1# Bair harei kabroi, di Hà Nội, hadei di 4 harei ngak bruk, nyaom biai mbang yaka 11, Ban Chấp hành Trung ương Đảng khóa XI hu salah blaoh. Tổng Bí thư Nguyễn Phú Trọng brei thau, lac jabat dang akaok abih di Dang dalam dua mbang nyaom roya, Ban Chấp hành Trung ương khóa XII njauk lac sa kapul khang kajap, jum pataom njauk hatai gauk khang, bản lĩnh chính trị khang kajap, hu phẩm chất đạo đức hadah, thau caik hatai tui pang, tự phe binh saong phe binh tapak, pataom hu bruk jum pataom, njauk hatai gauk dalam Dang; hu angan je, nang luc dang akaok taneh ia di tukvak patagok barau.

2/ Di sang QH, amuk Tòng Thị Phóng, Ủy viên mintri chính trị, Phó akaok Quốc hội hu taduan ong Mê-đác-đô Gôn-xa-lết, Tổng bí thư Đảng Mặt trận peih paha bangsa Pha-ra-bun-đô Mác-ti (FMLN), En Xa-va-đo tuk ong ba akaok kapul mai rivang saong ngak bruk di VN. Phaok akaok Quốc hội Tòng Thị Phóng ndom lac VN tuk halei jeng iek praong saong caong khin patagok, peih praong talei pambuak bruk saong bhum Mỹ Latinh dalam nan hu En Xa-va-đo.

3# Di ban sit Hải Phòng, Kapul Liên hiệp dam dara Việt Nam barau peih pakak nyaom biai bac megru, patabiak nghi quyet nyaom roya urang jakar oakat negar Kapul Liên hiệp dam dara Việt Nam mbang yaka 7, tukvak 2014- 2019 bhum gah Brak. Dalam khuôn khổ nyaom biai, dom urang jakar bac megru chuyen de : bruk “ dahlak anit ranam negar” saong bruk pato pakai pachreih hatai anit taneh ia di dam dara ; bac megru, roh duah kadha : bhapbini kinh tế ASEAN 2015- mbuan lagaih saong cuang kandah di taneh ia saong dam dara Việt Nam .

 4/ Peih ngak danak dak taom gaok cử tri dahlau di mbang nyaom ka 9, QH mbang XIII, kapul urang lambaok QH tỉnh Kon Tum hu caik hatai tui pang ralo panuac di cử tri puk palei. Pambuak tal bruk blei BHYT halan hatian, cử tri Nguyễn Đức Tuyến, urang dalam kapul urang dahlau daih ngak bol lin phường Thống Nhất ndom lac, ini lac sarak siam hu yaom glaong, min harak ba-ar pablei BH nyu tavak tavaiy oh lagaih brei ka urang blei BH.

5# Hadei dom bruk daong urang nong pablei tam kai, Tỉnh Đoàn Quảng Ngãi daok patabiak danakdak “ asar sahra nghĩa tình” piah pablei sara ka mikva diem dan di Sa Huỳnh, huyện Đức Phổ. Tỉnh Đoàn jak ba urang doan, dam dara blei sara daong diem dan saong yaom 1500 đồng/sa kg, hadei nan ngak kadung pablei tabiak darak pasal. Urak ini, dom doanh nghiep ye Công ty Bia –alak, ia menyum Sài Gòn (Sabeco) njauk hatai blei sara ka mikva yaok bilan 700 kg ngan saong yaom 2000 đồng/sa kg; Tổng Công ty pablei salih Hà Nội jeng pataom tame brei sara daong diêm dân Sa Huỳnh.

6/ Pahadar 60 thun harei padang cục phòng thủ takai tasik, angan ieu camereip di hải quân bhap bini VN, kapul ngak bruk di mintri thông tin Truyền thông kayuaThứ trưởng Trương Minh Tuấn ba akaok saong lambaok urang ngak praong Bộ tư lệnh hải quân gam saong ralo lambaok đơn vị, puk palei daok dalam taneh ia hu nao rivang urang jakar, chiến sỹ daok ngak bruk di pulao Đá Nam saong pulao Song Tử Tây di pulao Trường Sa, tỉnh Khánh Hòa. Thượng tá Nguyễn Mạnh Hồng, urang Chính trị pilao Song Tử Tây brei thau: Hu dom kapul mai rivang pachreih ba piah urang jakar, chiến sỹ kol dahlak pasiam veik bruk kan kandah, kham merat ngak siam nhiệm vụ khik caga chủ quyền takik pulao, taneh gingreih di taneh ia palei negar”.   

7# Pagaiy harei kabroi, Bộ đội Biên phòng ban raya Hồ Chí Minh barau peih bruk pahadar 40 thun harei truyền thống (7/5/1975 - 7/5/2015). Atah di ini 40 thun, ngak tui tacei pato di Trung ương Cục Miền Nam saong mintri Công an, Đoàn Công an nhân nhân vũ trang Biên phòng Cảng Sài Gòn hu dak padang ngan saong bruk khik caga chủ quyền, an ninh chính trị, trật tự an toàn xã hội dalam Cảng Sài Gòn. Yaom lac tapa rilo tukvak jao brei, jeng ye ramik pasiam bruk tổ chức lực lượng, labik khik iek… min urang jakar,  urang lin Công an bhapbini vũ trang Biên phòng Cảng Sài Gòn, urak ini lac Bộ đội Biên phòng ban raya Hồ Chí Minh tuk halei jeng kham merat yam tapa kan kandah, ngak siam bruk hu jao brei.

Patui di ini dom khau tin dunya:

8/ Di ban ine Viêng-chăn, Lào barau rah tabiak mbang họp QH yaok thun bilan 4. Di mbang họp, UBTVQH Lào hu pang harak pathau khan saong ginum meyai ralo asar praong dalam 3 bilan tapa saong ginum meyai dom asal dalam tukvak anak tal. Mbang họp ini hu ginum meyai bruk phê chuẩn Nghị định thư ka bruk pasang iek taphia negar hong gauk mbang ka sa di Lào saong TQ; ginum meyai tapa dự thảo hukum je pablei salih abih di nyu nan lac radaih ô tô saong dom bruk praong karei.

9# Harei kabroi, Hội Trăng lưỡi liềm đỏ Iran brei thau, meda payua viện trợ nhân đạo ka dom bhum ,meriak gauk di Yêmen. Sa sruh kapal pajeng 2 tấn meteh pandap  saong jru tavao nao tal ban cảng gah meraong Banđa Ápbát, tabiak nao di harei 9/5 saong tame bến dalam 10 harei tra. Iran jeng hu khan ka  Ủy ban Chữ thập đỏ di dunya saong kapul Trăng lưỡi liềm đỏ Arập Xêút thau ka mbang daong pandap ini.

10/ Sa pathau khan barau ini di gah y tế dunya brei thau, bruk peih ngak dom mbang klauk jru thun ini daok suai. Tui gah y tế dunya, mesruh metak, jit ruak nan lac dom makna ngak ka uranaih grap labik di dunya oh hu klauk chủng ginup. Pacap bruk ruak sởi ngak brei metai bo daok caik veik dom di chứng trak yau kagluh meta, tangaoh atau tổn thương glo akaok./.