiak.

Patui di ini dom khau tin dunya:

8/ Dom urang metai kayua pandiak tabiak drah di Bra-xin daok tagok khang. Harak pathau khan kayua mintri y tế Bra-xin brei thau barau ini, tok dalam 8 bilan di thun 2015 hu 693 urang metai kayua njauk jit ruak ini. Ini lac dom urang metai kayua pandiak tabiak drah glaong di abih meng thun 1990 tal urak ini. Dalam nan bang Xao Pau-lô  lac labik gaok kan kandah trak di abih, hu labaih 68% dom urang metai.

9/ Ủy ban môi trường song hiệp hội urang pandar cai  Singapo brei thau, bruk suak pui urak ni di Singapo jang yau dom negar bhum Đông Nam Á, lac mai meng bruk urang nong Inđônêsia am cuh haluk hamu hadei tuk thu hoạch, piah patrun phun jien di odm labik pala cọ mek menyek. Bruk ni oh lac ngak khat lihik ka gah kinh tế di Inđônêsia, Singapo song Malaysia bo daok ngak catang tal talei rohim di 3 negar ASEAN dok jiak tapen gauk ni./.

10/ Hội đồng giải thưởng giải Nôbel barau brei thau urang ilamu bangsa Mỹ, Thụy Điển saong Thổ Nhĩ Kỳ mek hu giải Nôbel hóa học 2015 ngan saong bruk ruah duah jalan pasiam veik bộ gien di truyền AND. Bruk ngak di dom urang nan hu brei thau ka bruk ngak di sa tế bào diuk. Tapa nan hu daong ka tbruk patagok dom jalan barau iek ruak ung thư. Dom urang jayah taduan hu giải thưởng yaom 631 ribau bảng Anh./.