1/ Harei kabroi, di HN hu rah tabiak bruk mbaoh tangin tame harak pambuak bruk ngak di UBTUMT negar VN song rayo sap ndom VN, Rayo papar binguk VN song Thông tấn xã VN tukvak 2015-2019.  Brei panuac di tuk nan, ong Nguyễn Thiện Nhân, Uỷ viên mintri chính trị, akaok Uỷ ban Trung ương Mặt trận negar  Việt Nam ndom lac dom gah thông tin truyền thông hu rik dong biak prong ka bruk patagok di taneh ia, tapa nan nyu dong ngak ka bhap bini hu thau ka sarak, hukum di Đảng song karja.

2/ Uan Tết Chôl Chnăm Thmây thun ini, UB bhap bini tỉnh Trà Vinh buh tabiak 385 triệu đồng meng kadung jien karja piah nao rivang, alih hadiah pandap ka dom ong bhik, ban quản trị baha saong dom baoh sang sarak bangsa Khmer hadah krah dalam tỉnh. Dom thun tapa, rai diuk di bhap bini Khmer hu salih barau, abih di nyu nan lac dalam thun 2014 baoh sang kan kathaot trun jaik 4%.

3/ Bruk nao duah, mek veik nguồn phóng xạ lihik nao dok hu tỉnh BRVT samar peih ngak song peih prong tal dom tỉnh Bình Dương,  Đồng Nai song ban raya Hồ Chí Minh. Dom thaot binguk, khau tin ka nguồn phóng xạ lihik nao hu brei thau angaok dom phương tiện thông tin đại chúng, di sang mac, labik dok, dom vựa ve chai piah thau, piah duah.

4/ Hội đồng bhap bini tỉnh hậu Giang khóa VIII barau peih mbang nyom ka 12 (mbang nyom bất thường), piah brei tapa dom bruk nhân sự. Di mbang nyom, dom đại biểu jeng njauk gauk pilih ruah pabak ong Trương Cảnh Tuyên, Phó Bí thư Huyện ủy, akaok UB bhap bini huyện Châu Thành, ngak phaok akaok UB bhap bini tỉnh tukvak 2011-2016, ngan saong phiếu tín nhiệm hu labaih 96%.

 5/ UB bhap bini tỉnh Bến Tre bahrau peih “Nyaom biai pambuak bruk patagok gah ngak liu khang kajap”. Labaih 200 urang lambaok di mintri ilamu khoa học song công nghệ, viện roh duah menyek song phun hu menyek, lambaok dom DN sx chế biến, dom kapul pambuak bruk mai hu mbaok. Ni lac danak dak dok dalam harei pataom liu Bến Tre thun 2015.

6/ Di ban raya HCM, UB an toàn jalan mbak pakat negar saong cty TNHH Emart Việt Nam barau peih bruk mbaoh tangin tame danak dak pambuak bruk jhul pakhang bruk pathau khan, jak ba ngak tui hukum ka tuak mot bảo hiểm ka uranaih”. Tui qui định, uranaih umo meng 6 thun tagok tuk daok angaok radaih mac pacap tuak mot bảo hiểm njauk quy cách. Meyah urang peih radaih mac oh tuak mot bảo hiểm njauk quy cách ka uranaih njauk taong phạt meng 100 ribau tal 200 ribau đồng.

7/ Urak ni, karja song bhap bini huyện palao kaoh Tân Phú Đông, tỉnh Tiền Giang biak duh hatai anak bruk kurang ia pandar dalam bilan thu. Tong abih bingun, danao ia dalam huyện thu abih ia. Labaih 1 adit tapa, dom jalan ba ia meng bilai pabak ia kayua Công ty trách nhiệm hữu hạn Một thành viên pabak ia pandar palei pala Tiền Giang khik ramik jeng brei padam ia. Urak ni di huyện palao kaoh Tân Phú Đông, tỉnh Tiền Giang hu labaih 12.000 boh sang, dalam nan hu labaih 8000 boh sang kurang ia hacih saat piah pandar.

Patui di ini dom khau tin dunya:

8/ Hadei di tuk buh tabiak labaih 15 triệu đô la daong dom danak dak ka NB di 9 sang bac đại học daok di negar langiu, rajaei NB urak ini daok daong bruk lang sap saong patabiak tapuk meng sap Nhật tapa sap Anh. Dom ấn phẩm akaok meti tui kuhria meda hu mbaok di dom gilang tapuk Mỹ dalam bilan ini.

            9/ Rajaei Nga dok kuhria ba Hy Lạp, Hung-ga-ri song Cộng hòa Síp tabiak truh angan dom negar phương Tây oh brei pablei pandap tame darak pasa Nga. Ni lac panuac khan di akaok mintri ngak nong song patagok palei pala Nga Ni-kô-lai Phi-ô-đô-rốp (Nikolai Fyodorov) anak dom urang ngak mbao. Hãng tin TASS di Nga hu ba panuac ong Phi-ô-đô-rốp brei thau angan dom negar hu tabiak truh angan trừng phạt meda hu Nga brei thau dalam tukvak anak tal.

10/ Cảnh sát ban ine Phờ-ri Thao, Xi-ê-ra Lê-ôn barau cap hu 13 urang ngak suan quy định di rajaei taneh ia ini tuk eng drei dar urang ruak Ebola metai sung hukum saong oh an toàn. Tui pasak phản ứng Ebola, bruk dar oh an toàn saong bí mật dom urang ruak kayua Ebola daok ngak duh hatai khang ngan saong Xi-ê-ra Lê-ôn dalam bruk mesruh pacang cakak jit metai menuac ini./.